Ég las bók í grunnskóla sem mér þótti bilaðslega skemmtileg og ég held að litli frændi minn sem er 8 ára hefði líka gaman að. Ég man hins vegar ekki hvað bókin heitir, og langaði að heyra hvort þið könnuðust eitthvað við það sem ég man - og gætuð aðstoðað með að finna hana aftur.

Bókin fjallaði um einhvers konar ráðgátu eða afbrot sem lesandinn þarf að leysa. Kaflarnir voru svona fram og til baka í bókinni og eftir hvern kafla kom spurning með nokkrum valmöguleikum og allt eftir hvað maður valdi þurfti maður að fletta upp blaðsíðutali þar sem annað hvort stóð "Rangt svar, reyndu aftur" eða ef svarið var rétt, kom maður að næsta kafla og gat haldið áfram að lesa.

Mig minnir að bókinni hafi verið skipt upp í helming, þar sem maður á tímapunkti þurfti að hvolfa bókinni til að lesa áfram. Forsíðan var annars vegar blá fyrir einn helminginn og græn fyrir hinn helminginn. Ath. það gæti verið að þetta sé einhver allt önnur bók sem ég er að lýsa hér, en ég er nokkuð viss um að það sé sú sama.

Ég las bókina sennilega á árunum 2005-7 og þá virkaði hún svolítið gömul, svo mig grunar að hún hafi verið gefin út í byrjun 20. aldarinnar. Ég er nokkuð viss um að bókin hafi verið eftir erlendan höfund og þýdd yfir á íslensku.

Vona að einhver hér geti hjálpað

Bkv. Ragnheiður