Út frá umræðu á öðrum þræði, mér finnst þetta skemmtileg pæling. Ef þið ættuð að lista upp æskilega staði þar sem örmagna útúrstressað nútímafólk getur grátið án þess að trufla neinn og missa ekki kúlið. Sjálf hef ég hlaupið inn á klósett í vinnunni og í flugvélum og á barnum og heima og ég veitekkihvaroghvar.
svartasunna lagði til uppáhaldsstaðina sína: -í bílnum á bakvið sólgleraugu í og úr vinnu -í sundi syndandi gullnu 500 metrana -þegar maður horfir á grey's anatomy, oftast nógu mikið af væmni til að rèttlæta grenj...en bara ef maður er að horfa einn -skokkandi í köldum vindi um vetur
Sturtan er alltaf góð. Í gönguferðum langt frá öðru fólki (lika gott til að öskra ef þarf). Koddinn. Frammi þegar aðrir eru sofnaðir. Og já, afskaplega gott að hafa svona þætti eins og Grey's eða sorglega myndir.
DarKhaireDwomAn | ég er hætt að geta grátið en reyndar grenjaði ég alla leiðina heim frá stiga...
ég er hætt að geta grátið en reyndar grenjaði ég alla leiðina heim frá stigamótum eftir fyrsta hópfundinn, var úrvinda og talaði við pabba í svona 30 mínútur á meðan ég grenjaði eins og krakki frá Hekluhúsinu að orkuhúsinu...
Helgust | Ég fer alltaf inn á bað ef ég þarf að gráta, nema ég sé að tala við einhvern...
Ég fer alltaf inn á bað ef ég þarf að gráta, nema ég sé að tala við einhvern, en hugsa að það sé ágætt að gráta í sundi. En hafið þið spáð í hvað grátur er magnað fyrirbæri?
hallon | Grátur er rosalega góð útrás og streitulosun Stundum þarf maður bara að grá...
Grátur er rosalega góð útrás og streitulosun Stundum þarf maður bara að gráta og maðurinn minn skilur ekki enn eftir 15 ár að það þarf ekki endilega að vera neitt að þó að maður grenji, stundum þarf maður bara útrás.
NöttZ | Minn fer alltaf í kleinu. Fer að tala rosalega mikið eða labbar bara í burtu...
Minn fer alltaf í kleinu. Fer að tala rosalega mikið eða labbar bara í burtu. Það er eiginlega alveg sprenghlægilegt þegar hann byrja að þykjast ekki taka eftir því að ég er að grenja.
Mínir fyrrverandi voru svona, fóru í kleinu. Eiginmaðurinn minn er aftur á móti ekkert pirraður eða finnst óþægilegt ef ég græt, heldur spyr hann hvort hann geti gert eitthvað til að mér líði betur. Einnig hefur hann grátið, sjaldan þó, en votnar um augun ef honum líður illa. Hann hefur þó látið í ljós að hann óskaði þess stundum að geta grátið oftar til að fá útrásina.
Það er líffræðileg ástæða fyrir því að konur gráta frekar heldur en karlmenn. Við erum með minni tárahvarma að meðaltali, þannig að konur ,,leka" frekar á meðan karlmenn votna um augun.
krola90 | Svona eins og Debra í Everybody loves Raymond, ef einhver man eftir því atri...
Það er ótrúlegt hvað það getur verð gott að gráta. Pabbi minn var í aðgerð í gær til að skera í burtu æxli og ég í stressinu yfir þessu hágrét í vinnunni og mér leið mikið betur eftir á, leyfði öllu stressinu að koma út í einu og ég gat þá einbeitt mér að jákvæðu hugsununum.
Ég hef enga stjórn á þessu. Þegar ég þarf að grenja þá bara gerist það óháð staðsetningu. Fer eftir samhengi hvort ég dreg mig afsíðis eða held bara áfram að takast á við heiminn grenjandi. Díl with it.
