Að eiga strák og stelpu !

Já strax þegar ég varð ófrísk af barni nr 2. Það kom sama kyn. Sumir áttu erfitt með að leyna vonbrigðum sínum þegar fréttist að þriðja barnið af sama kyni væri á leiðinni.

oooo þetta ergir mig svo. Mér finnst svo ömurlegt að ef ég mun í þriðja sinn eignast sama kynið (á von á mínu þriðja) þá mun samfélagið ekki samgleðjast eins innilega. Þegar ég eignaðist annað barnið mitt var ein kona sem sagði "æjjjj, það var leitt" þegar ég sagði henni að ég hefði fengið sama kyn haha! ég hló bara og spurði bara hvort henni væri alvara. Það fauk í mig og fyrst var ég með samviskubit yfir að hafa spurt hana svona hvasst á móti, en er eftir á fegin að hafa sagt eitthvað. Þetta er helber dónaskapur! 

Ég verð reyndar að segja að ég er með sömu sorgartilfinningu varðandi ef kemur í ljós að barnið mitt verði á einhvern hátt "öðruvísi" en önnur. T.d. með Downs. Mér finnst glatað að ég verði alsæl með mitt elskulega litla barn í fanginu og fólk vorkenni mér og barninu mínu, eins og það sé ekki gleði að "þannig barn" fæðist. Þetta þjóðfélag sem hreykir sér af umburðarlyndi og viðurkenningu angar af fordómum í þessum efnum. Já.. og þá er ég búin að fá útrás með það! ;) 

En mér finnst líka erfitt að ef ég fæ svo hitt kynið, að þá muni allir samgleðjast svo ægilega, eins og einhver langþráður draumur sé að rætast. Ég væri alsæl með þrjú börn af sama kyni :) 

Ég skil þig mjög vel og ég vonaðist eftir sama kyninu í þriðja skiptið því það fór í taugarnar á mér að fólk hreinlega ætlaðist til þess að ég fengi núna hitt kynið. 
Skil ekki af hverju aðal málið sé ekki bara að barnið sé heilbrigt.

ég fékk ekki að vita kynið á fyrstu 2 meðgöngunum mínum og það var sama kynið, og hefði viljað hafa það eins á þriðju en frá 12-20 viku var ég alltaf að fá spurningar á við "var verið að reyna við stelpuna núna" o.s.frv. og ég bara varð að fá að vita kynið svo ég gæti verið búin að "vara fólk við" ef það væri von á strák og það búið að jafna sig þegar barnið fæddist og gæti þá kannski samglaðst okkur.  


Svo kom reyndar í ljós að það væri von á "nýju kyni" og það tók eiginlega ekkert skárra við, barnið var ekki fætt og fólk var búið að dæma hana frekjudós og dekurrófu því hún ætti tvo stóra bræður til að hugsa um sig ásamt foreldrunum sem myndu eflaust dekra hana meira en strákana því hún væri óskastelpan (ég satt best að segja hefði ekkert síður viljað einn strák í viðbót og var eiginlega búin að gera ráð fyrir því). 

because I'm worth it

haha   við erum einmitt búin að fá þetta nú þegar....  ákváðum að segja ekki frá kyni barnsins á meðgöngu..en fólk er nú þegar farið að tala um hvernig stóru bræðurnir fimm munu taka á móti kærustum ef þetta er stelpa....  

strákamamman;)

Úff hvað fólk getur verið undarlegt :/ Foreldrar mínir eiga bara okkur 3 systurnar og þau fengu í mörg ár spurninguna "Hvenær á svo að koma með strákinn?" Pabbi sagði fólki einfaldlega að hann þyrfti engann strák, stelpurnar hans væru bara meira en nógu góðar fyrir hann. Og svo seinna kom bara "aldrei, ég er búin að láta klippa" :Þ Ég er alveg pínu að vonast til að fá þriðju stelpuna núna, það væri hagkvæmast og ég er svoddan leiðindarpúki að mér þætti það bara gaman að segja "Aldrei" við fólkið sem mun spurja hvenær eigi að koma með strákinn x)

Ég segi einmitt við fólk að ég ætli aldrei að koma með hitt kynið enda sé ég hrikalega ánægð með eintökin mín :) 

Ég á nú svosem bara tvo stráka en ég var varla komin heima af fæðingardeildinni með þann eldri þegar það fór að rigna yfir mig "og hvenær á svo að skella í stelpuna?" Eins og ég ráði því bara! Finnst þetta hrikalega asnalegt, ég er bara mjög ánægð með drengina mína tvo og svo átti ég ennþá allt eftir fyrri strákinn þNnig að þótt það væri ekki bleikt tjullský hangandi hérna yfirr okkur, þá var heilmikill sparnaður fólginn í því að eignast tvö börn af sama kyni :) 

