Ekki átt þú góða uppskrift af Sörum?? Langar svo að gera Sörur og ég próðfaði að googla það og fékk nokkrar uppskriftir en engin er eins... Svo ef þú átt góða uppskrift myndiru vilja deila henni.. ;)
Kammó | Mér finnst uppskriftin í Kökubók Hagkaup langbest.
Þeyta rauðurnar vel og hella sýropinu varlega út í, þá smjöri og þeytt á meðan. Að síðustu er kakói og neskaffi bætt út í og hrært vel saman. Kreminu er svo smurt á sléttu hliðina á kökunum. Kælt. Þá er bræddu súkkulaði smurt yfir kremið. Það þarf u.þ.b. 150 g af súkkulaði til að hylja kökurnar.
Það er ekkert mál að gera þetta ef þú hefur pláss í frystinum til að kæka kökurnar með kreminu og henda svo aftur inn í frystirinn meðan súkkulaðið er að storkna.
Sörur Mun þægilegra er að eiga við þessa uppskrift af sörum að því leyti að notað er hjúpsúkkulaði.
Hráefni: 200 gr fínt malaðar möndlur 3 ¼ dl flórsykur, sigtaður 3 eggjahvítur (eggin geymd við stofuhita ca. 1,5 klst) 1. Búið til blöndu úr möndlunum og sykrinum. 2. Stífþeytið Eggjahvíturnar. 3. Blandið eggjahvítum og möndlumixi varlega saman. 4. Deigið sett með teskeið eða sprautu með breiðum stút á bökunarpappír og breitt þunnt út. 5. Bakið við 180°C á blæstri í 10 mínútur og látið svo kólna.
Smjörkrem: 3 eggjarauður ¾ dl sýróp (eða ¾ dl sykur soðið saman við vatn) 150 gr smjör –Mjúkt en ekki bráðið. 1 msk kakó 1 tsk sterkt kaffi(Sterk blanda af skyndikaffi í köldu vatni) –Má sleppa. u.þ.b 250 gr hjúpsúkkulaði (t.d. Ópal hjúpsúkkulaði) 1. Þeytið eggjarauðurnar þar til þær eru kremgular og þykkar og hellið þá sýrópinu í mjórri bunu út í og þeytið á meðan.
2. Hrærið smjörið í höndum þar til það verður mjúkt, bætið smátt og smátt út í hræruna og þeytið það til allir kekkir hverfa. 3. Kakó og kaffi er þá sett út í, þeytt saman og kremið er tilbúið.
4. Kremið látið kólna vel í ísskáp. Ef það skilur sig, þá þarf að þeyta það lengur.
5. Bræðið hjúpsúkkulaði yfir vatnsbaði. 6. Setjið þykkt lag af köldu smjörkreminu neðan á kökurnar (smyrja eða nota sprautupoka) og dýfið kremhliðinni í bráðið hjúpsúkkulaðið. Ef hræran lekur til, þá er gott að kæla hana betur áður en súkkulaðið er sett á. 7. Látið kólna.
Hedwig | Það er líka alveg hægt að nota hjúpsúkkalaði með öðrum uppskriftum :S, sem s...
Það er líka alveg hægt að nota hjúpsúkkalaði með öðrum uppskriftum :S, sem sé eina sem er annað í þessari en í öðrum er síðasta skrefið sem er það langauðveldasta í þessu öllu, sem sé ekki erfitt að skella bráðnu súkkulaði á sörurnar haha :P. Þannig að ég skil ekki að þessi sé svona mikið auðveldari þegar auðveldasta skrefið er gert kannski aðeins auðveldara með hjúpsúkkulaði. Notaði sjálf suðusúkkulaði og það bara heppnaðist mjög vel og ekkert vesen.
zunlolly | Ég er mjög ánægð fyrir þína hönd að þér gangi vel með að setja súkkulaðið á ...
Ég er mjög ánægð fyrir þína hönd að þér gangi vel með að setja súkkulaðið á sörurnar. Mér fannst þetta þæginleg og fljótleg aðferð og því tók ég það fram í uppskriftinni.
Önnur skref eru jú einnig gerð auðveldari, t.d. með því að nota síróp og skyndikaffi og sprautupoka. Ég er líka fullmeðvituð um að hægt er að nota hjúpsúkkulaði í aðrar uppskriftir, en þakka þér fyrir upplýsingarnar.