Álfheiður Eymarsdóttir vara alþingismaður fyrir Pirata

kaldbakur | 1. nóv. '19, kl: 17:19:21 | 161 | Svara | Er.is | 0

Álfheiður segir á Facebook að einkarekstur í skólakerfinu og heilbrigðisþjónustunni sé eina lausnin til að bæta kjör og starfsumhverfi kennara. Telur hún að hið opinbera sé „glatað“ og gjarnan ófært um að hugsa vel um starfsfólk og ófært um rekstur.


Já það eru ekki allir Piratar eins.

 

kaldbakur | 2. nóv. '19, kl: 18:15:39 | Svara | Er.is | 0

Það er auðvitað augljóst að heilbrigðisþjónustan og kerfið allt er komið að fótum fram.
Sífellt dælt meira fé hlutfallslega af sjóðum samfélagsins en ekkert gengur.
Þetta er n+u bara það sem Álfheiður er að segja.

Júlí 78 | 2. nóv. '19, kl: 20:51:29 | Svara | Fyrri færsla | Er.is | 0

Ætli það séu ekki ýmsar skýringar á því að meira fé þurfi t.d. á Landspítalann. Mikil fjölgun ferðamanna sem veikist og lendir í slysum. Gert var miklu betur við lækna á sínum tíma (laun) og þá jókst kostnaður og læknar vildu þá koma heim frá útlöndum fyrst þeir fengu betri laun...Er ekki svo byrjað að byggja - Hringbrautar-verkefnið (LSH)? Hvað ætli mikið aukið fé fari bara í það (að byggja)? Eitthvað kostar það nú. Svo liggur gamalt fólk þarna í hrönnum og mér skilst að það sé miklu dýrara að hafa gamalt fólk inná spítala heldur en á hjúkrunarheimili..Mér finnst ananrs fróðlegt það sem  Ágúst Einarsson, prófessor emiritus við Háskólann á Bifröst segir 26. apríl 2019: 


"Minna fjármagni sé veitt til heilbrigðismála hér á landi en í nágrannalöndum, til að standa jöfnum fæti með öðrum norrænum löndum þurfi að auka framlög til málaflokksins um 30 milljarða á ári. Sums staðar sé horft til þess að 11 prósent vergrar landsframleiðslu eigi að fara í heilbrigðiskerfið en þá þyrfti íslenska ríkið að auka framlög um 60 milljarða en það er um það bil sama fjárhæð og Landspítalinn fær á ári. „Þetta eru svo stórar tölur sem eru í kringum þetta,“ segir Ágúst og fjárfestingar í málaflokknum séu minni hér en á Norðurlöndum.

Reykingar og áfengisneysla kosta sitt

Þrátt fyrir að mikið starf hafi verið unnið í að draga úr reykingum Íslendinga er árlegur kostnaður vegna heilbrigðisvandamála sem þeim tengist 25 milljarðar á ári. Áfengisneysla landsmanna hefur aukist undanfarin ár í samanburði við önnur lönd og segir Ágúst þá neyslu kosta heilbrigðiskerfið um 80 milljarða á ári, 20 milljörðum meira en varið er til Landspítalans.

„Kostnaður í sambandi við heilbrigðismál er mjög mikill og hann er miklu meiri en fólk almennt gerir sér grein fyrir,“ segir Ágúst. Leggja þurfi meira fjármagn í heimahjúkrun og heimaaðstoð þar sem Ísland sé eftirbátur annarra norrænna landa. „Stærsta hjúkrunarheimilið erum við að reka inni á Landspítalanum sem er nú bara fjarstæða að gera slíkt.“

