14 ára sambandi lokið, hvað á ég að gera?

Ég myndi athuga með stúdentaíbúð, þú gætir kannski fengið forgang vegna aðstæðna þinni.

get eg fengið stúdentaíbúð á höfuðborgarsvæðinu þó svo að ég sé ekki í háskóla þar ? Finnst þetta bara svo erfitt því að börnunum líður vel í þessum litla bæ en ekki mér. Að ætla að rífa þau í burtu frá öllu sem þau þekkja og frá vinum sínum og ættingjum (föður megin). og ef ég er í stúdentaíbúð á höfuðborgarsvæðinu, þarf barnið sem er byrjað í skóla að sækja hverfisskólann þar ? barnið þekkir enga krakka fyrir sunnan nema ættingja.

Ef hverju verða börnin ekki bara hjá pabba sínum og þú ferð ein það yrði minnsta röskunin fyrir þau.

á ég að fara að slíta þau í sundur ? er það betra, þá er ég að tala um þegar barnið er fætt. Svo er ég oftar en einu sinni búin að segja að ég hef ekki efni á að leigja í rvk hvernig á ég að hafa efni á að borga meðlag ?

En eru þau ekki betur sett hjá föður sínum þú segist allavegana ekki geta boðið þeim neitt og þeim líður vel þar sem þau eru og varðandi meðlagið þá hef ég ekki heyrt annað en að það sé svo aumt að það dekki engan veginn helminginn að kostnaði við barn þannig að það ætti að vera auðveldara fyrir þig að borga meðlag en að vera með börnin.

Þú þarft ekki að borga meðlag, ef þið gerið samning með ykkur um það.

Hún þarf samt að sinna framfærlsuskyldu sinni og sú "upphæð" má ekki fara undir einfalt meðlag. Ef börnin verða eftir hjá pabba sínum, þau ákveða að hafa meðlagið samkomulag sín á milli og hann verður ósáttur við hennar hlut í kostnaðinum þá getur hann krafið hana um meðlag aftur í tímann.

Hennar vegna myndi ég aldrei ráðleggja að sleppa að borga meðlag. Nema hafa skotheldan samning sem sýnir hvernig hún sinnir framfærslukyldunni og að hún nái einföldu meðlagi.

kv. alboa

Reyndar og það er hárrétt hjá þér en eins og er líka búið að benda á þá er meðlagið engan vegin það sem að kostar að framfleyta barni þannig að í raun er ódýrara fyrir hana að borga bara meðlagið þó svo hún segist ekki geta gert það, þá er deginum ljósara að hún getur ekki séð fyrir barni/börnum.

Meðlag er bara upp í nös á ketti þegar kemur að kostnaði vegna barna.

sparar helling á því að borga bara meðlag.

Ekki til að skapa leiðindi, en varst þú ekki nýlega með þráð þar sem þú áttir bara eitt barn og varst í 10 ára sambandi?  Annars knús á þig og vonandi leysist þetta farsællega hjá þér

Kannski bara innsláttar vilur hjá þér? 

já það er ár síðan, mér finnst bara ekki skipta mali hvort börnin séu 1, 2 eða 3 eða hvort sambandið séu 10 ár, 14 eða hvað þegar kemur að ráðleggingum frá fólki út í bæ. Vandamálið er það sama. ég vil ekki þekkjast þess vegna set ég einhverjar tölur, þið hljótið að skilja það. maðurinn segir að það sé ekkert mál fyrir mig að flytja með börnin suður því einstæðar mömmur fá svo mikið af bótum og styrkjum, en ég get ekki bara treyst á einhverjar bætur, ég á ekki bót fyrir borunni á mér þannig séð, engan varasjóð því við höfum einfaldlega ekki haft svigrúm til þess að safna.

þetta er bara svo sárt fyrir börnin, þau eru yndisleg og að maður sé að bregðast þeim svona sem foreldri að geta ekki bara látið allt lynda á milli hvors annars og verið hamingjusöm fjölskylda. Og bara það að vera ekki með honum lengur, yfir 10 ára samband, ég þekki varla annað, byrjaði með honum þegar ég var 17 ára.

Er allt annað í upphafsinnlegginu rétt nema það að þið séuð búin að vera saman í 14 ár?
Barnafjöldinn skiptir kannski ekki öllu máli.
Ertu ólétt?
Áttuð þið húsnæði? Eða leigðuð þið?

