Heil og sæl öllsömul. Þar sem að ég nota þessa vefsíðu ekkert gríðarlega mikið, en renni hins vegar oft í gegnum auglýsingar á sölutorginu - einkum tölvudót og slíkt, þá langaði mig að forvitnast um hvort þið vitið hvort það sé mikið um að verið sé að selja stolnar vörur og hluti hér?
Er nýbúinn að lenda í því hérna inni að versla tvo harða diska ásamt móðurborði, en fannst seljandinn allan tímann frekar grunsamlegur - sérstaklega þegar hann virtist lítið sem ekkert vit hafa á því sem hann var með í höndunum og vildi bara losna við það. Ég keypti þó hlutina og ákvað að taka áhættuna þó svo það gæti þýtt um 30 þúsund króna tap fyrir mig peningalega. Hann var ekki með nótu í höndunum, en sagði hana geymda í versluninni (eins og Elkó t.d. gerir) og ég gæti nálgast hana þar ef ég þyrfti.
Ég ákvað því að hafa samband við innflytjandann á vörunum og gaf upp "serial númerið" fyrir hvern hlut og gat því á endanum fengið það staðfest að umræddar vörur voru ekki keyptar af viðkomandi aðila og bað því viðkomandi verslun að hafa samband við skráðan kaupanda og athuga hvort að hann ætti viðkomandi hlut ennþá eða hefði hugsanlega selt hann og eðlilegt væri að kennitalan á nótunni í versluninni væri ekki sú sama og þess er seldi mér þetta. Þá kom í ljós að viðkomandi hlutir höfðu horfið í innbroti eingöngu viku áður en ég keypti þá.
Ég að sjálfsögðu kom hlutunum í hendurnar á lögreglunni sem hafði síðan uppi á þessum "heiðarlega" seljanda sem nú hefur verið ákærður, enda mun meiru stolið í innbrotinu sem og miklar skemmdir unnar innandyra.
Þess vegna langar mig að spyrja svona þá sem þekkjja sem best til hérna hvort að þetta sé algengt hérna, eða er hreinlega markaður fyrir stolna vöru hérna inni þar sem fólk er tilbúið að kaupa stolna vöru þar sem þeir fá hana á mun lægra verði en eðlilegt væri að hún seldist á?
Þetta eru bara vangaveltur í mér, en ég sé ekki eftir einni krónu af þessum tæpu 30 þúsundum þar sem að um leið komst upp um mun meiri "nytjastuld" og skemmdarverk sem viðkomandi hafði framið - og bíður núna eftir því að málið fari fyrir dóm og situr þá uppi með allan kostnað sjálfur, ásamt sakarkostnaði o.fl.
Ég held að það sé refsivert ef maður kaupir þýfi. Svo þetta er ekki bara spurning um að maður sé heiðarlegur, heldur líka að vernda sjálfan sig og eiga ekki yfir höfði sér mögulega ákæru.
Johannjons21 | Það er ekki refsivert að kaupa þýfi nema að þú sért vísvitandi og af einbeit...
Þú ert greinilega mjög heiðarleg og vel hugsandi manneskja :o) Því miður hefur borið á því að þýfi sé selt hér á Blandinu, það hefur verið í fréttunum í nokkuð mörg skipti. Það er alveg hrikalegt hvað þessir þjófar fá alltaf að valsa um aftur og aftur :o( Þessir aumingjar fá bara tiltal hjá lögguni og svo er þeim bara sleppt út svo þeir geti haldið áfram að ræna og rupla, því það er akkúrat það sem þeir gera um leið og þeir eru komnir frá lögreglunni.
EvaMist | Það var í eitt skipti sem ég keypti ódýrt húsgagn þar sem ég hugsaðu mikið e...
