Fasteignir Til leigu Óskum eftir húsnæði í Hafnarfirði.
skoðað 351 sinnum

Óskum eftir húsnæði í Hafnarfirði.

Verð kr.

Tilboð
 

Til athugunar

Ertu að selja, leigja eða kaupa fasteign
 
Við mælum með
  • 14 vaxtalaus greiðslufrestur
  • Raðgreiðslur mögulegar
  • Kaupendatrygging Blands
Nýskrá á Netgíró

Rennur út

föstudagur, 8. júlí 2022 01:03

Staður

220 Hafnarfirði

Notendur athugið!

Tilmæli frá lögreglu: Aldrei greiða húsaleigu nema búið sé að skoða íbúðina og kanna hvort auglýsandinn sé eigandi hennar.

Police notice: Always inspect the apartment before paying rent and ensure that the advertiser is the actual owner.

Tegund Fjölbýlishús Fermetrar 10
Póstnúmer 220 Herbergi 1
Gæludýr leyfð Nei

Endilega lestu og finndu hvernig þér líður eftir lesturinn. Mögulega erum við nákvæmlega fólkið sem þú veist þú villt allavega gefa tækifæri til að leigja íbúðina þína og hugsa vel um hana. Við erum nefnilega heiðarlegt og gott fólk og yrðum ævinlega þakklát fyrir það tækifæri.

Okkur hjónin langar í góða íbúð helst nálægt tjörninni þar sem sonurinn byrjar í Lækjarsķóla og okkur líður svo ofsalega vel á þessum stað. Við skoðum hinsvegar íbúðir í öllum Hafnarfirði.

Maðurinn minn er í meistara námi til að fá kennararéttindi en er einnig uppeldisfræðingur. Hann stefnir svo á starf við kennslu eftir það nám. Hann er 45 ára og ég fertug og höfum verið saman í 10 á., Ég er einnig í námi en mín aðalframfærsla er örorka sem er til komin vegna erfiðra bakáverka. Áður vann ég lengi við þrif, sveitastörf, í allskonar verslunum, garðyrkju, blómabúð, sem bakari, við hellulagnir og ýmislegt fleira. Markmiðið með mentuninni er að finna starf sem ég ræð við líkamlega því draumurinn er að losna af örorku.

Áhugamálin okkar fjölskyldunnar eru ferðalög, aðallega í tjaldi innanlands, göngur, yoga, að spila, líkamsrækt, bækur og góðar kvikmyndir og tónlist svo eitthvað sé nefnt.

Áhugamál þess 6 ára eru auk þess koddaslagur, að skilmast með við mömmu, geymflaugaleikur í litlu tjaldi þar sem ýmindunaraflið er aðalatriðið við að ákveða hvernig plánetan sem við lendum á lítur út og er. Eins finnst okkur gaman að föndra, líta, mála og fara í feluleiki t.d.


Ég er litræn og skrifa bæði pistla og ljóð auk þess að stunda hugleiðslu og hef auk þess gaman af því að syngja þó ég geri það nú aðallega í sturtu eða bílnum.

Hér höfum við búið í 3 ár og líkar mjög vel en Íbúðin er orðin heldur lítil fyrir okkur, við þyrftum 3-4 herbergi, lágmark 85 m2 og nágrannar skipta einnig einhverju máli.

Við höfum vingast við okkar nágranna, við hjálpumst að hér og ì blokkinni búa eldra fólk og fjölskyldur, lítið sem ekkert umburðarlyndi er fyrir partýlátum og óreglu.

Við viljum leigja af góðu fólki sem setur það í forgang að hafa gott fólk í íbúðinni sem ber virðingu fyrir og hugsar vel um eignina.
Aðeins langtímaleiga kemur til greina þó skilningur sé fyrir styttri samning til að byrja með. Leigan má ekki vera bundin vísitölu og samningur þinglýstur.

Við erum ekki með há laun en við erum með laun sem gerir okkur kleift að borga eðlilega leigu á réttum tíma og lifa innihaldsríku og góðu lífi. Við borgum um 200.000 hér sem hefur aldrei verið vandamál, en 230.000 er algjört hámark. Við erum með framúrskarandi meðmæli frá leigusala okkar, höfum alltaf borgað á réttum tíma oft aðeins fyrr ,aldrei valdið ónæði eða staðið í erjum við nágranna okkar, heldur aðeins myndað vináttu tengsl.

Við erum bæði skuldlaus fyrir utan námslán hjá manninum mínum, erum ekki né höfum lent á vanskilaskrá og höfum hvorugt komist í kast við lögin. Við erum rólegheitafólk, drekkum ekki áfengi þó við séum alls ekki fanatísk
á það og reykjum hvorugt.

Ég skrifaði nei við gæludýrum en við eigum gára og hamstur en þau gæludýr eru leyfileg í öllum fjölbýlishúsum og ekki algengir ofnæmisvaldar. Gárinn er auk þess mjög feiminn og hljóðlátur svo hann mun ekki valda ónæði.
Það stendur líka fjölbýli en okkur er alveg sama hvernig húsnæðið er svo lengi sem það er samþykkt íbúðarhúsnæði.

Við erum þó ég segi sjálf ofsalega ljúf og kurteis í samskiptum, eigum tryggingu og öll gögn sem beðið er um, sakavottorð, meðmæli og þessháttar. Ég er úr sveit en maðurinn minn og hans fjölskylda eru Hafnfirðingar en við viljum núna hvergi annarstaðar búa en í ljúfa og rólega Hafnarfirði.

Okkur liggur ekkert á að flytja svo þessj íbúð fær að hanga inni þar til við finnum rétta heimilið okkar.
Vinsamlegast sendu mér skilaboð ef við gætum verið rétta fjölskyldan í þína íbúð eða ef þú hefur einhverjar spurningar.

Kærleikskveðja til ykkar allra sem gáfuð ykkur tíma til að lesa <3