Ef þið áttuð húsnæðið þá skiptist það jafnt á milli ykkar þó þið séuð ekki gift.

Ég myndi í þínum sporum leita til félagsráðgjafa.

Varðandi börnin þá er það bara svo að þau vita oft meira en fólk heldur. Þau taka eftir rifrildum milli foreldranna og skilnaður getur alveg verið lausn fyrir þau líka. Það er ekki gott að alast upp á heimili þar sem óánægja ríkir.

Mín börn hafa talað um það sem sína gæfu að við foreldrarnir skildum, við vorum ömurleg saman en góð hvort í sínu lagi :)

Ekki ef þau voru ekki skráð 50/50 fyrir því.

kv. alboa

Þetta er rangt - nema að þau séu bæði skráðir eigendur húsnæðisins eða að sá sem ekki er skráður geti fært sönnur á það að hann/hún hafi "keypt" það að fullu á við skráða aðilann.

Alrangt - ekki nema þau séu bæði skráð fyrir húsnæðinu. Ef hún er ekki skráð fyrir eigninni þá getur það nú verið fjandanum erfiðara að sanna þátttöku í eignamyndun.

Búa áfram á eigin heimili, kallinn getur flutt út ef hann vill. Þú átt klárlega helminginn af eignamyndun á sambúðartímanum og hefur líka kröfu á hlutdeild í lífeyrissjóði maka.
Ertu í fjarnámi eða?
Hefur þú aldrei unnið fyrir þér?
Hvers vegna ættir þú að flytja milli sveitarfélaga kasólétt- eða að skilja á þessum tímapunkti? Ef makinn ógnar þét skaltu fá hann færðan í burtu og vera áfram þar sem þú og börnin hafið stoðkerfi.

Sammála

ég hef alltaf unnið fyrir mér en er búin að vera í námi síðustu ár og tekjur eftir því

Réttarstaða sambýlisfólks er ekki "klárlega" sú sama og réttarstaða fólks í hjónabandi eða staðfestri samvist - það er bara alls ekki þannig og í sjálfu sér slæmt að sú mýta sé til staðar.

Ef makinn á eignina, ef um eign er að ræða, og er alfarið skráður fyrir henni - þá er ekki hægt að henda honum/henni út af eigin heimili bara sí svona.

Hvaða tilvísun hefur þú um að maki í sambúð eigi rétt á hlutdeild í lífeyrissjóði hins?

Hér er ágæt umfjöllun um þetta:  

Það hvarflar ekki að mér að sambúð jafnist á við hjúskap og myndi aldrei halda því fram. Hjá ýmsum lífeyrissjóðum er farið að skilgreina maka þó að ekki sé um hjúskap að ræða. 

Þú skrifar að hún eigi klárlega helminginn af eignarmyndun á sambúðartímanum - það er ekkert klárlegt við það og þú skrifar líka að hún eigi kröfu í hlutdeild í lífeyrissjóði maka - það er ekki rétt.  Hjónum og sambúðarfólki er heimilt að gera samning um skiptingu ellilífeyrisréttinda, slíkur samningur er ávallt gagnkvæmur og er tæplega eitthvað sem sambúðaraðili í skilnaði tekur þátt í.  Fyrir utan það hversu hæpin ákvörðun það getur verið - sem er reyndar allt önnur umræða :)

þú bara verður áfram í húsnæðinu ef að börnin eiga að búa hjá þér. 

eigandi húsnæðisins verður áfram í húsnæðinu eða ráðstafar því með öðrum hætti

Þú hlýtur að hafa jafn mikinn rétt á að vera áfram á heimilinu einsog maðurinn. 


Eins er möguleiki á að hann hafi börnin hjá sér eftir skilnaðinn. 


Spurning líka hvort þú getir fundið einhverja ódýra litla íbúð þar sem þú býrð, það er sjálfsagt ódýrara en að búa í RVK (hvar svosem þú ert). Það er milljón sinnum betra að búa þröngt og fátækur og einhleypur en að hafa það aðeins betra fjárhagslega og vera í sambandi sem er ekki að ganga. 

___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White

Mér finnst þetta svo úrelt viðhorf að ef fólk skilur að þá verði börnin að fara með móðurinni. Ef karlinn þinn var að þínu mati nógu góður til að eignast mörg börn með þá hlýtur hann að vera nógu góður til að hugsa vel um börnin sín. 


Þannig finnst mér að þú ættir að skoða þann möguleika að fara sjálf í burtu og láta manninn þinn sjá um börnin. Það yrði minnsta rótið á þeim.

