Nú er eflaust stór dagur í lífi Hildar Knútsdóttur því ég ætla að gleðja hana með því að skrifa handa henni sérstaka færslu.
Hildur Knútsdóttir er ung stelpa sem vinnur á auglýsingastofu. Hún þolir ekki svokölluð tískublogg og heldur því úti sérstakri síðu þar sem hún leggur sig fram um að hæðast að tískubloggum.
Tískubloggarar eru yfirleitt ungar stelpur sem taka myndir af sjálfum sér í smart fötum og setja á netið. Þetta er þeirra leið til að tjá sig og taka þátt. Krúttlegt að mínu mati og skemmtilega sjálfhverft.
Í DV í dag er talað um að bloggið hennar Hildar hafi vakið athygli vegna “óvæginnar gagnrýni á fyrirbærið tískublogg og hnyttinna skrifa á neyslugræðgi”.
Kannski þarf hún á útrás að halda? Hún vinnur jú við að mata neyslugræðgina með störfum sínum á auglýsingastofunni PIPAR. Þangað leita einmitt fyrirtæki til að fá kynningar á vöru sinni og þjónustu og Hildur tekur slíkt væntanlega að sér, þar sem hún vinnur á auglýsingastofu – mekka neyslugræðginnar. Það getur verið krefjandi að semja auglýsingatexta allann daginn um varning sem þú hefur kannski enga trú á og því gott að fá útrásina annarsstaðar.
Hildur þessi hefur verið dugleg að dreifa hæðni sinni og leiðindum inn á Pjattrófurnar sem ég held úti með nokkrum vinkonum mínum. Þar hef ég nokkrum sinnum hent henni út. Af hverju?
Jú, af því mér finnst hún leiðinleg.
Ég myndi líka henda Geir Ólafssyni út úr partýi hjá mér ef hann færi að vera leiðinlegur. Reyndar myndi ég aldrei bjóða honum í partý til mín – og það er einmitt málið. Maður ræður ekki hvaða fólk byrjar að tjá sig á vefsíðunni manns en maður ræður hinsvegar hverjum maður hendir út. Og maður ræður hvað má og hvað má ekki.
Þó að athugasemdakerfið sé opið þá þýðir það ekki að ég leyfi fólki að vera með dónaskap og leiðindi, hæðni og þessháttar. Ég hef t.d. bloggað hér síðan 2002 og aldrei hikað við að henda út leiðindum og leiðinlegu fólki. Ég má það.
FEMINISTINN
Hildur Knútsdóttir lítur á sjálfa sig sem feminista. Hún veit eflaust ekki að ég, frumpjattrófan, hef alltaf verið feministi. Ég var feministi þegar flestir íslendingar héldu að orðið feministi væri annaðhvort nafn á dömubindum eða vefverslun sem selur hjálpartæki ástarlífsins. Ég gaf litlu systur Píkutorfuna og bók um hvernig á að mála sig í fermingargjöf. Ég var á stofnfundi feminstafélagsins og horfði björtum augum til framtíðar fullri af jafnrétti en hrökklaðist svo í burtu þegar mér leið allt í einu eins og ég væri komin til PC helvítis þar sem alla átti að steypa í sama mótið.
Hildur veit eflaust ekki að Pjattrófurnar eru upphaflega stofnaðar af mér sjálfri, Ágústu Evu Erlendsdóttur og Hafdísi Ingu Hinriksdóttur, handboltakappa og förðunardömu – og við erum allar feministar, á okkar hátt.
Ágústa og Hafdís eru reyndar hættar en í staðinn erum við Díana, Guðrún, Vala, Anna, Stella og Guðný að skrifa þarna um allt sem okkur finnst fallegt og skemmtilegt, hvort sem það er tónlist, smink, matur, myndlist, ljósmyndir, kvikmyndir, föt, húsbúnaður…eða hvað sem er sem er ekki ljótt og leiðinlegt. Það er jú nóg af því.