Það var í eitt skipti sem ég keypti ódýrt húsgagn þar sem ég hugsaðu mikið er þetta skrýtið. Þá var heil íbúð full af húsgögnum sem greinilega höfðu verið sett inn í íbúð þar sem þau höfðu ekki verið þarna áður og allt einhvernvegin skrýtið. En ég athugaði það ekki frekar því það meikaði samt ekki sense að vera með heila íbúð undir stolna hluti.
donaldduck | gæti sko alveg verið; minna áberandi en að vera með allt heima hjá sér
Mögulega og koma svo bara með ný húsgögn þegar hin seljast. En eru þjófarnir að stela heilu sófasettunum. Ég var bara að kaupa pínu skáp á 3000 en ég var svona hugsi yfir hlutunum þarna inni.
donaldduck | það er oft farið í t.d sumarbústaði og þeir tæmdir í orðsins fyllstu
ég hef ekki mikið keypt hérna inni en ætlaði að kaupa mér iphone fyrir um ári síðan. Þá kom viðkomandi með símann í kassanum og ég hefði eflaust getað fengið nótu ef ég hefði beðið um hana. Ég ákvað þá þegar ég var í þessum pælingum að kaupa ekki neitt nema fólk gæti sýnt fram á að væri sitt. Mér finnst einmitt ömurleg tilhugsun að vera etv að kaupa þýfi.
Mér finnst þú flott/ur að hafa gengið svona langt í þessu máli. Maðurinn minn lenti í því að krossaranum hans var stolið (fyrir löngu síðan) og fékk hann einmitt aftur með því að hringja á milli í fólk sem hafði auglýst eftir krossara því þá hafði þjófurinn hringt í þá alla.
fabia69 | ef eins og þú segir að þú hafir haft svona sterkan grunn um að þetta væri þý...
ef eins og þú segir að þú hafir haft svona sterkan grunn um að þetta væri þýfi að þá hefðiru ekki gengið svo langt að kaupa það bara til að ath hvert væri stolið og að tapa þínum pening svo sorry trúi þessari sögu engan veginn
Johannjons21 | Mig fór að gruna þetta þegar ég hitti einstaklinginn, en ég veit ekki hverni...
Mig fór að gruna þetta þegar ég hitti einstaklinginn, en ég veit ekki hvernig þú færð það út að ég hafi keypt hlutina í þeim tilgangi einum að athuga hvort þessi grunur væri á einhverjum rökum reistur eða ekki, og hafi þá svo gott sem vísvitandi hent mínum peningum í þetta til að tapa þeim.
Í ofanálag að þá væri það ansi furðuleg hegðun að semja "sögu" eins og þessa til þess að pósta henni hér.
Ég einfaldlega keypti þetta í góðri trú, en hins vegar fannst mér réttast að kanna þetta fyrst að ég hafði grun um að þetta væru illa fengnir hlutir. En hverju þú trúir og trúir ekki er að sjálfsögðu algjörlega undir þér komið, og kemur í rauninni málinu ekkert við. Var einfaldlega að segja mína sögu og forvitnast um leið um það hvort þetta væri algengt að fólk lenti í svipuðu hérna.
En ég þakka þér engu að síður fyrir þína skoðun.
Venja | Það er einmitt einn hér sem er svakalega duglegur í að semja svona sögur og ...
Það er einmitt einn hér sem er svakalega duglegur í að semja svona sögur og setja inn hérna, hann sjálfur kemur alltaf út eins og algjör hetja að sjálfsögðu. Þú hljómar alveg svakalega líkur þeim aðila....
Johannjons21 | Semja hetjusögur af sjálfum sér og setja inn á bland.is? Ég hef annað og bet...
Semja hetjusögur af sjálfum sér og setja inn á bland.is? Ég hef annað og betra við tímann að gera en að eyða honum í að leika einhverja hetju á þessari vefsíðu eða skrifa upplognar sögur til þess að reyna að fiska eftir hrósi eða einhverju slíku. En hver og einn verður náttúrulega að eiga það við sjálfan sig hverju hann trúir. Sá sem að hefur það mikla þörf fyrir athygli/hrós eða hvað annað sem það nú er, í skilaboðaformi á internetinu - að hann myndi standa í svona löguðu, sá einstaklingur þarf virkilega á hjálp að halda... En þakka þér nú samt fyrir að commenta á þráðinn hjá mér, öll svör velkomin!
EvaMist | Sá gaur hjálpaði fólki í búðum, borgaði jafnvel fyrir það, tók upp heilu fjö...
