Alveg lost! Leki eða mygla hjá "féló"

OG eitt enn

Hefur einhver reynslu af lofthreinsitækjum í sambandi við svona vesen. Er tilbúin til að reyna ýmislegt til að bæta heilsu húsfólks

Ég held sé ekkert að ljúga að því að lofthreinsitæki gerir ekkert gagn ef þetta er mygla, en annars gaman að heyra frá fleirum hér varðandi myglu?

Já vil endilega heyra frá einhverjum sem er með lofthreinsitæki, hvort heilsa hjá húsfólki hafi batnað við það... hvort sem það sé útaf myglu eða hreinlega bara ryki og þess háttar.

Ég held þú hafir bara þokkalegan rétt, hafðu samband við féló og þeir eiga að athuga þetta og lagfæra þér að kostnaðarlausu, en gæti tekið tíma :(

Og já ég "Held" ehm,,ps veit grein ekki rass... ;)

Hafðu strax samband við Félagsbústaði og ýttu á eftir þeim.
Nr 1, 2 og 3 er að koma í veg fyrir lekann, svo þarf að fjarlægja og skipta um allt rakaskemmt efni. 

Er búin að hafa samband. Þeir benda á húsfélagið. Skil að húsfélagið eigi að koma að leka, en koma þeir að viðgerðum innanhúss?

Þeir eiga húsnæðið en ekki þú, mundi halda að þeir ættu að tala við húsfélagið og láta ganga í verkið og eins innanhúss, þá eiga þeir að fá iðnaðarmenn til að laga þetta.. þú ert bara leigjandi og átt ekki að standa í að redda viðgerðunum.. eins mundi ég heimta að yrði ath strax með myglu og hvort íbúðin er íbúðarhæf þá.. vertu hörð við þá að ganga í þetta strax !!!

Já ég þarf að vera harðari við þá. Er ansi hrædd um að þetta eigi eftir að taka heillangan tíma og vesen...

Já svo sannarlega, þú ert leigjandi hjá féló og þeir eiga að sjá um þetta punktur. Og á ekki að vera vesen, en því miður gæti annað verið með tímann, hann gæti verið langur :(  En svo spyr ég ef þetta er bara ein íbúð sem er svona, hvað kemur það húsfélaginu við?

Leki í íbúð í fjölbýlishúsi kemur einhversstaðar inn - það er ekki nóg að sparsla upp í sprungur inn í íbúðinni, það þarf að komast fyrir lekann sem t.d. að öllum líkindum kemur utan frá og inn - ef þak, veggir eða gluggar leka varðar það húsfélagið.

Já það er rétt hjá tóin, leki kemur oftast (ekki alltaf) utan frá og þá er það byggingin sjálf sem þarf viðhald.

láttu meta strax hvort íbúðin er íbúðarhæf, ss hvort er td mygla.. þú átt ekki að vera borga leigu í óíbúðarhæfu húsnæði.. 

Já þú meinar .. já ath þetta takk

hún á ekki að búa í óíbúðarhæfu húsnæði

Sé að þetta er gamall þráður. Vonandi komust þið úr þessari íbúð en það virðast vera mýmörg dæmi um að mygla sé í félagslegum íbúðum. Þeir sem hafa fengið úthlutað íbúð í gegnum félagslega kerfið eru eðlilega ekki með sterkt fjárhagslegt bakland og því erfitt að berjast við kerfið eða hreinlega fara úr íbúðinni. Maður hefur á tilfinningunni að þarna nýti eigendur húsnæðanna sér aðstæður og hafi óíbúðarhæf húsnæði í boði án þess að fara í þær aðgerðir sem þarf til þess að laga.
Þú ert að lýsa miklum viðbrögðum við myglu. Það kostar mjög mikið að fá fagaðila til þess að meta myglu en þeir mæta og mæla raka (sem er oft augljóst ef maður skoðar t.d. bólgna málningu, morkna gólflista og þess háttar). Þeir taka líka sýni en það er hægt að gera það sjálf/ur líka.

Það besta fyrir einstaklinga er að taka sjálf sýni, ca. 1,5-2 cm í þvermál, setja í hreinan lítinn plastpoka og senda með pósti á Umhverfisstofnun. Hvert sýni kostar í dag 12.000. Eftir 3-4 vikur fær maður skýrslu yfir þá sveppi sem eru til staðar (ef e-ir eru) og þá hvaða tegundir eru heisluspillandi. Ég hef nýtt mér þessa þjónustu tvisvar. Mjög fagleg vinnubrögð og gerlegt fyrir einstakling að borga sjálf/ur.

Maður á ekki að láta hræðslu um að "skemma" vegg, gólflista eða parket til þess að ná sýni. Betra að horfa á heildarmyndina en ef mygla finnst þarf hvort sem er að gera mjög miklar endurbætur. Að sparsla og mála yfir er EKKI nóg. Ef engin mygla finnst er þá hægt að sparsla og mála yfir litla blettinn sem var tekin í sýni.

Er ekki frekar að einstaklingar sem eiga íbúðir með myglu hafi ekki sterkt bakland ? Þurfi sjálfir að kosta endurbætur ?
Ef íbúð í eigu okkar bæjarfélaga er eitthvað ábótavant þá er bara hvart og reikningurinn sendur okkur almenningi :)
Hversvegna ertu að snúa hlutunum á hvolf ?

á íbúð í blokk þarsem að félagsbústaðir eiga aðra íbúð, það kom upp leki þarsem það lak af efstu hæð niðurí gegnum vegg hjá mér og niðrá hæðina fyrir neðan

viðbrögð félagsbústaða voru til fyrirmyndar, það mætti verkfræðingur frá þeim nánast samdægurs og rakamældi veggi og hjálpaði til við að finna út hvar lekinn átti líklegast uppruna sinn, ég opnaði vegginn samdægurs og gerði við til bráðabirgða og félagsbústaðir sendu pípara sem gerði við þetta mér að kostnaðarlausu ásamt því að þeir tóku íbúðina fyrir neðan í gegn þ.e. rifu út innréttingar, þurrkuðu veggi, spörstluðu, máluðu og lögðu ný gólfefni