Það er sorglegt að Hildi skuli finnast þetta svona erfitt og að hún sjái sér tilefni til að hamast svona í þessu bloggi okkar. Það er líka sorglegt að þær einu sem ég þekki sem hafa einhvern húmor fyrir henni eru stelpur sem hafa annaðhvort verið með átröskun, fyrrum keppendur í fegurðarsamkeppnum eða starfsmenn á strippklúbbum sem fóru svo í kynjafræði og urðu pínu pirrandi (þið vitið hverjar þið eruð og ég elska ykkur samt).
Allar hinar furða sig bara á effortinu og eins og eins sagði:
fór yfir þetta blogg hennar..
-það eina sem kemst að hjá henni eru menn sem heita því fína nafni “Bob”, dildóar og beikon..
frekar súrt hún er greinilega með fetish fyrir beikoni…
…(og svo sagði hún meira sem gæti valdið hjartsláttartruflunum hjá einhverjum og því ákvað ég að sleppa því).
En Hildur… gangi þér vel samt að selja varning gegnum auglýsingastofuna Pipar og til hamingju með að einhverju fólki skuli finnast þú sniðug. Þetta er fínt plögg fyrir bókina sem þú gefur út í vor.
Ég væri persónulega til í að bjóða þér í kaffi og fara stöðuna með þér. Þú verður komin með mér á beitta pinnahæla eftir korter. Mohawk beaver.
PS: Hér er svo að lokum mynd af einum helsta tísku-patrón Íslands. Þú tekur kannski eina bloggfærslu henni til höfuðs? Segir henni til syndanna á þinn hæðna hátt. Hún þarf kannski á því að halda að heyra hvað það er ógeðslega glatað að hafa gaman af fötum?
Finnst bara flott hjá henni að svara þessu, ég meina hvað er að þegar þú hefur þörf fyrir að skjóta aðra niður fyrir eitthvað sem þú sjálf hefur ekki áhuga á? Væri annað mál ef hún væri að tala almennt þessi Hildur en hún tekur fólk persónulega fyrir og það eitt og sér er fráhrindandi í mínum huga.
dísbjörg | Sammála... Afhverju er fólk að skoða eitthvað sem það hefur ekki áhuga á, bar...
Sammála... Afhverju er fólk að skoða eitthvað sem það hefur ekki áhuga á, bara til að gagnrýna? Burtséð frá tímanum og pirringnum, þá ertu líka að gefa þeim flettingar og þar með auglýsingatekjur. Haters are the best readers, ef að fólki stæði á sama myndi þessar síður örugglega deyja hægt og rólega.
Það er alltaf gaman að upphefja sjálfan sig á kostnað annara. Hvaða mögulegu ástæðu aðra en þá gæti maður haft fyrir því að standa í langdregnum bréfaskriftum við einhverja pistalhöfunda út í bæ þar sem maður togar viðkomandi sundur og saman í háði og birtir svo samskiptin á bloggsíðu til að fá klapp og húrrahróp frá gáfumennum sem eru á manns eigin plani en ekki wannabe týpum á hausnum ofan í einhverri kremdollunni. Sem það fékk gefins í þokkabót. Objarastja!
Persónulega nýti ég öll tækifæri til upphafningar á sjálfri mér.
_____________________________________________________________
Don't be humble, you're not that great.
Jólasveinninn minn | Hvað segirðu, ert þú ein af þeim sem heldur úti sölusíðunni?
Ég hef lesið það. Og það er alveg fyndið. En ég þyrfti að hafa helvíti mikinn frítíma til að nenna að vera með mocking- blogg á eitthvað sem mér leiðist. En svona erum við mismunandi. En jú, hún gagnrýnir pjattrófurnar, Hlín, Tobbu og fleiri mjög mikið og er örugglega með því einn af fastakúnnunum á síðunni. Ég skil bara ekki að eyða orkunni í þetta..sorry með mig.
dísbjörg | Vill fólk ekki frekar koma með mótrök og gagnrýni frekar en mínusa?
