Ég þurfti að fara á blaðsíðu 27... já ég endurtek, blaðsíðu 27 til þess að finna þennan þráð sem ég stofnaði bara í gærkvöldi.
Hvers vegna er það bara samþykkt að leyfa þessum aðilum að eyðileggja umræðuna hérna? Ef kóðinn býður ekki upp á að eyða út þráðum þá verður bara að breyta kóðanum.
er virkilega enginn sem vinnur hjá þessum bögglaða vef með metnað í að laga þetta. Eg var í vefbransanum og þá var svona óskapnaður kvaddur niður STRAX
Geiri85 | Greinilega ekki. Mjög furðulegt maður hefði haldið að svona vefur hefði að m...
Það er bara fínt að stoppa umræðuna hérna smá. Spjallsvæði sem hægt er að spjalla nafnlaust eru barn síns tíma. Enda leyfir fólk sér almennt miklu meiri dónaskap undir nafnleynd :)
Geiri85 | Tjah já það er eflaust rétt en líka hægt að segja að fólk bara leyfir sér fr...
Tjah já það er eflaust rétt en líka hægt að segja að fólk bara leyfir sér frekar að segja hvað því raunverulega finnst þegar það þarf ekki að spá í einhverri ímynd. Við búum líka á tímum þar sem það er virkilega farið á eftir fólki fyrir að hafa "rangar skoðanir" og jafnvel reynt að eyðileggja líf þess og frama. Og nei ekki bara einhver einn og einn einstaklingur sem stundar það það eru heilu samvinnuhóparnir sem stunda þetta að fara á eftir einhverju skotmarki. Reyndar finnst mér samt að sem flestir eigi að þora að tjá sig undir nafni en samt mjög skiljanlegt að einhverjir vilji gera það undir nafnleynd.
Yggdrasil91 | Það besta sem við getum gert fyrir heilsuna okkar er að tjá okkur og vera sk...
Það besta sem við getum gert fyrir heilsuna okkar er að tjá okkur og vera skítsama þó einhver sé ósammála sér. Vandamálið er bæði það að við erum of grimm hvort við annað og við erum líka of gjörn á að taka allri gagnrýni sjálf eins og persónulegri árás. Það þekkjum við vel sem höfum staðið í baráttu fyrir minnihlutahópa að fá ómálefnalega gagnrýni sem við þurfum að svara málefnalega og taka það ekki inn á okkur. Ef við óskum nafnleyndar til að tjá okkur, þá erum við um leið að hefta leið okkar að betra sjálfstrausti. Sem krakki og unglingur var ég sjálfur feiminn og sjálfstraustslaus. Ég notaði MSN mikið sem búbblu til að vera ég en fela andlitið. Fyrir vikið þróaði ég með mér sjálfstraust til netsamskipta en það varð engin yfirfærsla yfir á hefðbundin mannleg samskipti því ég var ekki að þjálfa þá hlið. Þannig við skulum fara að þróa með okkur hæfni til að þora að vera algjörlega við sjálf og opinbera okkur. Þeir sem eru á móti okkur fyrir það er hvort eð er ekki fólk sem þú vilt umkringja þig. Fyrir vikið muntu umkringja þig fólki sem líkar við þig eins og þú ert.
Geiri85 | Þannig að nafnlaust er í lagi þegar það hentar þér en þegar þú persónulega e...
Þannig að nafnlaust er í lagi þegar það hentar þér en þegar þú persónulega ert kominn á þann stað að þurfa ekki lengur á því að halda þá er það orðið úrelt og óþarfi? Er þetta ekki pínu sjálfhverfa hjá þér?
Og sorry en það sem fjölmenningarsinnar fá yfir sig í umræðunni er ekki neitt miðað við það fólk á hinni hliðinni fær. Fólk er hægri vinstri ásakð um rasisma sem er líklega það versta sem hægt er að kalla manneskju á eftir barnaníðingi.
Yggdrasil91 | Ég skil ekki hvað þú ert að fara um mig. Þessi orðræða snýst ekki um mig, ég...
