Ef þið hafið velt því mikið fyrir ykkur hvers vegna tímaritum er að fækka á biðstofum þá eru fyrir því mjög góðar ástæður. ÉG hálaunuð manneskjan var sett í það ótrúlega hlutverk að spritta öll tímaritin á biðstofunni í tvo mánuði eftir að umræða frá mér á Bland komst í hámæli og ákveðinn notandi hérna ákvað að misnota sambönd sín til að ná sér niður á mér. Það er auðvitað ekki að sökum að spyrja með það að ég tók mig til eftir tvo mánuði og kvartaði við yfirmann yfirmannsins yfir því að dýrmætur starfskraftur eins og ég gengi um alla daga í sprittvímu með sinaskeiðabólgu og bláa fingur eftir smokkhanskana sem gáfust upp á limminu og leystust upp í spíranum.
Ég spurði þennan háttvirðuga einstakling að því hvað í ósköpunum það ætti að fyrirstilla að halda úti þessari smithættu á biðstofum landsins, að eyða dýrmætum tíma heilbrigðisstarfsmanna í að spritta hvert einasta tímarit á hverjum degi. Að sjálfsögðu var tekið mark á því sem ég sagði enda er ég vel menntaður einstaklingur með hærri greindarvísitölu en flestir samstarfsmennirnir til samans ef frá er dreginn þessi indverski. Indverskt hástéttarfólk er eins og þið vitið hávirðulegt, vel gefið og vel menntað. Hann lofaði mér því að framvegis yrðu ekki keypt fleiri tímarit, þarna þarf að spara eins og annars staðar.
Ef þið sjáið tímarit á biðstofum verið viss um að það eru samantekin ráð til að fjölga heimsóknum ég get svarið það. Ég hef skoðað þessi tímarit undir smásjá í æfingarskyni og þetta er krökkt af bakteríum og saurgerlum.
Ég vil svo þakka þeim sem tóku hlutina aðeins of alvarlega og klöguðu mig til yfirmanna, vil láta ykkur vita að þeir hlóu sig máttlausa yfir þessari dellu en bara svo þið vitið það þá er þetta ástæðan fyrir því að á mörgum heilbrigðisstofnunum er ekki lengur hægt að komast á Bland. Við skulum vona að sumir *blikk blikk* verði ekki lagðir inn vegna offituvandamála á næstunni og standi sig í eftirmeðferðinni því að ef þeir koma inn aftur þá verða þeir í Bland banni allan tímann.
Við höfum reyndar verið að grínast með það skurðstofudömurnar að ef einhver virðist ætla að flatlæna þá sé hægt að lána honum Ipad með Bland í, það er fljótleg leið til að hækka blóðþrýstinginn.
þú verður að segja mér hvernig þú ferð að því að spritta tímaritin. Ég þyrfti nauðsynlega að gera þetta heima hjá mér, sérstaklega þau sem eru notuð til afþreyingar á klósettinu.