Það er augljóst að það þarf að gera miklu betur við sjúklinga, það þarf að borga hjúkrunarfræðingum betri laun svo þeir komi fleiri til starfa. Nauðsynlegt að stytta bið sjúklinga eftir aðgerðum og sjálfsagt þarf margt fleira að gera. Svo er hægt að ræða við forstjórann á LSH um málið. Mér finnst nú að þessir þingmenn ættu að gera það áður en þeir setja upp vandlætingarsvip og kvarta yfir meiri peningaaustri í heilbrigðismál að kynna sér almennilega málið. Kannski þarf að breyta einhverju í rekstrinum en ég held bara að forstjóri LSH geti ekkert breytt meiru, hann er endalaust að hagræða. Á kannski að hagræða svo mikið að það bitni á sjúklingum? Kannski þarf bara ríkið einfaldlega að leggja meira fé í innviði þ.á.m. í heilbriðismál og reyna að sjá til þess að þeir sem svíkja undan skatti borgi það sem þeim ber til samfélagsins, alveg hægt að gera töluvert í þeim málum held ég. Og kannski koma með auðlegðarskatt? Svo ef þingmenn eru ekki ánægðir í hvað frjármunirnir fara þarna þá hljóta þeir að geta sett saman hlutlausa nefnd sem er með þekkingu á fjármálum og rekstri og hafa þá líka inní þeirri nefnd fólk sem hefur eitthvað vit á sjúkrahúsþjónustu og nefndin skoðað þá málið almennilega. 

En það þarf að AUKA fjárframlögin til heilbriðgismála hér um 30 milljarða á ári til að standa JAFNFÆTIS öðrum norrænum löndum eftir því sem Ágúst Einarsson prófessor segir. Vissi Álfheiður þingmaður það ekki? Er hún að leggja það kannski til að það verði lélegra heilbrigðiskerfi hér á landi heldur en á hinum norðurlöndunum?

 

Miklar breytingar í íslensku heilbrigðiskerfi
 

Júlí 78 | 2. nóv. '19, kl: 22:52:58 | Svara | Fyrri færsla | Er.is | 0

En þarna segir Ágúst Einarsson að " Leggja þurfi meira fjármagn í heimahjúkrun og heimaaðstoð þar sem Ísland sé eftirbátur annarra norrænna landa." Það getur vel verið að þess þurfi en þetta má ekki verða þannig að fólk sem virkilega þarf að fara á hjúkrunarheimili komist ekki þangað. Stundum er það betra fyrir bæði aðstandendur og einstaklinginn að fara á hjúkrunarheimili en það getur líka verið öfugt....eins og ég las í þessu viðtali á DV (tengill) sem mér finnst að ætti að vera SKYLDULESNING FYRIR ALÞINGISMENN og bara alla. Ég hef mikla samúð með þessum manni, ég var að lesa greinina í dag, sorglegt fyrir hann að þurfa að vera / búa þar sem hann vill ekki vera (á hjúkrunarheimili). Þarna segir meðal annars:


"Erling kynntist Jorenda, konu frá Filippseyjum, á netinu. Hann sagðist hafa verið að leita sér að aðstoð út um allan heim en fann enga. Þar til hann fann Jorenda, Rhea eins og hún er kölluð. Eftir nokkra baráttu við kerfið kom Rhea til Ísland og starfaði sem aðstoðarmaður Erlings í gegnum NPA-samning, samning um notendastýrða persónulega aðstoð. Dóttir Rhea, Joebell, kom síðar til Íslands. Líf Erlings breyttist mikið við þetta. Hann var ekki lengur háður ókunnu fólki, gat búið heima við eins eðlilegar aðstæður og heilsa hans bauð upp á. Þegar dvalar- og atvinnuleyfi Rhea var að renna út ákváðu þau að gifta sig. Það var ekki stór ákvörðun, það hefði verið miklu stærri ákvörðun að láta útlendingalögin skilja þau að. Erling kannaði hjá sveitarfélaginu hvort þetta myndi einhverju breyta varðandi NPA-samninginn og var fullvissaður um að svo væri ekki. En það reyndist rangt.  Eftir að þau Erling og Rhea giftu sig neitaði Mosfellsbær að endurnýja samninginn, sagði ólöglegt að gera slíkan samning við skyldmenni eða fjölskyldumeðlim. Við það missti Erling NPA-samninginn og Rhea vinnuna. Og þar sem Erling var ósjálfbjarga um flesta hluti var hann settur inn á hjúkrunarheimili, það var ekki hægt að skilja hann eftir heima án aðstoðar. Þar er Rhea hins vegar atvinnulaus, á atvinnuleysisbótum. Á meðan Erling er á hjúkrunarheimilinu er hann ekki á örorkubótum. Fjölskyldan var því ekki sameinuð við giftinguna, heldur sundruð. Erling tryggði ekki að hann gæti búið heima heldur endaði á hjúkrunarheimili þar sem honum líður eins og hann sé fangi, dæmdur fyrir að vera öryrki, fatlaður og upp á aðra kominn."