Ég á 4 stelpur og mikið kannast ég við þetta, algjörlega óþolandi pressa frá öllum og vonbrigðin oft mikil hjá öðrum þó svo að ég sé alsæl með mínar 4 stelpur:)

Strákarnir mínir voru ekki mánaða gamlir þegar eg var spurð hvenær eg ætli að koma með tvíbura stelpur til að eiga bæði! Móðgaði flesta þegar eg sagðist vilja bara 1 barn næst og eg yrði mjög glöð að fa annan strak þar sem eg a alltof mikið af fötum og dóti handa strak :) meira að segja sma pressa a mig nuna að verða ólétt og er reglulega sp hvort að eg se nokkuð ólétt og þeir rétt 14 mánaða!

Ég er hætt... en ég á fjóra stráka.... og það er enn þrátt fyrir að ég sé orðin 45 ára að koma aðfinnslur um það hvort ég ætli ekki að reyna við stelpuna.... eins og fólk haldi að það sé það eina sem skipti máli!  Mér var sama sjálfri en veit að manninn minn langaði pínu meira í stelpu... samt myndi hann ekki vilja skipta .....:o)  Ég viðurkenni það samt að ég væri til í eins og eina ömmustelpu........ einhverntímann!  :oP  En ömmustrákar yrðu samt alveg eins velkomnir..... en það er víst ekki á planinu hjá strákunum mínum næstu árin... :o)

-----------------------------------------------------------------------------------------------------------------------

Já kynið er algert aukaatriði svo lengi sem þessi kríli eru heilbrigð. Ég held að við getum bara búið til stráka, Það virðist vera mjög algengt að ef að fók á þrjú af sama kyni að þá verði það fjórða það líka. :)

Þegar ég átti eldri stelpuna mína hvíslaði pabbi því að mér að hann væri pínu feginn að ég hefði fengið stelpu (Það voru allir búnir að ákveða að ég kæmi nú með afastrák fyrir hann fyrst hann var svona ægilega óheppinn að eiga bara stelpur!!) því hann kynni svo vel á stelpurnar :P Núna á hann 3 afastelpur og gæti ekki verið ánægðari með þann árangur :P

Ég er geng með 3ja strákinn, væntanlegur á næstu dögum, og ég er farin að fá spurningar um hvenær við ætlum svo að koma með 4. Koma með stelpuna......

Það var einu sinni heilbrigðismenntuð kona sem ég vann með sem sagði í einhverri svona umræðu á kaffistofunni:"Það eru algjör forréttindi að eiga bæði kyn!" (Hún átti nefnilega sjálf strák og stelpu). Ég var svo hissa á manneskjunni að láta þetta útúr sér haha

ég á 4 stráka...og maðurinn  minn einn, svo við eigum fimm stráka...  og ég er ólétt af okkar síðasta barni.


Við fáum þessa pressu stöðugt.  sérstaklega með kommentinu "það væri svo gaman fyrir ykkur að prófa eitthvað nýtt"    ég er komin með standardsvar við þessu kommenti  :  " það er eitthvað nýtt í hvert sinn sem nýr einstaklingur fæðist, mínir 5 strákar eru langt frá því að vera allir eins...þeir voru allir "eitthvað nýtt" "


ég hef líka prófa ðað taka kaldhæðnina á þetta og segja bara  "já rosa skítt að eiga bara stráka...vildi óska að ég hefði ekki eignast þá"      þá verður fólk oft hvumsa.


Svona er fólk bara...

strákamamman;)

Ég er ólétt í 1. sinn - en bróðir minn á einan strák og þrjár stelpur. Það fyrsta sem mamma sagði við mig þegar ég tilkynnti óléttuna var "ég vona að þú sér að gefa mér annan strák!" Jæja, ég er ekki að velja og mér er eiginlega sama. Ef það er stelpa er ég viss um að fá einhverja leiðinda komment - samt ef það er alveg nr. 1 hjá mér!!!

já Vinkona mín átti bara stráka fyrir og átti svo stelpu í fyrra. Nú heyri ég marga segja ýmist við hana eða bara ef að þeir spyrja mig um hvernig gangi hjá henni:: oo en gaman fyrir hana að fá loksins stelpuna... eða loksins tókt þetta hjá henni eða eitthvað í þessum dúr. Ég verð alveg pirr þegar að ég heyri þetta !! líka vegna þess að ég veit að henni var alveg sama, hún fékk ekki að vita kynið og var alveg undir það búin að fá einn strákinn enn :)