Er að reyna að víkka eldhúskunnáttu mína þar sem ég kann aðeins að gera örfáa rétti og komin með leið á að elda og borða það sama í hverri viku. Hvað er ykkar uppáhalds og einfaldur redd-matur eða bara eitthvað sem tekur ekki allan dag að elda? Kann að gera grjónagraut, venjulegt pasta, ommilettu, steikja steik og hrísgrjón en ekkert fleira. Allar hugmyndir vel þegnar :)
Kaffinörd | Létt saltaður þorskur keyptur frosinn. Tekinn út 60-75 mín fyrir eldun. Styk...
Létt saltaður þorskur keyptur frosinn. Tekinn út 60-75 mín fyrir eldun. Stykkin sett í eldfast mót,fersk eða þurrkuð steinselja undir hvert stykki,smjör skorið niður og sett ofan á hvert stykki,grænar ólífur skornar niður og settar í kring,kapers sett í kring og að lokum er eitt hvítlauksrif pressað yfir hvert stykki. Pipar yfir allt Inn í ofn við 180°C í c.a. 13-15 mín. Með þessu eru höfð hrísgrjón eða kartöflur og salat. Extra fínt er grískt fetasalat(tómatar,gúrka og rauðlaukur gróft skorið og fetaostskubbur skorinn gróft,olífuolía yfir og salt og pipar. Þetta er matseld upp á c.a. 5 mín vinnu og svo eldar þetta sig sjálft.
sopi1 | snilld ég ætla reyna að prófa þetta :) takk
Pulsur, egg og bakadar baunir á pönnu. Einfallt, ódýrt og þung máltíd. Grænmeti á á pönnu og hrísgrjón, plús einhverja ódýra sósu. Er líka snöggt og ódýrt. Svo er líka gott ad henda smábraudi í ofn sem heitt medlæti med smjöri. Svo er hægt ad gera kraftaverkamáltídir med ad skera kartöflur í bita, steikja á pönnu med lauk og helling af olíu. Krydda á pönnunni og borda þad stökkt eda bæta einhverju vid eftir eigin höfdi.
Herra Lampi | sítrónusafa "hellt" yfir laxaflak og hent í ofninn (hálf sítróna)
og hollan...
sítrónusafa "hellt" yfir laxaflak og hent í ofninn (hálf sítróna) og hollandaise sósa. smá grænmeti með og kartöflur ef þú nennir.
ég kaupi lax og sker hann í máltíðarbita, í poka og inní frysti. svo þegar mig langar í þá skelli ég þessu bara í mót set sítrónusafa yfir og reyndar sítrónukrydd og hendi inn í ofn og gerir sósuna á meðan. ég er reyndar fer ekkert eftir einhverjum óskrifuðum ofnhita reglum ég set hann alltaf bara á hita uppi og niðri og hitann í botn og bíð.
____________________________________________
I am the king of lamps and curtains.
**The lamp will light your way to safety.**
"An apple a day will keep anyone away if you throw it hard enough." Stephen Colbert
If you think anyone is sane you just don't know enough about them.
"ég myndi ekki láta einhvern "líta eftir" dýrinu mínu í tvær vikur. Þannig gerir maður við pottaplöntur" - Andý
Á 3 fallega lampa <3
Hula |
Kjúklingur í ostrusósu (uppskriftin passar fyrir 4-6)
800 g úrbeinuð...
Kjúklingur í ostrusósu (uppskriftin passar fyrir 4-6)
800 g úrbeinuð kjúklingalæri 1 brokkólíhaus 2 gulrætur 1/2 stór púrrulaukur 1 rauð paprika 2 hvítlauksrif 1 lítil flaska af ostrusósu (ég notaði frá Blue Dragon, í henni eru 150 ml) 1 ½ dl vatn 3 msk púðursykur salt og pipar (ef þið teljið þörf á, smakkið fyrst) um 200 g kasjúhnetur (saltaðar)
Skerið kjúklinginn í bita og steikið upp úr olíu á pönnu. Skerið brokkólí, gulrætur, papriku, púrrlauk í bita og fínhakkið hvítlaukinn. Bætið þessu á pönnuna og steikið áfram. Hrærið saman ostrusósu, vatni og púðursykri og hellið yfir. Látið sjóða í 7-8 mínútur eða þar til sósan hefur þykknað aðeins og kjúklingurinn er fulleldaður. Smakkið til með salti og pipar. Stráið kasjúhnetum yfir og berið fram (eða berið hneturnar fram í sér skál).