Kannski er það á hennar áhugasviði hversu mikið af viðbjóði er dælt í ungar konur á vefsíðum og bloggum dagsins í dag.. ekkert nema "Þú átt að vera svona" eða alhæfingar um karlmenn,.. eða "Þú ert ekki flott nema að þú málir þig svona, eða hagir þér svona, eða klæðir þig svona"..
Flott hjá Hildi að ráðast að einu birtingarformi kúgunar vestrænna kvenna á þennan hátt..
myndi plúsa ef ég gæti og bæti við að mér finnst það virðingarvert þegar fólk er tilbúið að eyða tíma í að berjast gegn staðalímyndum. öðruvísi gerist ekki neitt.
KilgoreTrout | Sömuleiðis finnst mér það virðingarvert.. vildi að ég hefði meiri tíma til að...
Ég sé þetta sem satírugjörning sem hefur ekkert að gera með of mikinn frítíma. Mér finnst flott hjá henni að nenna að eyða orkunni sinni í að berjast gegn samtvinnun útlitsdýrkunar og neyslumenningu og láta fólk aðeins hugsa um svoleiðis skrif á gagnrýninn hátt.
Montenegro | Hvað finnst ykkur þá um þetta?
http://mhg.eyjan.is/2010/11/29/til-gamans/
----------------------------------------------------------------------
Einkenni Prumps
1.Brenglaðar andlitshreyfingar
2.Ósamhæfing milli hægri og vinstri rassakinnar
3.Huglæg lygtarskin breinglast og viðkomandi verður vankaður
Ef grunur vaknar um prump láttu viðkomandi: stíga til hliðar réttu honum poka til að prumpa í eða yfirgefa viðkomandi stað
Svakakrutt | Hún er búin að loka blogginu sínu að því er virðist.
Ég fæ bara 404 er ég re...
"Fjóla Dísa. Endilega sendu okkur símanúmer foringja saumaklúbbsins sem situr og ræðir hvað pjattrófurnar hafa afleitar hugmyndir um kynjafræði. Við skulum gera tískuþátt með ykkur – þið eruð örugglega ógó sætar þó ykkur finnist við ekki sniðugar.
Legg svo til að þú og þínar vinkonur lesið bara aðrar síður ef stemmningin okkar megin stríðir gegn ykkar skoðunum og lífsreynslu. http://feministinn.is gæti t.d. höfðað betur til ykkar.
Athugaðu samt að það eru til allskonar skoðanir – og að á hverjum degi lesa um 4-7000 konur bloggið okkar. Varla af því það er svo leiðinlegt og glatað?
Og Hildur: Prófaðu að fara á leikskóla, sjúkrahús, aðhlynningarheimili, elliheimili og þessháttar og telja karlana sem vinna þar. Farðu svo upp í Grundartangavirkjun og teldu konurnar sem vinna þar. Af einhverjum ástæðum er þetta eins og það er. Gæti eðlið haft eitthvað með það að gera? Er bannað að álykta svo? "
Af hverju í ósköpunum má ekki gera grín af tískubloggurum? Það er ekki eins og þær séu að blogga um einhvern heilagan sannleika. Ég meina, tíska er bara smekksatriði. Þær fjalla ekki einu sinni um tísku á "couture" nótum.
Þær eru að þessu til að fá fríar vörur og reyna að selja áfram. Þær fá ekki einu sinni laun.
ööööm, ein pjattrófa svaraði þessari spurningu játandi í einu svarinu, að þær fengu smá laun + vörur til prufu fyrir plöggið. hálftíma seinna var það svar svo horfið.
Pandabug | Ég var voða lengi að átta mig á aldrei þessarar Margrétar Hugrúnar. Það er my...
