Hvað er það sem gerist sem lætur okkur sumar umturnast í skapinu áður en við byrjum á túr? Ég t.d. er búin að vera svo þung andlega síðustu daga. Varla komist fram úr rúminu. Hata kallinn minn og er sko ekkert að leyna því. Krakkarnir fara extra mikið í taugarnar á mér. Fórum í fjöruferð í gær með þau og allt voða gaman hjá þeim á meðan ég íhugaði alvarlega að ganga í sjóinn. Vakna svo i dag byrjuð á túr og allt í goodý nema ég skammast mín ógeðslega hvernig ég kom fram við þau síðustu daga. Er eitthvað hægt að gera er ekki að þola 1 svona viku í mánuði næstu ár :(
Ég er nákvæmlega eins. Endilega láttu mig vita ef þú finnur lausn á þessu. Kvensinn minn hefur enginn úrræði fyrir mig og ég er ekki á neinum hormónum því að ég þoli þá svo skelfilega :(
,,That which is ideal does not exist"
gangnam | Ég er rúmlega fertug, glímdi við alvarlegt þunglyndi í um 20 ár. Mjög sveif...
Ég er rúmlega fertug, glímdi við alvarlegt þunglyndi í um 20 ár. Mjög sveiflukennt, ég sinnti alltaf minni vinnu, og oftast leið mér þokkalega og bara venjuleg móðir og eiginkona, svo komu tímabil sem voru erfið vikum saman. En, svo komu tímabil, stutt, nokkrir dagar, þar sem allt var snarbilað í hausnum hjá mér og ég var organdi þunglynd, alveg grenjandi inni í mér, vildi bara deyja, kvíði og allt. Vildi oft sálga mér þá. Reyndi einu sinni að sálga mér sem tókst ekki, en ég ætlaði ekki að lifa af. Lenti tvisvar í nokkra daga á geðdeild, var oft hjá heimilislækni, gerði manninn minn gráhærðan á þessum tímabilum. Oft uppgötvaði ég það tveim dögum eftir að ég vildi drepa mig að ég var byrjuð á blæðingum. Prófaði ýmis geðlyf, endaði á að lyf við maniu-depressivu ástandi hjálpaði mér (ég var samt aldrei í oflæti og gleði, fékk bara þunglyndið, döh). Það hjálpaði gríðarlega. Svo sendi heimilislæknirinn mig til sálfræðings, sem sendi mig heim að hvíla mig þegar ég væri sem verst, ég var útkeyrð af vinnu. Nú líður mér bara vel. Hefur liðið vel í nærri ár. Ef ég fæ smá kvíðahnút, þá minnka ég kaffidrykkju, hvíli mig, og tel dagana, hvor ég sé á leiðinni á túr. En ég verð ekki svona klikkuð af pms eins og ég varð.
Þetta er mjög alvarlegt ástand hjá þér, reyndu ýmsar leiðir. Það sem virkaði hjá mér virkar ekki endilega (og ólíklega) hjá þér. Mér var bent á það á netinu þegar ég var 22 ára (í árdaga netsins) að þetta væri alvarlegt og ég þyrfti að gera eitthvað til að fá hjálp. Ég sá ekki að til væri nein hjálp. Gerði ekki neitt í þessu. Sá ekki orsakasamhengið fyrr en löngu löngu seinna.
Endilega farðu styttri leið en ég.
Haltu áfram að leita að upplýsingum, spyrja ýmsa lækna sem þú ferð til af ýmsum ástæðum.
Ekki skammast þín (ég vildi sko ekki hafa neinn kvenmannsaumingjaskap, glerhörð, viðurkenndi það ekki, pms væri rugl ;) , sumir læknar munu rúlla augunum og hugsa "kellingavæl". Einhver gæti haft lausnina.
Ef maður fer í legnám, hverfa þá hormónin sem sveiflast til mánaðarlega? Væri frábært að sleppa við pirringinn og höfuðverkinn sem kemur einu sinni í mánuði.
Steina67 | Nei ekki alveg ef eggjastokkarnir eru ennþá
Hahaha vá hvað þetta lýsir mér og minni líðan vel (bara ekki alveg svona ýkt).
Ég sagði kallinum að horfa á þetta og hann skellihló, sagði að þetta væri alveg eins og ég :P
Það er nefnilega alveg ömurlegt að vera svona pirraður og ómögulegur og afatta ekki afhverju, allavega ekki fyrr en eftir á. Ég nefnilega man aldrei hvar ég er í tíðahringinn og átta mig því ekki á þessum pirring fyrr en eftir á, eða allavega seint. Líka ágætt að vita að maður er ekki einn í þessu. Ég er nefilega svo bara ferlega jolly (bara löt) á blæðingunum sjálfum.
--------------------------------
Snobbhænan | Þetta er glatað. Ég hef þó aldrei orðið vör við þetta hjá mér.
To the woman he said, "I will make your pains in childbearing very severe; with painful labor you will give birth to children. Your desire will be for your husband, and he will rule over you."
