Þessi kaka er alveg stórkostleg, ég og besta vinkona mín höfum gert hana þrisvar sinnum og hún verður bara betri og betri.

Hér er uppskriftin:

226 gr smjör
426 gr sykur
5 eggjahvítur
2 tsk vanilludropar
426 gr hveiti
4 tsk lyftiduft
1/2 tsk salt
355 ml mjólk (við stofuhita)

Kveikið á ofninum. 175 gráður.
Setjið saman hveiti, lyftiduft og salt og leggið til hliðar.
Þeytið saman smjörið og sykurinn og bætið svo eggjahvítunum smátt og smátt við.
Blandið mjólkinni og hveiti blöndunni saman.
Hrærið saman þessum tveim blöndum.
Ég skipti þessu í fjórar skálar og litaði með matarlit.
Bakað í vel smurðu formi í 10-15 min
Látið kólna alveg áður en kakan er sett saman.

Krem

4 eggjahvítur
2 tsk sykur
1/3 bolli vatn
3/4 bolli ljóst síróp
2/3 bolli sykur
1/2 tsk vanilludropar

Þeyttu eggjahvíturnar þar til þær eru orðnar léttar og ljósar.
Bættu 2 tsk sykur þeyttu þar til sykurinn sést ekki lengur.
Settu í pott vatnið, sírópið og sykurinn, hitaðu að suðu, hrærðu vel í. Ekki ofsjóða.
Helltu sírópsmixinu í eggjahvítumixið og hrærðu á litlum hraða með þeytaranum.
Þeyttu svo öllu vel saman í 5-6 min eða þar til allt er mjög fluffy og fallegt.
Hrærðu vanilludropum út í.
Við lituðum kremið bleikt með rauðum matarlit sem kom mjög vel út.
Settu það svo á kökuna þegar hún er orðin vel köld :) Og það þarf ekki að setja krem á milli hvers botns í kökunni, hún er svo klístruð að hún festist auðveldlega saman :)