Ég skil ekki hvað þú ert að fara um mig. Þessi orðræða snýst ekki um mig, ég tók bara dæmi úr mínu einkalífi. Ef að nafnlaust spjall hefði ekki verið til hefði ég neyðst til að láta á mannleg samskipti reyna. Grasið er grænna þar sem við vökvum það.
Mér finnst nafnlaus spjöll vera barn síns tíma. Ekki það, það truflar mig í sjálfu sér ekkert að svoleiðis sé til. Maður hefur bara séð að spjöll sem krefjast nafnleysis eru ómálefnalegustu spjallborð landsins því fólk leyfir sér að skjóta alls kyns drullu, trolla eins og vitleysingar ef þeir eiga færi á að vera í skjóli nafnleyndar. Sama með Facebook, þeir aðgangar sem eru fake eru alla jafna ómálefnalegustu commentarar þar inni því þeir eru að sýna sinn innri mann en þora því bara ekki undir nafni.
Ef þú ert kallaður rasisti, þá skaltu skoða hvort eitthvað sé til í því. Ef þú ert ekki sammála því, þá heldurðu bara áfram að feta þína braut og það besta sem þú getur gert er að vera slétt sama um almenningsálitið, þetta er ekki fólk sem er þess virði að eyða orkunni sinni í.
Geiri85 | Það er nóg að vera pínu íhaldssamur í innflytjendastefnum, þar að segja ekki...
Það er nóg að vera pínu íhaldssamur í innflytjendastefnum, þar að segja ekki vilja heilu skipsfarmana af fólki ár eftir ár, til þess að vera kallaður rasisti af mestu fjölmenningarsinnunum. Ég get lofað þér því að fyrir hvern sem er raunverulega rasisti og fær þennan stimpil á sig að þá eru að minnsta kosti 10 sem eru það ekki en fá hann samt.
Málið er að vinstrið er mikið í því þessa dagana að nota sterk orð sem stjórnunartól. Gerðu eins og ég segi annars ertu óvinurinn og við förum á eftir þér. Þetta eru miklir alræðishyggjutendensar sem hafa náttúrulega oft poppað upp í mannkynssögunni (líka hjá hægrimönnum, en þessa dagana er það aðallega hjá vinstranu).
Yggdrasil91 | Og já, gleymdi einu, skoðaðu t.d. það sem Tara Margrét fær bara fyrir að þor...
Og já, gleymdi einu, skoðaðu t.d. það sem Tara Margrét fær bara fyrir að þora að opna á sér munninn. Þá sérðu að það er ekkert lítið sem sumir einstaklingar sem berjast fyrir jaðarsettum hópum fá í andlitið.
Geiri85 | Tara Margrét fær flóð af gagnrýni yfir sig vegna þess að hún er með lélegan ...
Tara Margrét fær flóð af gagnrýni yfir sig vegna þess að hún er með lélegan málstað og já hún er svo hluti alræðishyggjuvæng vinstrisins sem heimtar "félagslegt réttlæti" og stillir fólki upp í tvo hópa við og hinir. Hún er þarna í góðum félagsskap með vinkonum sínum Freyju og Hildi.
Hafandi sagt það þá fær hún alveg ósanngjarnan skít yfir sig. Persónulega finnst mér óþarfi að koma með einhverja fitubrandara um hana sem dæmi.
Geiri85 | En hún hefur líka valið að vera opinbert andlit fyrir þessum málstaði og fer...
En hún hefur líka valið að vera opinbert andlit fyrir þessum málstaði og fer aftur og aftur í fjölmiðla. Eins og Freyja og Hildur þá fær hún mikið út úr því að vera fórnarlamb, þær eru allar partur af þessari miklu fórnarlambamenningu (jafnvel hægt að tala um fórnarlambablæti) svo þeir sem kasta mestum skít í hana eru í raun að gera henni greiða.
Yggdrasil91 | Nákvæmlega þetta sannar mál mitt. Allt þetta ofbeldi sem hún verður fyrir í ...