 

 


Júlí 78 | 3. nóv. '19, kl: 06:55:15 | Svara | Fyrri færsla | Er.is | 0

En þú kaldbakur hefur sjálfsagt viljað fá umræðu um það hvort hér ætti að vera tvöfalt heilbrigðiskerfi eða ekki. Heilbrigðisráðherra (Svandís) hefur sett sig upp á móti slíku. En það er komið þó henni finnist það ekki vera komið...Ríkið hefur ekki samið við sérfræðilækna og læknarnir farnir að rukka fólk um "aukagjald" vegna þess. Þeir fátækari veigra sér þá við að fara til sérfræðings. 


Þetta las ég í grein sem að Óli Björn Kárason skrifaði fyrir rúmu ári síðan (lok ágúst 2018):

"Ágúst Kárason og Ragnar Jónsson, bæklunarlæknar, lýstu því ágætlega í Morgunblaðinu síðasta laugardag hvað gerist ef samningar við sérfræðilækna verða ekki endurnýjaðir:

„Líklegast munu læknastöðvar starfa áfram í svipaðri mynd en í gjörbreyttu kerfi. Tvískipt kerfi myndast. Þeirra sem hafa efni á þjónustunni og hinna sem ekki hafa ráð á henni. Þörf á einkatryggingum mun strax koma fram.“

Þeir Ágúst og Ragnar eru langt í frá þeir einu sem vara við þeirri vegferð sem við erum lögð af stað í. Stjórn Læknafélags Íslands lýsti fyrr á þessu ári þungum áhyggjum af stöðu sérhæfðrar heilbrigðisþjónustu utan sjúkrahúsa. Án samninga við sérfræðilækna „er hætta á að á Íslandi þróist tvöfalt heilbrigðiskerfi, þekking og þjónustustig dali og upp komi viðvarandi læknaskortur á mikilvægum sviðum nútíma læknisfræði“."

Þannig að það strandar greinilega á ríkinu..við komum alltaf að sama punktinum, það vantar meira fé í heilbrigðiskerfið. En líklega eru einhverjir stjórnmálamenn að reyna að ameríkuvæða heilbrigðiskerfið...að þetta endi með að fólk verði að kaupa sér dýrar tryggingar til að fá almennilega læknisþjónustu.

Ég veit um konu sem fór í aðgerð á Klínikkinni, hún komst strax að í aðgerð, ekkert mál og borgaði meira en milljón fyrir aðgerðina. Hún sagði mér að hún hefði ekki nennt að bíða eftir aðgerð á LSH...þar væri langur biðlisti. Hún hafði efni á þessu og bara borgaði, en hinir sem geta ekki reitt fram sína milljón eða meira þurfa að bíða...Jú kannski kostur að með því að hún og kannski fleiri sem eiga nóg af peningum detti út af biðlistanum á LSH, þá sé minni biðlisti fyrir þá efnaminni...En ég segi, þessi mál þarf bara að skoða mjög vel frá öllum hliðum. Stóra málið er í mínum huga að allir fái læknisþjónustu hvort sem þeir eru ríkir eða fátækir og það sé ekki of mikil bið eftir aðgerð. Ef biðin eftir aðgerð á LSH er of mikil að mati Landlæknis þá verða stjórnmálamenn að leysa málið á einhvern hátt. Þeir geta ekki bara stungið höfuðið ofaní sandinn og beðið og beðið og látið sjúklinga þar með bíða og bíða endalaust eftir aðgerð sem er nauðsynleg. Slík bið getur líka kostað þjóðfélagið meira. Sjúklingar verða þá lengur frá vinnu..

