Okey, mig langar virkilega að vita hvað ég er að gera rangt... Hef lengi spáð í því hvað ég er að borða, borða mjög sjaldan slæm kolvetni eins og brauð, pasta o.fl. og svo hef ég verið að minnka skammtana, borða mikið grænmeti, sleppa nammi og gosi... allt þetta sem manni er sagt að gera... En ég sé engan árangur.
Ég er í þess konar skóla/vinnu að ég hreyfi mig töluvert yfir daginn, þ.e. ég sit ekki á rassinum allan daginn þó ég sé ekki beint hlaupandi maraþon heldur. Þegar ég hef tíma aukalega þá reyni ég að hreyfa mig líka eitthvað, ásamt einhverjum æfingum. Hef þó ekki verið nægilega dugleg við það, en ég hélt að matarræðið væri svona nr 1,2 og 3... Ég tel mig vera að borða nokkuð rétt og svo núna fyrir áramót þá tók ég allt sykrað gos út... og þá meina ég allt. Hef ekki smakkað gos síðan nema kolsýrt vatn. Núna drekk ég 1-2 lítra af vatni á dag.
Ég hélt að bara við það að hætta að drekka kók (sem ég gerði mjög mikið af btw) myndi ég allavega finna einhvern smá mun... á húðinni og jafnvel smá á fötunum. En nei, mér finnst ég ekki sjá neinn mun og ég er að verða vitlaus... Hvað er ég að gera rangt? Er ennþá með einhverjar pirrandi bólur og ekki er ég að skreppa saman...
Það er ekki beint "hvetjandi" að vera forfallin kókisti, hætta loksins að drekka kók og sjá ekki neinn einasta mun á 1,5 mánuði... ásamt því að hafa bætt mataræðið líka frá því hvernig það var fyrir áramót... What to do? Þarf ég hreinlega að verða einhver ræktardurgur eða spretthlaupari til að ná svona 7-10 kg af mér?
Haralde | Ertu að fá þér morgunverð, millimál, ertu að fá nægt prótein?
Áður en að ég ...
Ertu að fá þér morgunverð, millimál, ertu að fá nægt prótein? Áður en að ég tók af mér 20 kg var ég ekkert að spá sérstaklega í morgunverðinn né millimál. Oftast fékk ég mér Cheerios eða bara ekki neitt í morgunverð. Þegar ég gerði breytingu hjá mér, sem virkaði eftir margra ára tilraunir, fékk ég mér alltaf næringarríkan morgunverð og passaði að fá mér alltaf próteinríkt millimál bæði fyrir og eftir hádegi. Heldurðu að þú sért búin að missa einhverja cm? Ég lagði mig alveg 100% fram en ég léttist bara um 700 gr. eftir 4 vikur. Ég á skanna sem sýnir fitu%, vöðvaþyngd, vatns% og fl. og þá kom í ljós að á þessum 4 vikum var ég að auka vöðvamassa og vatnsprósentan fór upp (sem er gott) og ég lækkaði helling í fitu% ég fór ekki að léttast almennilega fyrr en eftir þessar 4 vikur. En ég tók eftir að ég missti marga marga cm á þessum tíma.
Kylja | Já ég borða skyr.is í morgunmat, með smá haframjöli og fæ mér svo banana eða...
Já ég borða skyr.is í morgunmat, með smá haframjöli og fæ mér svo banana eða eitthvað álíka um 10 leytið. Reyni að borða frekar reglulega yfir daginn... Og er jú búin að pæla töluvert í að fá mikið af próteini. En jú, ég tapaði þarna einhverjum cm eftir 3 vikur (í lok janúar), t.d. 4 cm yfir mjaðmir en mér finnst lítið búið að gerast síðan. En takk kærlega fyrir svarið, kannski þarf maður bara að vera þolinmóðari :)
fridrikgk | Það er lang best fyrir þig að auka hreyfinguna enn frekar. Fara í skemmtileg...
Það er lang best fyrir þig að auka hreyfinguna enn frekar. Fara í skemmtilega göngutúra, kíkja í sund eða einhverja nota bene skemmtilega líkamsrækt :)
Kv. Friðrik
tennisolnbogi | Hvernig líður þér líkamlega? Aukin orka, minna illt í maganum eða eitthvað s...
Hvernig líður þér líkamlega? Aukin orka, minna illt í maganum eða eitthvað svoleiðis? Ef þér líður vel, ertu kannski bara í ákveðnu jafnvægi. Þarftu að léttast? Ertu yfir kjörþyngd, ertu óánægð með útlitið? Hvert er markmiðið og af hverju? Bara svona ef þú nennir að svara :)
Kylja | Mér líður bara nokkuð vel líkamlega svosem, en finn enga áberandi aukna orku...
Mér líður bara nokkuð vel líkamlega svosem, en finn enga áberandi aukna orku reyndar en ég held það sé bara ég sem er mjög léleg í að vera athugul á svona lagað. Mig langar að léttast um svona 7-10 kg... Er núna 176 cm og 77 kg svo já, ég er eitthvað yfir kjörþyngd. Markmiðið er að líða bara betur í eigin líkama og passa aftur í fötin mín... Og takk fyrir að nenna að svara :)
Wonderboy | "Þarf ég hreinlega að verða einhver ræktardurgur eða spretthlaupari til...
"Þarf ég hreinlega að verða einhver ræktardurgur eða spretthlaupari til að ná svona 7-10 kg af mér?"
Pínu neikvætt viðhorf en nei, það er auðvitað betra að fara í ræktina til þess að halda kroppinum í formi hvað varðar vöðva, liðamót og útþol en engin nauðsyn þegar kemur að fitutapi.
Þegar kemur að fitutapi er númer 1,2,3...99 og 100 að fylgjast með kaloríunum, því ef það klikkar þá skiptir engu máli hversu fá kolvetni þú borðar, hversu heilsusamlegt mataræðið er eða hvað þú lyftir mörgum vítamín töflum.
Farandi eftir hæð og hreyfingu þá myndi ég miða við 2000kcal brennslu yfir daginn ef þú ert kvenkyns og farandi eftir fituprósentu ættiru auðveldlega að geta sleppt 500+ kcal úr mataræðinu á dag sem ætti að skila sér í um hálfs kílóa þyndartapi á viku.
Mjög mikilvægt að átta sig á því að þetta eru enginn eldflaugavísindi og sætta sig við það. Orkuþörf mannslíkamanns er mjög vel skilin og lítil skekkjumörk þar á ef manneskjurnar eru af svipaðri stærð, ef hlutirnir eru ekki að ganga upp ertu einfaldlega að gera mistök og þarft að leiðrétta þau til þess að ná árángri, oftast þýðir það einfaldlega að borða minna.
Kylja | Þetta var svona smá vonleysispóstur... ekki meint neikvætt :)
En takk fyrir...
Þetta var svona smá vonleysispóstur... ekki meint neikvætt :)
En takk fyrir þetta skýra og skilorða svar, það er rétt... þetta eru engin geimvísindi og maður þarf bara að taka sig saman í andlitinu. Er bara stundum erfitt þegar manni finnst maður standa í stað og ekkert gerast þrátt fyrir þá tilburði sem maður er búin að vera með... :)
Romanov | Ég finn alltaf lang mestan mun á mér ef ég fer eftir lágkolvetna matarræði.....