Vinkona segir mér fallega sögu úr lífinu. Búmm ég er grenjandi ofan í latteinn minn á yfirfullu kaffihúsinu. Einhver segir mér frá órétti sem hann verður fyrir eða erfiðum tilfinningum sem hann er að díla við. Búmm tárin flæða niður kinnarnar á mér þar sem ég stend og ég er á leið inn í bónus að kaupa í matinn og svo að fara sækja krakkana þannig að tárin flæða í grænmetiskælinum og við brauðhilluna, í mjólkurkælinum og svo er ég heppin ef ég fer að ná einhverjum tökum þar sem ég les á pökunadagsetningarnar á kjötinu. Vonandi er ég búin að ná mér þegar ég brosi fram í kassastarfsmaninn og bið um poka. Ég sit í strætó með börnunum mínum og ég sé einhvern missa af strætó, sérstaklega gamalmenni eða fólk með börn í kerrum. Búmm ég er farin að grenja og þurrka tárin sem flæða á meðan ég passa að grísirnir séu ekki standandi uppi í sætunum eða ýtandi á stans rofann í tíma og ótíma. Ég heyri lag í útvarpinu sem kveikir hjá mér tilfinningar. Búmm, ég keyri um borgina grenjandi sólgleraugnalaus snýtandi mér í blautþurrkur sem ég finn á milli sætana og reyni að hemja mig í því að stara á móti þegar að ég tek eftir að vegfarendur stara á mig á rauðu ljósi.
___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White
1122334455 | Sama hér, ég get sjaldnast stjórnað þessu,
Uppi í rúmi undir sæng, í bílnum (þegar ég er ein). Hef misst mig og grátið á almannafæri, einu sinni í leigubíl og einu sinni fyrir framan röntgenlækni þegar hann var að greina blóðtappa i fætinum á mér. Sá bara í iljarnar á lækninum, sá varð vandræðalegur :)
GuardianAngel | Aðalega bara í sturtunni annars í rigningu og roki taka góðan göngutúr.
Aðalega bara í sturtunni annars í rigningu og roki taka góðan göngutúr.
-----------------------------------------------------------------
Skilaboðin mín eru í rugli, ef þú sendir mér skiló láttu mig þá vita á spjallborðinu, þarf að leita þau sérstaklega uppi.
Máni | Ég grenja yfirleitt bara þegar ég er reið og löngu búin að missa kúlið.
Eða...
Hjá geðlækninum nánast undantekningarlaust, í bílnum, í stofunni þegar ég er ein eftir vakandi í flugvélum, undir sæng, við tónlist sem snertir við mér, í jarðarförum (sem er sennilega eini staðurinn þar sem fólk má gráta í friði)
Mér finnst gott, ó svo gott að gráta. það er svo mikið spennulosun og svo gott tól til að eiga við erfiðar tilfinningar. ég veit að ég er í mjög vondum málum þegar að ég hætti að geta grátið....
alboa | Hef voðalega litla þörf fyrir að gráta og finn voðalega litla losun við það....
Hef voðalega litla þörf fyrir að gráta og finn voðalega litla losun við það. Fæ stundum kökk í hálsinn og eitt tár en ekki meira en það. Síðast þegar ég grét eitthvað að ráði var það eftir að ég bókstalega hrundi undan álagi og sá sem var nálægt mér fór í fýlu út í mig.
Önnur skipti síðustu ár sem ég hef grátið er það undan líkamlegum sársauka.
kv. alboa
fálkaorðan | Vá sá sem var nálægt má bíta í sig.
Ég er eins og garðúðari.
Var pirruð út í hann og vildi ekki leyfa honum að taka utan um mig akkúrat á því augnabliki. Það þýddi fýlu og nokkra daga(!!) fyrir hann að fyrirgefa það. Þessi aðili á heimsmet í fýlustjórnun og ég er svo ánægð með að vera laus úr því.
kv. alboa
fálkaorðan | Til hamingju. Ég þoli ekki fýlustjórnun.
Ég bý til skyggni með öðrum lófanum yfir augun, horfi niður og leyfi tárunum að leka. Eða sný mér frá fólki. Mér finnst einhvern veginn ekkert að því að fólk viti að ég sé að gráta en það eru helst viðbrögðin sem mér þykir óþægileg, þ.e. þegar fólk verður vandræðalegt eða vill gera mikið úr grátrinum. Ég er samt hætt að nenna að gráta ein, finnst best að gráta hjá manninum mínum. Var með grátsystem þegar ég fór í gegnum erfið veikindi með ástvini. Þá kom ég oft heim og grenjaði út álagið fyrir næsta dag - virkaði ágætlega. :)
Galieve | Í bílnum á leiðinni heim.
