Hvað notið þið til að þrifa sturtuklefa með glerhurðum

ég næ því bara ekki!

Spar Creme - Double Play er snilld. Eina sem virkar á svona sturtuklefa. Nota það á flísarnar, glerið og blöndunartækin. Fæst hjá Besta og hef líka séð það hjá Bykó.

takk, prófa það

Já og ekki gleyma eftir að þú ert búin að þrífa glerið, að skola glerið alltaf með köldu vatni eftir hverja sturtuferð. Þá fer kísillinn af og glerið helst fínt mikið lengur. Foreldar mínir gera þetta af mikilli nákvæmni eftir að þau fengu nýja sturtu. Þau þurfa aldrei að þrífa glerið og það er eins og nýtt! Ég á hins vegar í erfiðleikum með að koma þessu á í minni fjölskyldu! :)

Jebb algjört undraefni á kísillinn. Og svo til að koma í veg fyrir kísilinn ætti að vera nóg að skola glerið með köldu vatni eftir hverja notkun :)

Ég nota svona sköfu eins og ég nota til að þrífa keramikhelluborð.

einmitt svipað sem ég hef notað, en ef það eru til efni sem taka á þessu, þá er það heldur auðveldara leið heldur en að skafa... aðeins erfitt verk.

Hérna er notuð gúmmí skafa til að skafa af eftir hverja baðferð, og svo er þurrkað með handklæði. Svo fer ég með kalkhreinsi einu sinni í viku en það gengur ekki heima þar sem vandamálið þar er kísill sem er algjör fjandi. Það dugar líklega eins og Hér sagði að skola glerið með köldu á eftir hverja notkun því að kísillinn er ekki í kalda vatninu.

Ég nota bara eingöngu hvíta "töfra" svampinn. Hann fæst í öllum matvöruverslunum meira að segja Bónus. Ekkert mál að ná öllu af baði og sturtu!!!

hvaða töfrasvampur er það? Hef aldrei heyrt talað um hann áður?

Þetta er hvítur svampur sem er bara alveg ótrúlegur! Þú þarf ekkert hreinsiefni hann virkar bara einn og sér. Hann er í sama rekka og örtrefjatuskur ofl. (það eru yfirleitt 2 stk. í pakkanum) í Bónus. Þetta er líklega það allra besta sem ég hef prufað varðandi hreingerningar. Hann virkar á bara allt! Hef náð tússi, málingu og hinum ýmsu blettum af bara með svampinum! T.d. verður eldavélin þín eins og ný á eftir og ég veit bara ekki hvað og hvað :)

Ég hef notað matarsóda á flest sem er erfitt að þrífa. Hann virkar fínt til að ná kísil af flísum en ég er ekki alveg viss hvort hann sé eins góður á glerið.

SPEEDBALL Á ALLT SAMAN!
djók:)