Ég er að gera þetta sett og er að klára buxurnar en mér finnst uppskriftin e-ð skrítin þegar kemur að partinum þar sem maður skiptir í fram og bakstykki. Er s.s. búin með bakstykkið en mér finnst eins og það sé of lítið miðað við hvernig maður á svo að prjóna framstykkið. Maður á s.s. að prjóna 2 cm frá gatamynstri (sem er svona fyrir band) og svo á að byrja að fella af fyrir handveg á bakstykki. Þegar handvegur mælist 5 cm þá á að fella af fyrir hálsmáli og prjóna svo "böndin" þar til handvegur mælist 8 cm.
Svo þegar maður byrjar á framstykki er sagt að maður eigi að fella af fyrir handveg eins og á bakstykki en þegar framstyki mælist 5 cm styttra en bakstykki eigi að fella af fyrir hálsmáli.... En þá er eiginlega eins og maður eigi bara að fella strax af fyrir hálsmáli og það bara stemmir ekki.. því þá eru buxurnar mjög undarlegar og berustykkið mjög lítið og ekkert pláss fyrir blómin sem maður á að sauma á það ;P
Þannig að ef einhver hefur gert þetta og sér hvort að ég sé að misskilja e-ð eða veit hvort að það sé villa má hann eeendilega láta mig vita.
~~~~~~~~~~~~~~~~~~~~~~~~~~~~~~~~~~~
Mehh
gáttari | þessar buxur eru væntanlega smekkbuxur sem koma alveg í hálsinn að aftan en a...
Já ég veit... en ég hefði bara haldið að bakstykkið ætti þá að vera hærra upp áður en úrtakan fyrir hálsmálið er gert. Því ef þetta er gert eins og ég skil uppskriftina þá er bakstykkið upp á hálsmáli bara 7 cm og framstykkið 2 cm sem gengur ekki upp...
S.s. á bakstykkinu er ég búin með 2 cm þegar ég byrja á úrtökum fyrir handveg. ÞEgar úrtökur fyrir handveg eru búnar er ég nánst komin með 5 cm frá handveginum (s.s. 7 cm frá mynstrinu)
Svo á framstykkinu á ég að byrja að fella af fyrir hálsmáli þegar framstykkið mælist 5 cm styttra en þá er það bara 2 cm... og ég ekki einu sinni byrjuð á úrtökunni?
Ég er kannski að misskilja þetta illa en sé ekki hvað ég er þá að misskilja.
Ég skal bara skrifa hérna eins og þetta er í blaðinu
" Bakstykki; Prjónið sléttprjón fram og til baka og fellið af vegna handvega í hvorri hlið í byrjun umf (2,2,1,1)=48 lykkjur á prjón. Prjónið áfram án affellinga þar til handvegur mælist 5 cm. Fellið af vegna hálsmáls 18 l fyrir miðju bakstykki. Prjónið hvora hlið fyrir sig og fellið af hálsmálsmegin í byrjun umf. 3x2 l = 9 l á prjón. Prjónið þar til handvegur mælist 8 cm og fellið af.
Framstykki; Fellið af vegna handvega eins og á bakstykki, en þegar framstykki er 5 cm styttra en bakstykkið er felt af vegna hálsmáls 10 l fyrir miðju framstykki. Prjóið hvora hlið fyrir sig og fellið af hálsmálsmegin í byrjun umf. (4,2,2,1,1)l Fellið allar L af þegar framstykki er jafnhátt bakstykki.
Eina sem mér dettur í hug er að ég eigi að mæla frá toppnum á axlarbandinu, þá get ég bætt cm við framstykkið en það er samt frekar stutt miðað við að maður á að getað saumað blóm í það... og þetta virkar allt miklu minna en á myndinni þó það sé líklega stærðin fyrir ofan (en það munar mjög litlu á stærðunum, 1 cm á hæðina) :/
~~~~~~~~~~~~~~~~~~~~~~~~~~~~~~~~~~~
Mehh
Grísabirna | Mikið er þetta fallegt sett :) Í hvaða blaði er það? eða áttu uppskrift? Vær...
Hæ þetta er í blaðinu sem að hún linkaði á hún hipster. En það er villa í þýðingunni allavega (nema það sé búið að leiðrétta). Ég fór í búðina og spurði þær útí þetta sem ég spurði um hérna að ofan og þetta var ekki misskilningur hjá mér. En ég bara bætti við þetta og það virkaði. :)
~~~~~~~~~~~~~~~~~~~~~~~~~~~~~~~~~~~
Mehh
magzterinn | Og já hér er mynd af loka útkomunni hjá mér, ég sleppti gatamynstrinu á ermu...