“When a woman has a discharge, and the discharge in her body is blood, she shall be in her menstrual impurity for seven days, and whoever touches her shall be unclean until the evening. And everything on which she lies during her menstrual impurity shall be unclean. Everything also on which she sits shall be unclean. And whoever touches her bed shall wash his clothes and bathe himself in water and be unclean until the evening. And whoever touches anything on which she sits shall wash his clothes and bathe himself in water and be unclean until the evening. Whether it is the bed or anything on which she sits, when he touches it he shall be unclean until the evening."
Leviticus 15:19-30
Kisukall | Alvöru nötter myndi nú vera með þetta á hreinu á íslensku, og myndi hafa fyr...
Alvöru nötter myndi nú vera með þetta á hreinu á íslensku, og myndi hafa fyrir því að finna biblíukvótin þannig frekar en að gúggla eitthvað eins og "bible menstruation". Þú ert bara lélegt tröll.
icegirl73 | Oh veit návæmlega hvernig þér líður. Það er spurning um að tala við kvensa u...
Oh veit návæmlega hvernig þér líður. Það er spurning um að tala við kvensa um þetta en eins og Louise segir þá er ekki víst að það dugi. Ég reyni að taka smá Pollyönnu á þetta og reyna að vera jákvæð og anda djúpt þegar ég finn pirringinn ná tökum á mér. Dugar þó ekki alltaf. Gangi þér vel.
Strákamamma á Norðurlandi
Galieve | Ég er skapvond áður en ég byrja en þetta hljómar virkilega slæmt hjá þér. He...
Ég er svona líka. Verð hryllilega lítil í mér og döpur. Grenja útaf öllum andskotanum. Ég höndla ekki hormóna getnaðarvarnir þannig yfirleitt reyni ég að vera extra mikið á varðbergi svona viku fyrir blæðingar og segja sjálfri mér að þetta sé vegna blæðinganna en ekki vegna þess að allir eru vondir/fávitar.
musamamma | Flest öll mín rifrildi hafa átt sér stað daginn áður en ég byrja á túr.
Er svona lika... Annað hvort hundleiðinleg og pirruð eða grenjandi. Ég fæ rosalegan höfuðverk nokkrum dögum áður en ég byrja sem eykur enn á geðvonskuna. Þetta er ömurlegt... Einmitt buin að eyða þremur dögum af sumarfríinu mínu í svona geðvonsku.
lagatil | Sorry en èg er í hlàturkasti.
Íhugaðir alvarlega að ganga í sjóinn =d
Ég hef aldrei fundið fyrir þessu hjá sjálfri mér og enginn kvartað yfir því heldur, og þetta er ekki neitt sem vinkonur mínar kvarta um. Svo ég veit ekki.
Ég var svona á þrítugsaldrinum og rétt eftir þrítugt, alveg snar í skapinu bara nokkra daga í mánuði en man oh man hvað þeir dagar voru erfiðir! Svo lagaðist þetta bara, allt í einu og ég bara tók ekki einu sinni eftir því. Ég er að detta í fertugt í dag og verð alltaf viðkvæm og aum stuttu fyrir blæðingar, þráðurinn aðeins styttri en ekkert eins og það var. Ég verð dán og grátgjörn en það er auðveldara að lifa með þessu.
Lakkrisbiti | Ég verð svona sirka einu sinni til tvisvar á ári og þá í um það bil 3 vikur....
Ég verð svona sirka einu sinni til tvisvar á ári og þá í um það bil 3 vikur. Það fer allt í taugarnar á mér og ég verð hryllilega pirruð og svo búið. Ég fatta ekkert alltaf að þetta sé ástæðan fyrir því að ég verð svona pirruð. Fyrir um það bil tveim árum þá var ég í hópaverkefni í skólanum og stelpurnar sem voru með mér voru að fíflast og grínast bara eins og venjulega í fb skilaboðum og voru að skella inn hugmyndum fyrir verkefnið þó að við værum eiginlega búnar að ákveða hvað við ætluðum að gera og ég snappaði á þær á spjallinu og sagði að við værum búnar að ákveða hvað við ætluðum að gera og ég nennti ekki að fá fleiri skilaboð með hugmyndum (ok ekki alveg svona hart en næstum því). Byrjaði svo á blæðingum tveim vikum seinna og áttaði mig þá á því hvað hafði verið í gangi og bað þær afsökunar næst þegar ég hitti þær. Það er ömurlegt að finna fyrir þessum óskiljanlega pirring hvort sem það er einu sinni í´mánuði eða einu sinni til tvisvar á ári.
Fæ líka óstjórnlega sælgætislöngun jafn oft en ekki á sama tíma og fatta aldrei hvað málið sé fyrr en ég byrja á túr!
Ég er alveg eins. Nokkrum dögum áður en ég byrja á túr þá fer ég að vera pirruð út í alla, og yfirleitt geri ég eitthvað sem ég sé eftir, rífst við fólk, og ég hef lent í slagsmálum líka, og ég sé alltaf eftir því. Ég er farin að passa mig, þegar ég finn pirringinn koma þá reyni ég að halda aftur af mér þangað til ég byrja á túr. Svo er eitt nýbyrjað hjá mér og það er svakalegur höfuðverkur ca daginn áður. Ég vona að það sé hægt að finna lyf við þessu.
Ég var einu sinni alltaf þunglynd einu sinni í mánuði en eftir að ég byrjaði á þunglyndislyfjum að þá hvarf það.