Einlitt barnateppi, valkvíði!

Ég veit að ég myndi amk gera teppi sem væri fallegt báðum meginn og ég myndi nú eflaust hekla teppi þar sem mér finnst miklu skemmtilegra að hekla en prjóna hehehe  

Ég veit ekki hvernig teppi mosi er en mér finnst bring it on vera fallegt en persónulega finnst mér það fallegra þegar það er ekki einlitt. Svo finnst mér oft gott að skoða inn á Ravelry hvað hefur verið gert úr þessu garni áður en ég vel mér uppskriftir... oft fínt að sjá hvernig eitthvað kemur út á mynd :)
 Ég veit ekki alveg hver besta stærðin er í barnateppi en sé að bring it on er c.a 70 x 90 svo að það er amk eitthvað til að miða við :)

Ég gerði barnateppi sem var 1x1 það kom mjög vel út

Ég hef gert einlitt bring it on teppi, er mjög ánægð með það.  Það er reyndar hvítt, hef gert svoleiðis úr kambgarni og bómullargarni. Bæði hvít og einlit. 

Vitið þið hvort þessi uppskrift sé til á Íslensku?
 

Væri svo til í að vita það líka :D

____________________________________________________
Litli rauðhaus mætt á svæðið

http://www.ravelry.com/patterns/library/opart,, bara skoða verkefnin þá sér maður hvernig þetta er gert, held að prjónamerki sé aðalgaldurinn við þetta teppi.

ÞAÐGERISTEKKIBETRA

http://www.ravelry.com/patterns/library/opart/people

ÞAÐGERISTEKKIBETRA

Búin að prjóna tvö svona og prjónamerki eru möst!

_____________________________________________________

**** Tek að mér að þýða ERlensku fyrir almenning ****
_____________________________________________________

Fórstu eftir þessari uppskrift?

Knitty: Morgan - Fall 2008

Já

_____________________________________________________

**** Tek að mér að þýða ERlensku fyrir almenning ****
_____________________________________________________

Ekkert erfitt ? :) veistu hvort þessi uppskrift sé til á Íslensku ?

Hér er lauslega þýðing fyrir þig. Og neið það er ekki erfitt, mjög einfalt prjón :)

Þessi uppskrift gerir ráð fyrir að teppið sé prjónað á tvo hringprjóna. Ef þú vilt getur þú byrjað með sokkaprjóna eða magic loop, en þegar líður á verkefnið er nauðsynlegt að nota tvo langa hringprjóna því það eru svo margar lykkjur.

Stærð: lítið [stórt]
stærð: 38 [48] tommur
prjónfesta: 20 lykkjur og 43 umferðir eru 10x10 cm í garðaprjóni.

Með lit A fitjið upp 4 lykkjur, setjið tvær á hvorn hringprjón og tengið í hring. Eftir nokkrar umferðir getur verið gott að setja merki við upphaf umferðar svo þú vitir hvoru megin það er.

prjónamerkjum komið fyrir: [prjónið framan- og aftan í lykkjuna, setið merki, prjónið framan- og aftan í  lykkjuna], endurtakið svigann.
Nú eru 8 lykkjur á prjónunum í 4 köflum, tveimur á hvorum prjóni með prjónamerki á milli.

Með lit B prjónið eftirfarandi:

umf. 1 [prjónið slétt framan og aftan í lykkjuna, pjrónið slétt út kaflann] prjónið svigann fjórum sinnum (12 lykkjur)

umf 2. [prjónið brugðið framan og aftan í lykkjuna, prjónið brugðið út kaflann] prjónið svigann fjórum sinnum (16 lykkjur)

Þessar 2 umferðir mynda mynstrið.

Næstu tvær rendur er hægt að gera án þess að slíta bandið á milli, en eftir það þarf að slíta bandið svo að það sjáist ekki.

Nú er haldið áfram með mynstrið, skipt um liti skv. þessari töflu

2 umferðir A.
24 lykkjur.
2 umferðir B. 32 lykkjur.
4 umferðir A. 48 lykkjur.
4 umferðir B. 64 lykkjur.
4 umferðir A. 80 lykkjur.
4 umferðir B. 96 lykkjur.
6 umferðir A. 120 lykkjur.
6 umferðir B. 144 lykkjur.
6 umferðir A. 168 lykkjur.
6 umferðir B. 192 lykkjur.
8 umferðir A. 224 lykkjur.
8 umferðir B. 256 lykkjur.
10 umferðir A. 296 lykkjur.
10 umferðir B. 336 lykkjur.
12 umferðir A. 384 lykkjur.
12 umferðir B. 432 lykkjur.
14 umferðir A. 488 lykkjur.
16 umferðir B. 552 lykkjur.

Bara stóra teppið:
18 umferðir A. 624 lykkjur.
20 umferðir B. 704 lykkjur.
22 umferðir A. 792 lykkjur.
24 umferðir B. 888 lykkjur.

Báðar stærðið:
Fellið laust af með lit A

Takk takk. Þú ert æðisleg ég ætla að prófa stax. :)

Núna er ég búin að prjóna teppið, þetta minna :) var eiginlega komin með upp í kok.) held að ég hafi verið 20 mín með hringinn í lokin. Nú þarf ég bara að ganga frá endum. Einhver góð ráð? :)

Sælar.
Mig langar að prjóna þetta teppi en skil ekki byrjunina, þetta með að "setja tvær á hvorn hringprjón og tengið í hring"...?

Ég er að prjóna einlitt (ljóst) "Bring it on" og finnst það ótrúlega fallegt. Auk þess er það tiltölulega fljótlegt og þægilegt. Mæli með því ;)
Mig minnir að garnið sem ég er með kallist Merino-blend og var keypt í Rúmfó. Það er fyrir prjóna nr. 4.

ég er ekkert smá ánægð með það sem ég gerði fyrir yngstu stelpuna mína, en það er að vísu ekki eins báðumegin.


þetta er hálfgerð bring it on uppskrift nema ég sleppi því að hafa brugnu línurnar inn á milli.


 

Rosalega fallegt teppi, og barn :)