Inn á baðherbergi þegar að allir eru sofnaðir.
...
Í bílnum á leiðinni heim. Inn á baðherbergi þegar að allir eru sofnaðir. Í fanginu á manninum mínu þegar við horfum á eitthvað ógeðslega sorglegt. Með mömmu í símanum. Einu sinni missti ég kúlið í skólanum og fór út í bíl og grét úr mér augun, á sama tíma sá ég tvær aðrar manneskjur grátandi á bílastæðinu.
tjúa | Ég tárast frekar auðveldlega, og ef ég fæ samúðarsvip brotna algjörlega niðu...
Ég tárast frekar auðveldlega, og ef ég fæ samúðarsvip brotna algjörlega niður, þannig að ég hef átt mín móment hér og þar. Í dag horfði stöðumælavörður á mig grenja fyrir utan Landakot og mér gat ekki staðið meira á sama. En mér finnst langbest að grenja í sturtu eða ofan í koddann minn ef ég er staðráðin í að láta ekkasog fylgja með.
Lallieee | Ég fer mjög oft að gráta ef ég verð fyrir sterkum hughrifum, þannig að ég gr...
Ég fer mjög oft að gráta ef ég verð fyrir sterkum hughrifum, þannig að ég græt oft yfir sjónvarpinu (stundum einhverju djúpu og sorglegu, stundum einhverju gríðarlega stúpid, stundum einhverju barnaefni jafnvel), eða þegar ég er að hlusta á fallega tónlist með barninu mínu.
Utandyra græt ég held ég bara á tónleikum og í leikhúsi (sjaldnar í bíó en það kemur fyrir). Um daginn hágrét ég í leikhúsi, var eitthvað aðeins að reyna að hafa hemil á mér þegar ég tók eftir að það voru tvær manneskjur í sætunum fyrir framan mig líka að gráta (enda eitt það áhrifamesta atriði sem ég hef séð í leikhúsi) og það varð til þess að ég gat einbeitt mér meira að leikritinu og þeim tilfinningum sem streymdu fram. Kannski væri hægt að hafa sérstakar sýningar fyrir grátgjarna, því það getur farið svo mikil orka í að reyna að hemja sig og þá missir maður af einhverju mikilvægu.
Græt eiginlega alltaf í jarðarförum, þarf ekki einu sinni að þekkja þann látna, græt bara með hinum sem eru í alvörunni að syrgja.
Ég hef minni áhyggjur af þessu sem ég eldist, fólk sem þekkir mig líka veit að það er ekkert endilega "að" þótt mér vökni um augu.
VanillaA | Inná baði helst og loka og læsi. Læt svo renna vatn svo það heyrist öruggleg...
Inná baði helst og loka og læsi. Læt svo renna vatn svo það heyrist örugglega ekkert í mér. Eða svoleiðis var ég kannski frekar, sl 2 ár á ég það til að fara að grenja bara upp úr þurru og það getur gerst á óæskilegustu stöðum. Ég er sú sem þú gætir mætt með sólgleraugun á mér í Kringlunni.
Skreamer | Grenja inní mér í strætó horfandi út um hliðarglugga, tár læðast niður kinni...
Ég læt ekki oft verða af því, en flest mín skæl í seinni tíð hafa farið fram á bringunni á kallinum mínum. Svona fyrir utan skæl sem koma við væmin myndbönd eða auglýsingar (ekki segja mér að ég hafi verið sú eina sem skældi yfir Kalla á pabba sinn-trygginga-auglýsingunni??). Þau skæl eru svo stutt og ég næ oftast að fela þau bara með því að grúfa mig ofan í tölvuna ef ég er ekki í einrúmi.
JungleDrum | Annars bara er aðalmálið að börnin sjái það ekki hjá mér.
Grenjaði síðast yfir one born every minute uk. Þar var ungt par sem missti barnið sitt 5 daga gamalt. Er að fara eignast mitt annað barn bráðlega og fann svo mikið til með þeim.
icegirl73 | Ég skældi síðast yfir Game of Thrones, lokaþættinum.