Ég var voða lengi að átta mig á aldrei þessarar Margrétar Hugrúnar. Það er mynd af henni í lítillri upplausn á pjattrófunum þar sem hún virðist vera grönn hrukkótt kona með grátt hár, og svo segist hún hafa verið feministi síðan áður en ísland vissi hvað feministar væru og þá var ég alveg ók já, þetta er semsagt kona á besta aldri.. EEEEEEEn nei, þá kemur fram að hún hefur sko verið feministi síðan Íslendingar héldur að feminsimi væri vefverslun!! Bíddu nú við? Heldur hún virkilega að fyrir tíma femin.is og feministafélagsins hafi feminismi ekki verið til á landinu??? Þá fattaði ég. Þetta er fóstur sem er illa farið úr ljósabekkjum (eða myndast svona illa) og er klárlega mjög illa upplýst af feminista að vera. Ég er allavegna farin að sjá rautt fyrir hönd kvennalistans og rauðsokkanna og baráttukvenna okkar Íslendinga og mér finnst þessi manneskja óstjórnlega heimsk að láta svona vitleysu útúr sér.
Ég fæ alltaf væga ógleði og létta yfirliðstilfinningu þegar ég les tískublogg. Hugsa alltaf það sama; Blessað fólkið - það verður að hafa eitthvað fyrir stafni svo því leiðist ekki.
Já er það? Ég átti líka mjög erfitt með að setja þetta tal um að vera frumkvöðull feminisma hérlendis í samhengi við restina af færslunni. Hélt að þetta hlyti að vera stelpa um tvítugt.
Haffí
Jólasveinninn minn | Guð minn góður, hún skrifar eins og hún sé átján ára.
Frænka mín sem er 12...
Ég er í orðlaus ..... er hún í alvöru á fimmtugsaldri að hegða sér svona? Úff. Og það yfir grín-bloggi sem var aldrei beint persónulega að henni?! Vá, hvað hún tekur sig oooof alvarlega þessi pjattrófa. Slæmt. Mjög slæmt.
þegar hann | þetta er sú sem lék systur axels í sódómu, þessi í gula jakkanum. ekki gamalm...
Váááá ...pjattrófurnar eiga svo bágt. Ég fékk ógeð af þeim fyrir stuttu síðan þegar ein þeirra var að drulla yfir klæðaburð og útlit frægra einstaklinga.
frilla | og svo eru 99% af öllu frá þeim "dulbúnar" auglýsingar.
ég reyni bara að halda mig sem lengst frá svona bullukollunetdrullu eins og pjattrófunum, pistlunum hennar Mörtu Maríu og Hlín Einars - ég fer bara í vont skap við að lesa svona.
Nördinn | Hildur er snillingur. Hlakka til að lesa bókina hennar eftir áramót!
Nei, þú virðist ekki vera ein um það. Ég get lítið annað en sagt þér bara að ég er ekki Margrét Hugrún. "Þið ráðið sjálf hvort þið trúið því. A-a-a-a-a-a-amen."
_____________________________________________________________
Don't be humble, you're not that great.
Mommsí | Elskan, ég held að það sé augljóst.
Alla vega ertu pjattrófa.
Alveg satt. Ég er ekki pjattrófa, ég er ekki vinur þeirra á facebook, ég hef aldrei lesið þetta blogg áður og ég vissi ekki af þessari konu fyrr en í dag. Fyrir utan þetta með að ég man eftir Sódómu.
Trúir mér enginn?
_____________________________________________________________
Don't be humble, you're not that great.
Jú, ég að sjálfsögðu. En það er bara af því að ég veit að þú ert að segja satt. Jafnvel þótt ég hefði ekki ástæðu til að vita það veit ég af reynslu minni af þér hérna að þú myndir ekki ljúga svonalöguðu. Myndir bara stilla þig um að taka þátt í umræðunni ef þú hefðir einhverju að leyna og segja no comment að öðrum kosti.
Jú ég!
og eins skondið og mér finnst tískubloggið hennar hildar vera, þá er líka allt í lagi að benda á að það er ekki hægt að taka síður eins og veröld MM, pjattrófurnar og hlín whatshername alvarlega.
Maður fer ekki inn á svona síður í leit að vitsmunalegri umræðu eða (djúpum) pælingum, þannig að þær liggja í raun mjög vel við höggi ef maður á annað borð hefur áhuga á að gera grín að einhverjum.