kaldbakur | 3. nóv. '19, kl: 17:34:39 | Svara | Fyrri færsla | Er.is | 0

LSH er orðin alltof flókin stofnun.
Það segir sig sjálft að þegar ríkið er að reka stofnun með um 8 þúsundum starfsmanna að þá fari nú ýmislegt að klikka.
Mikinn hluta aðgerða spítalans þarf að bjóða út og fá utanaðkomandi starfsfólk til undir eftirliti þess aðila sem að hér tekur verkið hvort sem það er hlutafélag eða hópur sérfræðilækna og hjúkrunarfólks.

Júlí 78 | 3. nóv. '19, kl: 08:56:20 | Svara | Er.is | 0

En talandi um sjúklinga, aðstandendur og hjúkrunarheimili. Ég veit um konu sem þurfti að sinna föður sínum í mörg ár, ég held a.m.k. 10 ár aljögrlega kauplaust vegna þess að "kerfið" virtist bara vera ánægt með að hún tók hann inná sitt heimili þegar hann var farinn að tapa miklu minni og farinn að tapa sjón líka, orðinn aldraður maður líka orðinn heilsulaus. Fólk innan kerfisins var bara ánægt með að hún sinnti honum mjög vel..Það þurfti meira að segja að aðstoða hann á nóttunni við að fara að pissa því sjónin var orðin það slæm og hann mundi varla hvar klósettið var og ekkert víst að hann hitti með sprænuna oní klósettið! Auðvitað endaði þetta með að konan varð að hætta að vinna úti -alltof mikið álag og þá þurfti bara maðurinn hennar að taka að sér meiri vinnu. En konan fékk ekki krónu frá ríkinu fyrir alla vinnuna þó svo að allir innan kerfisins vissu að þessi sjúklingur þurfti nauðsynlega pláss á hjúkrunarheimili. 


Þá var ekkert komið svona NPA liðveisla, notendastýrð persónuleg aðstoð. En ég er ekki viss um að svoleiðis þjónusta hefði verið nóg, maðurinn var orðinn það veikur. Eina aðstoðin sem konan fékk var að það kom kona heim frá bæjarfélaginu að degi til sem bara "passaði" upp á viðkomandi meðan dóttirin var í vinnunni (áður en hún þurfti að hætta að vinna vegna þessa alls). Sá einstaklingur sá ekki einu sinni um böðun sjúklingsins, heldur passaði bara uppá að hann færi sér ekki að voða, jú og þreif eitthvað salernið á heimilinu og gaf honum kaffi og kannski eitthvað að borða en eldaði ekkert held ég. Kannski hefur lítið breyst í þessum málum, að aðstandendur þurfi að sinna sínum foreldrum þegar þau virkilega þurfa á hjálp að halda - og það kauplaust. 


Greinilega betra að skutla sínum nánustu á bráðamóttökuna þegar fólk er orðið mjög aldrað og þarf mikla hjálp heldur en að taka viðkomandi inn á sitt heimili! Segja svo bara bless og taka það ekki í mál að viðkomandi skipti um heimilisfang, verði skráður á heimili aðstandans. Því það er alls ekki hægt að treysta því að viðkomandi komist inn á hjúkrunarheimili bráðum! Þetta bráðum getur orðið að 10 árum! 

kaldbakur | 3. nóv. '19, kl: 20:15:24 | Svara | Fyrri færsla | Er.is | 0

Ef allar þessar hræðilegu sögur eru sannar. Hversvegna tekur heilbrigðisstarfsfólk, hjúkrunarfræðingar og læknar ekki undir ?
Ef það er farið svona illa með þetta aldraða fók sem ég held að sé satt, hversvegna heyrist ekkert í þeim sem eru að annast þetta folk og sér þetta allt daglega ? Er þetta eintóm lygi ? Ef ekki og fólkið sem vinnur við þetta segir ekkert þá er það sjálft sekt fyrir þennan glæp !