Nákvæmlega þetta sannar mál mitt. Allt þetta ofbeldi sem hún verður fyrir í commentakerfunum og menn halda að þeir séu að gera henni greiða. Gjörsamlega fáranlegt. Líkamsvirðing er gríðarlega mikilvægt málefni og hún þorir að standa á móti straumnum.
Geiri85 | Að ljúga að því að fólki að það sé ekki heilsuspillandi að fara í yfirvigt e...
Að ljúga að því að fólki að það sé ekki heilsuspillandi að fara í yfirvigt er eiginlega bara glæpsamlegt í mínum huga. Hún má alveg vera feit og borða eins mikið og hún vill ég ætla ekki að skipta mér af því en það er ekki af hinu góða að normalísera sjúklegt ástand.
Pældu í því í reykingarmanneskja kæmi fram í fjölmiðla og heimtaði einhverja sérstaka virðingu fyrir svörtu lungunum sínum. Sá aðili fengi ennþá harðari viðbrögð en Tara.
En við erum annars aðeins komin út fyrir efnið. Sýnist þetta ástand hérna á vefnum vera eitthvað að lagast.
Yggdrasil91 | Nú legg ég til að þú fræðir þig betur. Heilsa er svo MIKLU stærra samhengi e...
Nú legg ég til að þú fræðir þig betur. Heilsa er svo MIKLU stærra samhengi en þyngd. Megranir eru heilsuspillandi! Átraskanir eru heilsuspillandi! Það er engin heilsa fólgin í því að vera svo obsessed á þyngdina að þú vannærir þig eins og gjarnan gerist. Ef þú bara kynnir þér málið frá aðeins víðara sjónarhorni, það væri fínt. Fitufordómar eru ekki sniðugt fyrirbæri. Fitufordómar standa í vegi fyrir lýðheilsu feits fólks úti um allan heim.
Geiri85 | Reykingarmanneskja getur verið heilbrigðari en næsta manneskju sem er reykla...
Reykingarmanneskja getur verið heilbrigðari en næsta manneskju sem er reyklaus en það jafngildir samt ekki að reykingarnar sjálfar séu skaðlausar. Reykingarnar eru samt mínus sem telur. Að sama skapi getur feit manneskja verið í heildina heilbrigðari en næsta manneskja sem er grennri, en það að hún er feit er samt óhollt, mínus sem telur.
Þú kemur með ýmsar villandi og svarthvítar uppstillingar sem verður að svara.
Í fyrsta lagi þá sagði ég aldrei að þyngd væri það eina sem skipti máli þegar kemur að heilsu. Hún er hinsvegar einn af mörgum faktorum og stór þar að auki og gangi þér vel að finna lækni sem er ósammála því.
Megranir heilsuspillandi, tjah mikil einföldun þar á ferðinni. Þær geta verið það já ef framkvæmdar vitlaust eða farið með þær í of mikla öfga. Sem betur fer búum við ekki í svarthvítum heimi þar sem eingöngu er hægt að velja á milli tveggja öfga heldur ef fullt af fólki sem finnur góðan milliveg.
Átraskanir eru heilsuspillandi já. Átröskun er annars vítt hugtak sem nær í báðar áttir, þar að segja ekki bara fyrir þá sem svelta sig heldur líka þá sem borða sjúklega mikið. Eins og með margt í lífinu þá er það millivegurinn sem er heilbrigðastur. Þú virðist trúa því að valið sé á milli þess að svelta sig og borða sjúklega mikið. Er það ekki bara vegna þess að þú borðar of mikið og ert að reyna að réttlæta það? Þú ert þá ekki fyrsti fíkillinn sem reynir að réttlæta og afsaka fíknina.
Þú kemur með þessa uppstillingu að það séu bara tveir hópar af fólki. Þeir sem eru "obessed á þyngdina", vannærðir að svelta sig og svo hinir heilbrigðu feitu. Þetta er svo galin uppstilling að þú þarft eiginlega að vera hluti af einhverjum sértrúarsöfnuði til að trúa svona bulli. Nei veistu það er bara slatti af fólki sem nær að halda sér í kjörþyngd til lengri tíma. Þó að þú sért í erfiðleikum með sjálfstjórn tengt þessum málaflokki þá á það alls ekki við um alla. En hey við erum öll með okkar veikleika sumir misnota dóp, aðrir kynlíf og svo já sumir misnota mat.