Þetta er svolítið eins og að leika sér að því að tosa í tígóið hjá tossanum í bekknum (ofstuðlun?) - vissulega skemmtilegt í smástund, en svo fær maður samviskubit.
Haffí
oftast | Veit ekki með samviskubitið, þær eru sjálfar svo forhertar og á köflum andsty...
Veit ekki með samviskubitið, þær eru sjálfar svo forhertar og á köflum andstyggilegar í heimsku sinni að ég myndi örugglega ekki fá mikið samviskubit (en við sossum vitum öll að ég er bæði samviskulaus og kaldlynd eins og syndin sjálf). En að öðru leyti er ég sammála þér.
Þetta er voðalega kjánalegur pistill hjá Margréti. Þessi pjattrófusíða er óvönduð bull- og sölusíða fyrir snyrtivörur.
Konan gerir sig að fífli með því að móðgast svona hrikalega þó að einhver gagnrýni þessa blessuðu síðu þeirra. Þetta er mjög gelgjulegt blogg og gerir minnst úr þeirri sem skrifar, þ.e. Margréti.
Svo skil ég ekki hvernig hún getur kallað sig femínista. Ég hef lesið bloggið hennar og man eftir geðvonskulegum færslum um hvað hin og þessi frægðargellan væri feit. Hvernig er það femínismi?
Frau Schnitzel | Hér er textinn sem Margrét eyddi út úr færslunni:
http://tinypic.com/r/1...
Ég veit ekki til þess að neinn sé í sjokki yfir því. Tískubloggið hefur mér aðallega sýnst gera létt grín að þeim -get þó ekki sveiað mér uppá það þar sem ég þaulles það ekki.
Það sem truflar mig við Pjattrófurnar er þessi gegndarlausa kynjahlutverkaskipting. Að þær taki sig í þokkabót svona alvarlega erbara aukaplús í vandræðalegaheitakladdann.
Og já, ég fíla háa hæla og varalit og er vitaskuld femínisti.
Sé ekki hvernig þetta tengist því. Það fer hins vegar óstjórnlega mikið í taugarnar á mér að útaf því að ég er mikið í kjólum, háum hælum og mála mig að þá sé líka í eðli mínu að hjúkra veikum (og ósjálfbjarga) karlmönnum, barnagæla, get ekki átt karlmann að vini því ég myndi pottþétt sofa hjá honum (það er sko eðlið) osfrv.
Þetta er eins og að lesa blogg frá 1940
litlaljufa | Svo satt Ashley! Þessar pjattrófur eru algjörlega uppi á vitlausum áratug!
Ég tek undir með FjóluDísu. Mér leiðist það litla sem ég hef lesið eftir pjattrófurnar, ekki vegna þess að þær tala um (mæla með?) ákveðið útlit kvenna - heldur þessar kjánalegu alhæfingar um eðli kynjanna (plús að mér finnst þær persónulega ekki skemmtilegir pennar).
Sú skoðun mín tengist því ekkert að ég geng nánast bara á hælum, og nota rauðan varalit á tyllidögum.
oftast | ég gæti grenjað yfir því hvað þessi manneskja fer í taugarnar á mér.
Þessi athugasemd frá einhverri Völu finnst mér spes:
„Hahahaha… ykkur finnst þessi pistill semsagt ekki bráðfyndinn en ykkur finnast þeir sem Hildur birtir sem eru álíka mikið skítkast samt voða fyndnir?“
Nú les ég tískubloggið reglulega og finnst það sjúklega fyndið. Hef aldrei lesið pjattrófubloggið áður en finnst þessi pistill einfaldlega ekkert fyndinn. Alveg burtséð frá femínisma og boðskap þessara bloggsíðna, þá þykir mér persónulega mikill munur á hversu kaldhæðnir og skemmtilegir pennar þessar stelpur eru.
þegar hann | vala er ein af pjattrófunum. æ nó, vandræðalegt.
Æ ég er doldið sorrý yfir því hvernig þær bregðast við Hildi. Ádeila tískubloggsins er nebbla mjög vel heppnuð og skemmtileg, ef pjattrófurnar hefðu svarað í sama gír hefði þetta pottþétt orðið hressilegasta ritdeila ever!
