Dreymdi í nótt að rotta sem var frekar stór réðist á mig. Var stödd í gömlum bústað með dóttur mína með mér og ég verð vör við rottuna þar sem hún hleypur eftir gólfinu og í átt að okkur, skal tekið fram að ég er sjúklega hrædd við rottur en ég var ekki svo hrædd þarna meira svona illa við hana, og staðráðin í að koma henni burt. En hún hleypur að mér og í þann mund sem ég reyni að slá hana í burtu nær hún taki með kjaftinum í vinstri hönd á milli þumals og vísifingurs. Og þar hangir hún föst í dágóða stund á meðan ég reyni að kasta henni af mér, sem tekst svo fyrir rest. Ég fann hvorki til í draumnum né var með sár eftir hana bara smá skrámu. Einhver sem veit hvað þetta gæti táknað ??