Júlí 78 | 4. nóv. '19, kl: 10:07:12 | Svara | Fyrri færsla | Er.is | 0

Ég get fullvissað þig um að sagan sem ég sagði af konunni sem fékk ekki pláss á hjúkrunarheimili fyrr en eftir 10 ár eða meira er dagsönn. Hins vegar eru nokkuð mörg ár síðan þetta var en ég stórefa að málin hafa breyst mjög mikið. Ekki langt síðan ég var stödd inná bókasafni og þar talaði kona við aðra konu og ég heyrði á tal þeirra að mamma hennar kæmist ekki inn á hjúkrunarheimili, það væri víst langur biðlisti. Og hvar var þá gamla konan? Líklega hjá dótturinni fyrst hún var í þörf á að vera á hjúkrunarheimili. Kannski er eitthvað styttri bið eftir plássi núna en 10 ár en bara eitt ár er of mikið hvað þá meira. Bara prófið það að sinna einum svona sjúkling!! Vill einhver hér vinna allan sólarhringinn kauplaust í svona umönnun? Held ekki. Ég myndi aldrei í lífinu treysta mér í svona umönnun, er frekar klígjugjörn og bara gæti þetta ekki.


Sagan af manninum sem er í hjólastól og lenti í slysi á Bústaðavegi og fékk erlenda konu til að annast sig heima og giftist henni seinna svo hún yrði ekki send úr landi (var kannski skotinn í henni líka, hver veit - hann vildi a.m.k. ekki missa hana úr landi og vildi að hún hjálpaði sér og enginn annar), já sú saga er örugglega sönn líka. Sagan fór í Stundina. (fjölmiðill), gott mál, þá veit fólk af málinu. Hann neyðist til að vera á hjúkrunarheimili, vill sjálfsagt ekki leggja það á konuna að hugsa um sig kauplaust. En vill vera heima hjá sér.


Ég held líka að síðasta sagan af aldraðri frænku (79 ára) Róberts Marvins sé dagsönn. í viðtalinu inná visir las ég: " Róbert segir frá því að niðurstaðan úr áðurnefndu viðtali við öldrunarsérfræðing hafi verið möguleg dagvist í Maríuhúsi, dagþjálfun rekinni af Alzheimersamtökunum. Frænka hans hafði áður sótt um á dvalarheimili, en umsókn hennar var synjað með vísan til þess að hún væri talin nógu hraust til þess að dvelja heima. „Sú greining byggði ekki á að hún væri heimsótt og hennar aðstæður athugaðar. Þessi greining var gerð á pappír og upplýsingum sem lýstu engan veginn aðstæðum hennar,“"


Einmitt gamla konan búin að fara í mat hjá öldrunarsérfræðingi en var talin nógu hraust til að vera heima. Ég þekki sjálf til svona aðstæðna. Reyndar ekki sami maður og ég talaði um áðan og það er miklu nýrra dæmi. Mjög gamall maður fór í öldrunarmat á Landakoti og var sendur heim eftir nokkra mánuði. Aðstandendur spurðu öldrunarlækninn eftir nokkra mánuði af hverju maðurinn var ekki sendur beint á hjúkrunarheimili frá Landakoti því aðstandendur töldu hann alls ekki vera í standi til að vera heima, þetta var orðinn veikur maður á ýmsan hátt. Jú svarið frá öldrunarlækninum var: Hann taldist ekki nógu veikur til þess! Jú gamla manninum bauðst til að fara í dagdvöl aldraðra. Hins vegar treysti gamli maðurinn sér ekki til þess. 