Ef konan hefur borið hitann og þungan af barnauppeldinu finnst mér samt sjálfsagt að þau fylgi henni. Mér finnst það ekki endilega í anda jafnréttissjónarmiða að lifa íhaldssamri verkaskiptingu en að konan hrökklist frá við skilnað og missi frá sér börnin.

Það er einmitt mjög íhaldsöm og úrelt fyrirkomuleg að börnin fylgi alltaf konunni við skilnað og verulega öfugsnúið við jafnrétti kynjanna.

Jájá ég er almennt á þeirri línu. En ef konan hefur sinnt börnunum umfram hann er sjálfsagt að þau fylgi henni kjósi konan svo. Þau verða samt ekkert að fylgja henni.

Það eru reyndar ekkert margir áratugir síðan að börn fóru að fylgja mæðrum sínum við skilnað. Hér áður fyrr átti kona almennt ekkert tilkall til sinna barna ef hún fór frá manni sínum og ef hún missti manninn sinn var heimilið oftast leyst upp og börnin sett hingað og þangað. Það er mikill misskilningur að börn hafi almennt fylgt mæðrum sínum í svona aðstæðum, langt aftur í aldir...

Voru börn ekki stundum tekin frá föður og heimilið leyst upp líka ef mamman dó? Sem sagt ef heimilið var fátækt

---------
Er með lítið notaðan fetal doppler til sölu

♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩

" Ef karlinn þinn var að þínu mati nógu góður til að eignast mörg börn með þá hlýtur hann að vera nógu góður til að hugsa vel um börnin sín. "


þetta er bara alls ekki alltaf raunin. Það á auðvitað ekki að vera gefið að börn fylgi móður við skilnað, enda feður oft alveg jafn hæfir (eða hæfari) til að sjá um uppeldi EN það að einhver eignist börn með einhverjum þýðir ekki að maður hafi metið viðkomandi sem gott foreldri.  Maður getur líka metið einhvern sem gott foreldrisefni en svo kemur í ljós að viðkomandi er það bara alls ekki. Sérstaklega er maður oft blindur á meðan maður er í sambandinu. 

___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White

Ok en það hefur allavega ekki komið fram að þessi maður sé það ónýtur að hann geti ekki séð um börnin. Hugsa að hann myndi læra á þvottavélina á endanum.

enda segi ég hvergi að þessi tiltekni maður geti ekki hugsað um þessi börn - og ég skil ekki hvar þvottavélin kemur inn í myndina - fullt af körlum sem kunna á þvottavélar og þvottavélakunnátta hefur lítið að gera með það hvort einhver sé gott foreldri. 

___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White

Það var linkað á gamlan þráð (hér að ofan) frá þessari konu þar sem hún var að kvarta undan því að karlinn gerði ekkert á heimilinu.

það kemur samt mínu svari ekkert við

___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White

Þá verð ég dæmd sem vond mamma af hans fjölskyldu og þessa litla samfélags hér, og satt best að segja þá myndi mér finnast ég vera að bregðast þeim, hvað svo ? svo fæðist barnið og eiga þau þá bara að búa í sitthvoru lagi (systkinin) ?

Systir mín á þrjú börn. Eitt býr hjá henni, annað erlendis með föður og þriðja hjá afa sínum og ömmu.

og hvað eru þau gömul ? eiga þau öll sama pabbann ? gott ef þetta gengur upp fyrir þau öll.

Tvö fullorðin eru samfeðra en ólust bara upp að hálfu. Eitt yngra.

Lítil samfélög eru oft brengluð. T.d. hafa fórnarlömb kynferðisofbeldis þurft að láta alls konar ógeð yfir sig ganga þegar þau hafa kært gerendurna í svona pleisum. Húsavík er ágætis dæmi um þetta.

Getur þú hugsað þér að búa eitthvað áfram á þeim stað sem þið búið í núna? Gæti það verið auðveldasta og hagkvæmasta lausnin a.m.k tímabundið, á meðan þú ert að klára nám og fæðingarorlof. Þá hafa börnin líka meiri stuðining frá ykkur báðum.

Þad hlytur að vera felagsthjonusta þar sem thu.býrð....

-----------------------------------------------------------------------------------------------------------------------

Tad er hægt ad fa undan tagu fra felo

“Don't cry because it's over, smile because it happened.”

Hvað væri börnunum fyrir bestu?