Ég er 24 ára kvk og ég get svo svarið það að ég fæli allar konur í burtu frá mér og hef alltaf gert fyrir utan einstaka stelpur þegar ég var yngri. Ég var útilokuð af meirihluta stelpnanna þegar ég var barn þannig grunnskólinn var ömurlegur og illa var komið fram við mig þar. Þannig ég er soldið "brennd" ef það er hægt að orða það þannig og stressast öll upp í kringum kvennfólk. Sem er ömurlegt. Þrái að eiga góðan vinkonuhóp. Hef alltaf bara kynnst einni og einni stelpu ef ég hef verið í skóla eða vinnu, nema þegar ég fór í háskóla að þá komst ég í góðan hóp en varð síðan ólétt og þurfti að hætta í skólanum og fékk líka þetta ömurlega fæðingarþunglyndi og vinkonur mínar heimsóttu mig einu sinni og síðan bara ekki meir og ég hef ekki hitt þær í meira en tvö ár núna.. sem er ömurlegt, en ég tek það á mig líka þar sem ég var alls ekki dugleg að hafa samband heldur. Núna er staðan bara eins og ég í fæðingarorlofi með mitt annað barn og tala bara við sjálfa mig á daginn eða við barnið sem auðvitað svarar mér ekki. Eina vinkona mín býr á höfuðborgarsvæðinu en ég þurfti að flytja út á land þannig ég hitti hana nánast aldrei og sambandið orðið eftir því.
Finnst eins og það sé eitthvað að mér og hef oft velt því fyrir mér hvort ég sé félagsfælin eða sé óviðeigandi eða dónaleg í samskiptum. Skil þetta ekki, því ekki er það eitthvað útlitislegt þótt ég segji sjálf frá. Hef aldrei átt erfitt með að kynnast strákum, enda voru þeir alltaf góðir við mig þegar ég var barn og voru þeir oft mínir einu vinir. EN mig langar svo í vinkonur haha :-) Geta farið í stelpuferð einhvert eða bara út að borða eða í bæinn og fengið sér rautt eða hvítt! OG einhvern annan til að tala við ef eitthvað er en mömmu, þótt hún sé frábær að þá vil ég ekki henda öllum mínum lífsins vandamálum í andlitið á henni. Hvernig kynnist 24-25 ára tveggja barna móðir öðrum konum og myndar sterk tengsl? Finnst ég hafa misst af í lífinu að eiga ekki góðar vinkonur. Finnst svo leiðinlegt að verða 25 ára og geta ekki haldið veislu því ég hef engan til að bjóða og fagna með. Þannig ég hef aldrei haldið upp á afmælið mitt. Svo líka þegar ég gifti mig, það verður bara óþægilegt! Maðurinn minn með sinn hjúts strákavinahóp og svo ég með engann.
Er einhver sáli sem hjálpar manni í svona löguðu ?
Kv. Þessi sem talar við sjálfa sig
krullukjúkklingurogsósa | Mæli með að senda þetta á konurnar á mæðratips (þær sem eru admins á faceboo...
Mæli með að senda þetta á konurnar á mæðratips (þær sem eru admins á facebook groupunni) sem senda inn nafnlaust fyrir mann...mun fleiri þar sem gætu mögulega svarað þessu :) Get því miður ekki svarað þessu sjálf en vona að þú getir fengið hjálp á mæðratips ;)
ert | Í gegnun mömmumorgna og vini barnanna. Bjóða konum sem börn á sama aldri í k...
Mér dettur í hug að kannski væri sniðugt að fara í kvennfélag ,svo dettur mér í hug safnaðastarf í Kirkjunni þinni, spila Brids, prjónakaffi er viða , göngufélagar, taka þátt í íþróttastarfi, ég held að það sé nokkuð algangt að konur einangrist svona, svo dettur mér í hug sjálfboðastarf hjá Rauðakrossinum,,og Slysavarnarfélagi, vonandi gengur vel hjá þér,
bfsig | Yfir höfuð þá nálgast konur og karlar samtal og samskipti með pínu öðruvísi ...
Yfir höfuð þá nálgast konur og karlar samtal og samskipti með pínu öðruvísi hætti. Hugsanlega ertu að kikka aðeins meira inn á karla spectrumið í samskiptum. Prufaðu að googla þig í gegnum það, gæti verið að þú eigir erfiðara með að ná tengingum við kvenfólk því þú funkerar aðeins öðruvísi og ef þú vilt ná betri tengingum við kvenfólk þá þarftu að temja þér aðeins öðruvísi nálgun í samtölum. (Just a thought)
ert | Ég verð segja að þetta er mjög góð athugasemd og virkilega vel orðuð. :)
Nei ég var að hugsa um að skrifa eitthvað í þessa átt sem þú skrifaðir. Ég er voða fegin að ég gerði það ekki því ég hefði aldrei getað gert það svona vel. Núna deyrðu úr hjartaáfalli yfir þessum ummælum mínum og missir af bestu helgi lífs þíns ;)
--------------------------
Sel og leigi heykvíslir og kyndla, veiti einnig ráðgjöf um brennur og grýtingar.
bfsig | Beint í hjartað Ert...... Beint í hjartað.
(Hættu svo þessu daðri, við erum að hæjakka þráðin af greyjið stelpunni, öll athyglin verður á okkur. Allar þessar kynsveltu einhleypu þriggja barna mæður hérna eru örugglega byrjaðar að poppa yfir þessum þræði)
Erika82 | Það eru margir hópar af konum á Facebook sem eru í fæðingarorlofi með börn á...
Það eru margir hópar af konum á Facebook sem eru í fæðingarorlofi með börn á sama aldri- hóparnir heita þá oftast eftir mánuði sem börnin eru fædd í. Margar eru duglegar að hittast reglulega og mynda vinasambönd. Einnig mæli ég með mömmumorgnum í kirkjum og bókasöfnum í þínu hverfi en þar kynntist ég frábærum hópi kvenna sem eru vinkonur mínar enn í dag.
askjaingva | Vandamálið liggur hjá þér eins og þú veist nú þegar. Ekki að þú sért leiðinl...
Vandamálið liggur hjá þér eins og þú veist nú þegar. Ekki að þú sért leiðinleg eða dónaleg. Þegar börn verða fyrir miklu einelti og hunsun myndast oft ákveðinn veggur vantrausts gagnvart fólki. Vandinn er að þú þarft að bregðast öðruvísi við öðrum en eftir mörg ár ótta og vantrausts er ansi erfitt að komast þangað hjálparlaust. Það eru ýmsir sérfræðingar til sem hægt er að leita hjálpar hjá en ég mæli með að þú skoðir áfallastreitu meðferð og meðferð við meðvirkni. Lausnin í Kópavogi er með örnamskeið í meðvirkni sem þú ættir að prófa.