Skemmst er frá því að segja að maðurinn var dáinn eftir ca. eitt og hálft ár frá því hann kom frá Landakoti. Líklega (ég get mér þess til) að þar sem öldrunarlæknirinn vissi að fleiri en gamli maðurinn var skráður á heimili þá hefur hann ályktað að einhver gæti litið eftir gamla manninum. En það er ekkert nóg að líta eftir gömlu fólki sem er komið í þörf á að fara á hjúkrunarheimili! Það þarf hjúkrun! Þannig að það er greinilega litið til þess þegar ákveðið er hvort fólk komist fyrr inn á hjúkrunarheimili - hvort einhver í fjölskyldunni geti litið til með eða annast viðkomandi - já og það frítt! - En vissulega var líka öldrunarlæknirinn í erfiðri stöðu, hann hefur kannski vitað að það væri fullt af fólki sem hefur engan aðstandanda til að líta eftir eða annast viðkomandi heima við og að það fólk yrði að ganga fyrir dvöl á hjúkruarheimili. Er þá ekki málið að byggja fleiri hjúkrunarheimili? Hver ber ábyrgð á því? Jú stjórnvöld!


Þarna segir líka í þessari frétt: " „Frænka mín bjó ein og átti engan að nema þá frændur og frænkur sem litu til hennar, þannig að hún var algjörlega upp á eigin spýtur. Hún fékk mat sendan heim sem mér var sagt að væri bæði kaldur og ólystugur af heilbrigðum einstakling. Það er nógu erfitt fyrir fólk sem er orkulaust og þarf að takast á við lystarleysi að þurfa að þiggja svona matargjafir."


Ég hef sjálf séð svona matarbakka sem gamalt fólk fær. Enn einn einstaklingur sem var orðinn mjög gamall bjó í svona eigin íbúð í blokk sem ætlað var öldruðum. Gamla fólkið gat farið í mat annars staðar í húsinu en það þáðu það ekki allir þ.á.m. þessi gamli maður sem átti orðið erfitt með að hreyfa sig og ég segi frá núna. Hann borðaði því ekki sinn mat í borðstofunni heldur fékk sendan bakkamat til sín í íbúðina. Ég held að allur matur sem fólkið fékk hafi verið aðkeypt einhverst staðar frá og fólk gat valið um að borða í matsal eða fá bakkamat inn í íbúðina sína. Jæja ég sá hvað var í boði einn daginn. Jú þetta var matur en vissulega var þetta frekar ólystugt, ekki hefði mig langað að borða þetta. Þó þetta hafi ekki verið ættingi minn þá er ég næstum viss um að maðurinn fékk ekkert þennan mat frítt.


Svo segir þarna í fréttinni: " Róbert segir að stuttu eftir að hafa fengið þær fregnir að hún væri nógu hraust til að búa heima hjá sér hafi frænka hans dottið og mjaðmabrotnað við að standa upp úr rúminu. Það var um miðjan októbermánuð. Til allrar hamingju hafi skyldmenni verið henni innan handar og hringt á sjúkrabíl. Hún gekkst síðan undir aðgerð daginn eftir."


Þá hefur konan sjálfsagt legið á sjúkrahúsi. Síðan segir í sögunni: " „Frænka mín var mjó og kulsækin. Mér þótti því undarlegt að sjá hana undir þunnu filtteppi sem veitti lítið sem ekkert skjól þegar ég heimsótti hana. Hún kvartaði sáran undan verkjum og kulda. Ég leit yfir í næsta rúm og sá að sá sjúklingur var einnig undir þunnu filtteppi. Einnig var kalt inni á stofunni,“ skrifar Róbert."


Ég hef heimsótt gamalt fólk bæði á Landakot og Borgarspítalann. Ég hef séð svona sjálf í eitt skipti. Gluggi nokkuð mikið opinn og of kalt í herberginu að mínu mati - starfsfólk á þeytingi annars staðar og hefur kannski ekki haft tíma til að líta nógu oft til viðkomandi. En reyndar kvartaði ekki þessi einstaklingur sem ég heimsótti. Ég held líka að það sé ekki öfundsvert að vinna á deild sem er full af gömlu fólki. Ég hef séð svona yfirfulla deild þar sem starfsfólkið stoppar varla. Líklega vantar fleira starfsfólk á deildina. 


