Stelpan mín verður 4 ára í haust og það er endalaust pissuvesen, hún bara fæst ekki til að fara á klósettið krakkinn og hún þarf stundum að skipta þrisvar á dag. Við erum búin að prófa límmiða, það virkar ekki neitt en ég hrósa henni samt alltaf þegar hún fer. Reyndar höfum við getað notað það á hana hingað til að þykjast vera að hlaupa á undan henni, þá hefur hún farið en nú er það líka hætt að virka.
Hún segir bara nei og brjálast ef ég tek hana upp og set hana á klósettið. Svo eru voða mikil hortugheit í henni líka en það er efni í aðra umræðu. Ég er alveg að gefast upp á þessu veseni og er skapi næst að skella bara bleiunni á aftur (ætla þó ekkert að gera það).
Hafið þið einhver góð ráð eða gerist þetta bara allt í einu einn daginn? Ég er reyndar ekki búin að fara með hana til læknis en mér finnst ólíklegt að hún sé með blöðrubólgu, hún ætti þá að finna eitthvað til.
_________________________
"It takes two to lie, one to lie and one to listen"
- Homer Simpson
notandi19 | Man eftir að þegar ég vann á leikskóla var barn með svona vesen. Þá var efti...
Man eftir að þegar ég vann á leikskóla var barn með svona vesen. Þá var eftir margar tilraunir gripið til þess ráðs að búa til sögu um stelpu sem líktist mjög þeirri sem átti við vandamálið að stríða. Sögurnar fjölluðu allar um klósettferðir á jákvæðan hátt og þannig voru skapaðar jákvæðar umræður um klósettferðirnar.
Þetta virkaði a.m.k. á það barn. :-)
eb84 | en að kaupa einhverja setu á klósettið eitthvað sem henni myndi kannski finn...
Sniðugt að nota félagshæfnissögur, getur örugglega fengið leikskólakennarann hennar til að hjálpa þér að útbúa svoleiðis. Það er alltaf gott að fara til læknis til að útiloka að um líkamlegan kvilla sé að ræða, það getur verið svo slæmt að reyna að vinna með eitthvað sem barnið ræður kannski ekki við. Það þarf að passa að klósettferðir séu jákvæðar og að viðbrögðin verði ekki harkaleg þegar barnið pissar í sig, bara taka hana þrífa henni og segja ,,gengur betur næst ". Þannig er mun betra að fá barnið með sér í samstarf. Þú getur prófað að stilla tímann (hægt að kaupa tímaklukkur, þar sem tíminn er mjög sýnilegur eða nota niðurteljara á síma) og þegar klukkan hringir á að fara á klósettið, passa að bjóða aldrei upp á val með því að segja ,, viltu fara á klósettið". Límmiðakerfi getur virkað vel en þá þarf umbunin að vera fyrir eitthvað sem hún ræður vel við og vera oft í byrjun. Til dæmis gætir þú byrjað á að gefa henni límmiða fyrir það að setjast á klósettið, án þess að það komi endilega piss í klósettið. Stundum þarf að byrja að umbuna fyrir það eitt að fara inn á klósett. Smátt og smátt er síðan gott að auka kröfurnar en samt passa að umbun eigi sér stað nánst í hvert sikipti þ.e að auka ekki kröfurnar þannig að barnið fái sjaldnar umbun.
Annars gæti verið gott að ræða við leikskólakennarana í leikskólanum þær þekkja barnið vel og kunna örugglega einhver góð ráð :) gangi ykkur vel
Upseydaisey | Kíktu á síðuna : https://www.facebook.com/upsyday.night
Þegar ég var lítil sá ég þegar mamma mín var að kenna bróðir mínum að pissa í klósettið. Hún sagði honum að hann mætti horfa á uppáhalds teiknimyndina sína og fá ís ef hann pissaði í klósettið og það virkaði. Hann var ekkert smá ánægður með sig vildi endilega hringja í pabba sinn sem var í vinnuni.
chichirivichi | Hefur þetta verið svona frá því hún hætti með bleyju? Ég myndi kíkja með han...
Hefur þetta verið svona frá því hún hætti með bleyju? Ég myndi kíkja með hana til læknis. Svona pissuvesen getur gerst vegna hægðatregðu og hún gæti verið með hægðatregðu þó þú vitir ekki af því. Þá þrýstir ristillinn á þvagblöðruna og minnkar tilfinninguna sem þessi krakkar hafa fyrir því hvenær þeim sé mál.
