ART glasa

Þú byrjar á 21. degi tíðahringsins svo það er háð því hvar þú ert í hringnum hvenær þú byrjar. Það var fullt í næsta hring svo ég beið í einn hring. Ég mæli með því að byrja strax að taka vítamín (fjölvítamín og stærri skammta af C, E og D) og melatónín 3mg. Best er að vera búin að taka þetta inn sem og að taka út áfengi 3 mánuði fyrir eggheimtu - og aftur þetta á við um báða aðila. Gangi ykkur vel :)

Takk =)  við erum einmitt komin í vítamín pakkan og áfengi farið ásamt koffíni. Ég reyndar á bara 5mg melatónin helduru að það sé í lagi? 

Ég veit það ekki - þær rannsóknir sem ég skoðaði snéru að 3 mg svo ég þorði ekki annað en að taka það.

Svo held ég að kaffið sé reyndar í lagi! En aftur - gangi ykkur vel og munið bara að hlúa að hvort öðru. Við fórum í eina smásjár sem virkaði en við misstum því miður. Fórum í kjölfarið í tvær uppsetningar á frystum og ég er ólétt núna og komin 11 vikur á morgun :)

Tækniferlið er styttra en glasa. Það hefst bara á 1 dth og þú getur þessvegna ákveðið á fyrsta degi hringsins að þú viljir fara í tækni ef læknirinn er búinn að gefa grænt ljós á það. Ég ætlaði að bíða fram í janúar í fyrra en gafst svo upp í nóvember og hringdi á fyrsta degi, kom í skoðun og byrjaði að sprauta mig samdægurs. Fór svo í uppsetninguna um 10 dögum seinna ca. Í fyrstu meðferð þarf venjulega að koma í skoðanir annan hvern dag á milli 8 og 9:30 (minnir mig) þar til eggin eru tilbúin og þá færðu egglossprautu sem þú notar og þér er sagt hvenær þú átt að koma í uppsetningu og þá maðurinn þinn með sæði líka.

Takk æðislega, kallinn var sendur aftur í sæðistékk núna til að sjá hvort hreyfanleiki sé ekki öruglega fínn fyrir tækni/glasa því Snorri fann ekki gömlu niðurstöðurnar hans. En Snorri sagði að eftir 4 mánuði á femara og 16 mánuði þar á undan í venjulegu reyneríi þá værum við komin á það stig að við gætum farið að hugsa um framhaldið þó svo að maður haldi alltaf í vonina að þetta gerist að sjálfum sér þá deyr sú von út eftir svona langan tíma. 
Ég er samt mjög ánægð að heyra að þetta taki ekki mjög langan tíma ég var mest að velta því fyrir mér hvort það væri fráleitt ef við myndum byrja í janúar að uppsetningin gæti verið fyrir næsta sumar =)

Með glasa, þá fer það eftir lengd biðlista. Undanfarið hefur ekki verið langur biðlisti og því hægt að fara í meðferðina ca 2-3 mánuðum eftir að hafa tekið ákvörðun. Meðferðin sjálf getur svo tekið svona 6-8 vikur, frá því að kona byrjar í bælingu og þar til frjóvgaður fósturvísir er settur upp.