Það er á ábyrgð stjórnvalda að hafa nóg af starfsfólki á spítala, stjórnvöld hljóta að vera eftirlitsaðili sem á að grípa inní ef málin ef ekki er allt eins og það á að vera. En vissulega eiga þeir sem heimsækja fólkið á spítala og verða var við eitthvað sem þurfi að laga að tala þá við deildarstjóra um málið.  (eins og ef kalt er inní herbergi sjúklings).  Jafnvel gott að senda deildarstjóranum póst um það. 
Fólkið sem vinnur við þetta eins og þú orðar það kaldbakur er alveg að sinna sínum störfum og meira en það. Stjórnvöld vita líka alveg að það eru yfirfullar deildir á spítalanum. Er það ekki þeirra að gera eitthvað í málunum? Fá fleiri hjúkruarfræðinga til starfa, hvernig er það gert? Jú með því að borga þeim hærri laun.! Gott mál að aðstandendur komi með svona sögur í fjölmiðla. Þá er kannski smá von um breytingar.


Róbert sagði: "
1.„Af hverju er manneskja sem er í engu standi til að fara heim, send heim? 
2. Af hverju fá sjúklingar ekki almennilega sæng svo þeim verði ekki kalt? 
3. Af hverju fara sjúklingar veikari heim af sjúkrahúsi en þegar þeir komu þangað? 4. Af hverju deyr fólk úr mjaðmabroti?“"


Ég sjálf kannast við atriði 1 og 2. Ég kannast ekki við atriði 3. Þvert á móti leið viðkomandi vel og var ánægður með umönnun á Landakoti. Var hins vegar ósáttur við að fara heim þar sem hann vissi að hann fengi ekki sömu umönnun.
Einnig, enginn sem ég hef heimsótt hefur dáið vegna einhvers sem er ekki eins og það á að vera en vissulega er möguleiki á því að aðrir hafi lent í því. 






Júlí 78 | 4. nóv. '19, kl: 10:19:21 | Svara | Fyrri færsla | Er.is | 0

En vissulega dó gamli maðurinn sem ég talaði um einu og hálfu ári eftir dvöl á Landakoti. Ég er eiginlega viss um að hann hefði lifað lengur ef hann hefði fengið að vera lengur á Landakoti eða fengið að fara á hjúkrunarheimili. Það er ekki hægt að ætlast til þess að aðstandendur hafi þekkingu á við hjúkrunarfræðinga eða hægt að ætlast til þess að þeir hætti í vinnunni sinni til að fara að annast veikan einstakling. Eða er það kannski stefnan, að aðstandendur sjái um þessi mál? Og það kauplaust?

