Ég er í matarfíklasamtökum og hefur gengið vel að létta mig, en ég er ennþá haldin svo miklum fordómum út í samtökin, m.a. vegna þessa mikla guðatals (get t.d. ekki 3ja sporið). Það er svo margt þarna inni sem ég næ ekki að tengja við en mér finnst gott að vera með sponsor og tilkynna matinn minn og mér finnst gott að hitta fólk sem er að kljást við það sama og ég. En það er bara svo margt í þessum samtökum sem ég meika ekki! Líka þetta að mega "aldrei". Ég t.d. hef alveg farið nokkrum sinnum út fyrir rammann, en hefur samt gengið vel. Það er kannski eitthvað sem ég á eftir að reka mig á seinna að gangi ekki en það er þá bara eitthvað sem ég þarf að finna út fyrir mig.

Mig langaði bara svo að vita hvort það séu einhverjir þarna úti sem hafa prófað þessi samtök til að koma sér af stað og náð góðum árangri en hafa svo hætt í samtökunum sjálfum, farið að leyfa sér aðeins meira (t.d. smá brauð, pasta eða hrísgrjón einstaka sinnum) en hafa samt náð að halda sér í góðu standi í einhvern tíma?