En já þú kemur svo út úr skápnum sem öfgavinstri manneskja með því að stimpla það sem ég hef að segja bara sem fordómafullt. Kom mér svo sem ekkert á óvart ég átti von á einhverju svona. Voðalega þægilegt eflaust að geta bara alltaf afgreitt fólk þannig.
En veistu þetta er frjálst land og þú mátt gera það sem þú vilt, þar með talið fara miðaldra úr hjartaáfalli. En geturðu samt ekki bara látið aðra í friði frekar en að draga aðra niður með þér?
Geiri85 | Gleymdi einu. Þeir sem borða sjúklega mikið eru ekki endilega að fá meira af...
Gleymdi einu. Þeir sem borða sjúklega mikið eru ekki endilega að fá meira af næringarefnum en þeir sem borða í meðallagi. Oft fylgir þessum lífstíl að borða fullt af rusli. Næringarsnauð en orkumikil hráefni eins og hveiti og sykur. Þú getur auðveldlega fært þig úr 4.000 kaloríum á dag niður í 2.000 og samt fengið meira af næringarefnum með því að fókusa á alvöru mat (en ekki bara minnka skammtastærðirnar), næringarríkan og hollan.
Ég veit að Tara er mjög á móti þessu og af góðri ástæðu því það skaðar málstaðinn en næst þegar þú ert í verslun og sérð mjög feita manneskju prófaðu að kíkja ofan í körfuna hjá henni. Yfirleitt er meirihlutinn af vörunum algjört rusl sko.
Yggdrasil91 | Ég segi að þú sért fordómafullur því þú ert það. Punktur. Rannsóknir sýna að...
Ég segi að þú sért fordómafullur því þú ert það. Punktur. Rannsóknir sýna að 95% þeirra sem missa þyngd bæta henni á sig aftur. Rannsóknir sýna líka að einn áhættuþátta fyrir sjúkdóma eru endurteknar megrunartilraunir. Ég skal benda þér á einn lækni sem talar reglulega gegn megrunariðnaðinum og gegn því að feitir eigi að fá einhverja sér meðferð. Dr Joshua Wolrich. Getur flett honum upp á Instagram. Því miður er rosalega mikið af læknum ennþá með bullandi fitufordóma, sem veldur því að feitt fólk er ólíklegra en aðrir til að leita sér læknisaðstoðar. Það er ein af ástæðunum fyrir fylgnisambandi ofþyngdar og heilsuleysis. Megranir ýta undir ofát. Feitt fólk getur vel orðið fyrir átröskunum eins og Tara lenti sjálf í þegaf hún var að reyna að troða líkamanum í minni einingu. Það hjálpar feitum nákvæmlega ekki neitt að benda á að þau séu feit. Að samþykkja ekki fjölbreyttar líkamsstærðir hefur í för með sér aukna tíðni þunglyndis meðal feitra, minnkuð áhugahvöt fyrir hreyfingu, eykur óánægju með líkaman sinn og eykur líkur á óheilbrigðu sambandi við mat. Er það heilsa?? Við höfum eytt milljörðum á milljörðum ofan í megrunariðnaðinn og árangurinn er nákvæmlega enginn. Þvert á móti heldur hann okkur í heljargreipum og fólk heldur áfram að græða og græða peninga á óöryggi feitra og heldur því áfram að kkma í veg fyrir að þau geti náð heilsu. Þetta er svo MIKLU stærra mengi en þú heldur. Megrun er alls ekki = Heilsa. Því miður, það er margreynt dæmi sem bara einfaldlega hefur ekki virkað, enda ýtir megrun undir ofát síðar meir. Þegar hvatinn fyrir hreyfingu er að missa kíló, þá geturðu verið handviss um að einstaklingurinn mun ekki haldast í líkamsrækt til lengri tíma af því það er enginn innri hvati.