Græt eiginlega bara í bíó. Byrjaði síðast að hágráta yfir Still Alice um daginn. Grét alla myndina. Í ofurstressi og vonbrigðum hef ég grátið í sturtu.
Fiat | Mér hefur oft fundist vanta svona stað, þar sem ég get gengið inn, grenjað ú...
Mér hefur oft fundist vanta svona stað, þar sem ég get gengið inn, grenjað úr mér augun, snýtt mér og gengið svo út aftur. Það mætti gjarnan vera fólk þarna með hlýjan faðm sem spyr að engu, gefur knús og réttir snýtibréf.
svartasunna | Það vantar klárlega svona staði, èg myndi borga smá fyrir svona þjónustu, gr...
Græt yfir bíómyndum, því sem mér finnst krúttlegt, ef mér finn til með einhverjum, þá sérstaklega eldra fólki. Ég græt af kvíða stundum og á þá almennt erfitt með lífið.
Síðast grét ég yfir Toy Story 3 í gærkvöldi, var að horfa með 2ja ára frænku minni. Reyni nú samt að halda þessu heima hjá mér því það sést svo mikið á mér þegar ég græt. Augun verða rosalega rauð og bólgin og nefið ELDRAUTT.
_____________
Þjóðarblómið
* Rassgatas!!*
HvuttiLitli | Hihi, toy story 3 er líka alveg ekta mynd með fallegan og farsælan endi :)
ég er bara þannig gerð að ef það hellist yfir mig að þurfa að gráta þá fær það ekkert stoppað, hef m.a.s labbað um Bónus að tína í innkaupakerruna hágrátandi og maðurinn minn með mér alveg steinhissa á mér haha annars er hann alltaf voða góður ef ég græt, hann segir að það sé það versta sem til er að sjá mig gráta og vill þ.a.l vera að knúsast í mér þegar ég græt en ég vil helst bara fá að vera í friði og gráta þetta út jafnvel taka "ugly cry" á þetta og allann pakkann
Mukarukaka | Grenja næstum aldrei. En þegar það gerist er ég yfirleitt í aðstæðum þar sem...
Grenja næstum aldrei. En þegar það gerist er ég yfirleitt í aðstæðum þar sem það þykir nokkuð normalt eins og heima hjá mér yfir sorglegri bíómynd eða í jarðarför. Reyndar svo líka í þau fáu skipti sem ég hef rifist heiftarlega, get það víst ekki nema að hágrenja í leiðinni.
_________________________________________
Silaqui | Það er óþolandi, að þurfa endilega að grenja þegar maður rífst. Ég er svona ...
Það er óþolandi, að þurfa endilega að grenja þegar maður rífst. Ég er svona ef ég verð verulega sár og reið. Kúlið fer alveg. Sem betur fer hef ég náð að læra að vera köld og reið, alveg þangað til að ég kemst í skjól. Það var mikil framför.
Felis | Ég missi kúlið allsstaðar og við allar aðstæður. Ömurlegt.
Hef samt tekið ...
Ég missi kúlið allsstaðar og við allar aðstæður. Ömurlegt.
Hef samt tekið eftir að þetta margborgar sig þegar maður er óléttur og þarf að ræða við heilbrigðisstarfsmenn. Einhvernvegin vilja þeir lítið hlusta á mig þar til ég byrja að grenja - kannski er maður ekki trúverðugur þegar maður kvartar ógrenjandi (btw. Ég ætla aldrei að grenja)
___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White
Silaqui | Það er spurning. Ég hef fengið framan í mig af þekktum geðlækni að ég geti e...
Það er spurning. Ég hef fengið framan í mig af þekktum geðlækni að ég geti ekki verið andlega veik, liti hreinlega of vel út fyrir það. Svo grenjur eru kannski bara "eðlileg" hegðun fyrir veikar konur.
Hr Kisa | Spes að fullorðið fólk telji sig þurfa að gráta reglulega. Það er spes.
Ein heima í baði. Fullkomið. Aftast á dýnunni í jógatíma. Út í bíl. Inn á klósetti í vinnunni. Inn á klósetti eftir tíma hjá sálfræðingi Yfir Frozen. Í göngutúr þegar enginn sér.