Frau Schnitzel | Sammála. Margrét spann þetta í kolvitlausa átt.
Ég gjörsamlega dýrka þetta Tískublogg. Ekkert smá fyndið ;) Ég held að þessir tískubloggarar sem taka sig alvarlega ættu kannski að taka sig ekki alveg svona alvarlega ;)
sem fyrst | Mér þykir merkilegast hvað hún (mhg) telur öll skrif tískubloggsins skrifuð b...
sammála, finnst að svínaræktendur, Joe-Boxer og kattavinafélagið ættu líka að skrifa fýlupistil að hún sé að gera grín af svínum, náttbuxum og köttum. Því þar er virkilega langt gengið, beikon og Bob eru nánast lögð í einelti á þessu bloggi.
sem fyrst | Og þessi Magga bara stelur allri umfjölluninni :O
mér finnst þetta vera staðfesting á skítlegu eðli margrétar sem getur greinilega ekki aðgreint hildi frá starfsmanninum sem verður að gera hitt og þetta. svona fyrir utan að þetta var sent áður en að tískubloggið hóf göngu sína.
ég get alveg verið leiðinlegur asni stundum en það eru jólin miðað við framgöngu mhg í þessu máli. orðbragðið og mannfyrirlitningin eru svo skammarleg að ég á bágt með að setja mig í spor manneskju sem þarf að verja slíkt.
Golda Meir | Hún er að bíta frá sér, ég skil alveg að grínið hafi farið í taugarnar á þeim.
Fyrir hverju þurfti Margrét að verja sig? Ég er búin að lesa tískubloggið undanfarna mánuði og ég hef aldrei lesið neitt sem beinist að henni persónulega né neitt sem væri hægt að kalla níðskrif. Ég skil ekki hvaðan þetta rætna blogg Margrétar kemur.
Golda Meir | Var ekki eitthvað um blokk og eyðingu færslna?
Hvernig þá?
Samsamar þú tískubloggarann H starfsmanninum Hildi, sem gerir það sem henni er sagt að gera í vinnunni?
Eins og bent var á hér að framan var tískubloggið ekki komið af stað á þessum tíma. Það má alveg leiða að því líkum að vegna vinnu sinnar (við að fylgjast með þessari ákveðnu kynningu) hafi Hildur farið að lesa Pjattrófurnar, og því farið að blogga undir alter egoinu ...
H (samt ekki Hildur ;-))
Golda Meir | Já vitaskuld, þetta er sama manneskjan.
Það hlýtur að vera óþægilegt fyrir ...
Er Johnny Naz þá Erpur Eyvindarson og Silvía Nótt Ágústa Eva?
Í fyrsta lagi sé ég ekki að það að stúlkan vinni vinnuna sína komi blogginu við á nokkurn hátt, og í öðru lagi þá er AUGLJÓST að persónan H á blogginu er ekki persónan Hildur...
H
Golda Meir | Tjah...óþægilegt þætti mér það nú samt.
Ég þoli ekki Pjattrófurnar, Heimur Mörtu Maríu og þessa silíkon Hlín...Þetta er svo innihaldslaust og boring sem þær eru að skrifa um..sérstaklega Pjattrófurnar...Þær eru endalaust að plögga einhverjum snyrtivörum. Þetta tískublogg er mjög skondið, en ég les mörg íslensk tískublogg sem eru rosalega skemmtileg. Maður þarf bara að sigta út ruslið.
þegar hann | pointið er líka fagmennska. skiptir engu hvaða skoðun fólk hefur ef það getur...
Eru allar skoðanir falar eða bara þær smávægilegu? Alls ekki illa meint, er bara að spá hversu langt fólk er tilbúið að ganga fyrir vinnuna. - Beint til ykkar allra sem takið undir.
þegar hann | alls ekki en ég get ímyndað mér að fólk í auglýsingabransanum þurfi að sitja ...
Ráðist að Tískublogginu á hræðilegan hátt!