Fyrirsögn Nafn Dagur Uppfært
Æbleskiver idg 13.12.2019 14.12.2019 | 07:01
Reykjavík og nágrenni eina byggilega ból á Íslandi ? kaldbakur 13.12.2019 13.12.2019 | 22:33
Klippa hunda heima2 13.12.2019
BRT - Bus Rapit Transit - Borgarlína - Feygðarflan ? kaldbakur 28.11.2019 13.12.2019 | 21:36
Parkodin Forte Ráðalítil 2.9.2007 13.12.2019 | 21:22
Parkódín og Parkódín forte ZgunnZ 6.8.2015 13.12.2019 | 21:18
Vantar að kaupa smá HUF gjaldeyri SmartRecovery 13.12.2019 13.12.2019 | 19:23
8 mm hi video johannh 13.12.2019
Ólétt ein á bótum Alza1 13.12.2019 13.12.2019 | 14:47
Man einhver eftir þáttunum... Sandra R. 22.11.2019 13.12.2019 | 14:13
Endurfjármögnun húsnæðisláns kartman007 29.11.2019 13.12.2019 | 13:32
Skór og Hallux valgus tacitus 13.12.2019
Munum eftir smáfuglunum elskurnar mínar isbjarnaamma 13.12.2019
Hvar kaupi ég lavalampa fyrir dóttur mína? 060 11.12.2019 13.12.2019 | 11:09
Nintendo Switch eda 12.12.2019 13.12.2019 | 11:07
Hvaða starf er vel launað án þess að þurfa háskóla menntun Glowglow 4.12.2019 13.12.2019 | 10:56
Frunsa kink 13.12.2019 13.12.2019 | 10:52
Aðstoð aukakennsla HR Stebig1 13.12.2019
Næturvaktir og fjölskyldulíf malata 11.12.2019 13.12.2019 | 02:25
Útvarspsstjóri - hver fær stöðuna? Júlí 78 11.12.2019 12.12.2019 | 23:42
SVONA VINNUR BARNAVERND OG ER NÚNA AÐ ÞAGGA NIÐUR GREININA Í DV FÓSTURBÖRN vallieva 11.12.2019 12.12.2019 | 08:42
Sjálfboðastörf á aðfangadagskvöld? BlerWitch 3.12.2019 12.12.2019 | 00:16
Ennislyfting leaarna 12.12.2019
Að gifta sig fyrir 18 ára aldur?? puðrildið 2.2.2011 11.12.2019 | 23:51
Íslensk jóladagatöl eythore 2.12.2019 11.12.2019 | 22:54
Þetta var bara til sölu á Bland.is?!!?! [Ice Cold í Beinni] stefanatli 11.12.2019
Norðanátt spáð og stórstreymi - Reykjavík er í hættu. kaldbakur 9.12.2019 11.12.2019 | 22:36
Kvensjúkdómalæknir RVK - meðmæli !! bluesy 9.12.2019 11.12.2019 | 22:16
Netverslun, vefsíðu þjónusta NedasAndrius 11.12.2019
EKKI NOTA .. Dehli 11.12.2019
Meðmæli óskast loaja 11.12.2019
Hálsbólga... bþtr 10.12.2019 10.12.2019 | 22:07
Fluguveiði Floridagella 7.12.2019 10.12.2019 | 20:49
Má borða hvað sem er ? Dehli 2.12.2019 10.12.2019 | 19:10
Leið á lífinu leidalifinu 13.3.2008 10.12.2019 | 15:46
tónmenntaleikur? Tomasjons88 10.12.2019
Þættir sem þið saknið Twitters 7.12.2019 10.12.2019 | 09:19
E-r með reynslu af SíminnPay Léttkaup? Anonymous999 27.9.2019 9.12.2019 | 16:55
Ódýr barnaklipping /systkinaafslattur drifam 9.12.2019
Gifting fyrir 18 ára tíra 9.12.2019
! ! ! MJÖG MIKILVÆGT ! ! ! ouldsetrhend 9.12.2019
Service Desk Technician techtalk 9.12.2019
Öpp sem fúnkera eins og debet/fyrirframgreitt kreditkorti? Anonymous999 9.12.2019
Hvenær er kona of ung til að eignast barn? Bragðlaukur 3.12.2019 9.12.2019 | 02:30
Ungar Íslenskar konur eru Hetjur ! kaldbakur 7.12.2019 8.12.2019 | 22:40
Athyglisvert hvað þeir eru næstum alltaf svo ljótir, ... Bragðlaukur 1.12.2019 8.12.2019 | 20:30
Merki Dýrsins. Dehli 25.8.2019 8.12.2019 | 19:36
Hvar gæti ég keypt ostahleypi? danek1 8.12.2019 8.12.2019 | 18:54
Nova tv mánaskin 23.11.2019 8.12.2019 | 13:56
Júníbumbur 2020 skvisan93 13.10.2019 8.12.2019 | 12:59
Síða 1 af 19716 síðum
 

Umræðustjórar: ingig, Coco LaDiva, vkg, TheMadOne, joga80, tinnzy123, krulla27, superman2, aronbj, rockybland, Bland.is, flippkisi, mentonised, Krani8, anon, MagnaAron