Sá gaur hjálpaði fólki í búðum, borgaði jafnvel fyrir það, tók upp heilu fjölskyldurnar úr biluðum bílum og skutlaðu út á flugvöll og ég veit ekki hvað og hvað. Og allt upplogið svo einhver hér eru orðin töluvert skeptísk á sögurnar. Hann kom einmitt alltaf undir nýju nikki svo þú gætir þessvegna verið hann ;-)
Þönderkats | Hann skrifar samt allt öðruvísi og væri orðinn reiður núna og búinn að skrif...
Mér finnst að þú ættir að koma þessari sögu þinni til fjölmiðla til að vara fólk við því að vera versla á þessu djöfulsins eineltisvef sem skítakompaníið rekur hér.
En já hér er mikið af þýfi búið að vera í sölu alveg síðan að það byrjaði að vera með þessa anskotans sölusíðu. Ég man að ég las frétt í Fréttablaðinu um strák sem fékk bláu stolnu úlpuna sína sem var stolinn með því að fara inná söluvefinn. En ég kalla það alltaf þýfissölusíðuna á Bland.is. En það er mikið búið að vera í fréttum um sölusvik á sölusíðu Bland.is og þó að það náist að koma einum í fangelsi þá spretta sölusvikarar upp eins og sveppirnir og halda áfram.
Ég bara trúi því ekki enn að heiðarlegt fólk er enn að láta plata sig í það að versla á þessari óheiðarlegustu íslenskri sölusíðu.
Eyðið frekar peningunum ykkar á öðru síðu þar sem heiðarlegt fólk er að selja en ekki á þessu þjófasölusíðu þar sem hættuleg sala er hér í fullu gangi.
Því fyrr sem almannarómur um þessa þýfissölusíðu verður háværari því meira náum þið árangri, sem hafið orðið fyrir þessu leiðindum að stoppa þennan verslunarvef því að það hlýtur að vera ólöglegt að vera reka áfram verslun þegar fleira saklaust fólk er að lenda í þessum óheiðarlegum svindlurum sem er að selja hér hér á fullu en eftirlitið hér á Barnalandinu er nánast ekkert.
Ég hef lengi reynt að vara fólk við því að versla á þessari þýfisölusíðu á barnalandinu en engin virðist hafa eyru né skynsemi í kollinum lengur. En þegar það gerist að einhver lendir illa í því að kaupa köttinn í sekknum á barnalandinu þá þýðir lítið fyrir ykkur að vera væla útaf því. Ykkur var nær að hafa aldrei hlustað á mig.
En ég skora á þig að fara með sögu þína í fjölmiðlanna svo að fólk hætti endanlega að versla á þessu óheiðarlegustu sölusíðu Íslands. Af því hér reyna barnaland aðdáendur að þagga þetta niður svo ekki hlusta á nein rök sem þú færð hér frá þeim.
Kveðja Einn af þeim sem hatar eineltis spjall síðuna Barnaland.is og vill að fólk hætti að versla á þýfissölusíðunni hjá Bland.is.
Ég er bara einn af þeim sem er að hugsa um ykkur og hvað er fyrir ykkur bestu því engin annar vill gera það. Þau sem eru á móti mér eru auðvitað þjófarnir og svindlararnir sem vilja auðvitað ekki missa viðskiptin sín hér.
Græðgin á Bland.is er svo mikil hér að ég gæti ælt.
Ég styð X-D - Ekkert ESB kjaftæði til Ísland.
.
Johannjons21 | Kröftuglega til orða tekið, vægast sagt! :-)
það er ólöglegt að kaupa þýfi ef maður kaupi eitthvað notað þá á maður alltaf að fá að sjá kvittun eða fá sönnun fyrir eignarhaldi ef það er ekki fyrir hendi þá á maður að hringja á lögregluna
Skreamer | Átt þú kvittanir fyrir öllu sem þú átt?
Hva, bb99 er örugglega með heilan skjalaskáp af kvittunum eins og allir aðrir. Ég flokka minn eftir herbergjum og svo í stafrófsröð. Það er að vísu pínu vesen að kaupa inn út af þessu, ég get bara keypt einn hlut í einu í Ikea svo að kvittunin passi inn í sýstemið.