20 vikna sónar!

dont worry,most important ultrasound is at 12 weeks,if everything was ok then it should be ok now.and ja,they will tell you about baby´s kynið if you want to knows.take it easy and good luck :-)

Ég var stressuð fyrir nánast öllum skoðunum fyrir 20 vikurnar. Sem sé snemmsónurum, síðan 12 vikna sónarinn sem kom mjög vel út. Svo var ég orðin stressuð að það fyndist ekki hjartsláttur þegar ljósmóðirin í mæðraverndinni var að tékka á sirka 16v og svo var svona stress tilhlökkun fyrir 20 vikna sónarnum. Okkur langaði að vita kynið og vorum búin að plana út að borða með fjölskyldunni um kvöldið að komast að kyninu saman með bangsa sem hafði verið pakkað inn fyrir okkur og við vissum ekki heldur kynið fyrr en við opnuðum pakkann.  Held að þetta plan hafi gert 20 vikna sónarinn ekki jafn stressandi. Allt kom vel út úr honum en stressið fór ekki alveg fyrr en við fengum að vita að allt væri í lagi :). 

Hef svo farið í tvo vaxtasónara vegna ákveðinna aðstæðna hjá mér og auðvitað hlustað á hjartsláttinn í hverri mæðraskoðun sem er farið að vera ansi ört núna komin 34v og er í áhættumæðravernd. Það er alltaf pínustress áður en hjartsláttur finnst (þó að ég hafi fundið greinilegar hreyfingar 1 sek áður haha :P, maður er svo skrítinn)  og þegar ég hef farið í sónarana en held að þetta stress sé alveg eðlilegt, ef maður er ekki í einhverju svaka stresskasti alltaf :).  

Stressið fór samt fljótt minnkandi eftir að ég fór að finna fyrir hreyfingunum, fyrir það er allt svo óraunverulegt einhvern vegin og maður finnur ekki fyrir neinu. Fann fyrstu hreyfingar komin tæplega 17v og urðu fljótt sterkari og fann kallinn fyrstu hreyfingarnar bara daginn fyrir 20v sónarinn en fylgjan er að aftan.  Núna finn ég svo sterkar hreyfingar að ég er alveg hætt að vera stressuð um að eitthvað sé að, nema stundum þegar ég finn ekki hreyfingar í smá tíma en svo fer hún í kickbox tíma og sparkar og kýlir eins og enginn sé morgundagurinn :P eða orðið meira svona reyna að troða sér út um miðjann magann hreyfingar núna :P.


Vá ritgerð haha :P.  

Haha takk fyrir þetta. Ég er búin og allt í góðu með krílið :) Fylgjan er víst að framan hehe þannig að það er ekkert skrýtið þó ég hafi lítið fundið fyrir hreyfingum, þetta er líka fyrsta barn og hann seinkaði mér aftur um viku! Þannig að ég er ekki komin nema 19v1d. Ég sé líka ósköp lítið út úr þessum myndum sem við fengum haha :) Það fundust svo reyndar einhverjir vöðvahnútar í leginu sem ég er ekki jafn spennt fyrir, en ég á víst ekki að hafa áhyggjur af þeim (strax alla vega).