Hmm hvort ég þarf peninga og get raunhæft borgað meira.....Ef maður þarf peninga er þá ekki líklegt að maður geti þá raunhæft ekki borgað meira. Ég skil ekki....
T.M.O | Til hvers ættirðu að endurfjármagna? Til að fá betri kjör? Endurfjármögnun g...
Ef vextir á lánum þínum eru háir þá getur endurfjármögnun borgað sig og þá getur staðan orðið slík að þú borgi minna á mánuði en þú greiðir núna. En þetta þarf að skoða í hverju tilfelli fyrir sig.
--------------------------
Sel og leigi heykvíslir og kyndla, veiti einnig ráðgjöf um brennur og grýtingar.
Fer eftir láninu, ef þu ert með fasta vexti sem eru hærri en þeir föstu vextir sem bjóðast ásamt því að uppgreiðslugjald hafi ekki mikil áhrif þá já klàrlega endurfjármagna. Ef þú ert hinsvegar með fljótandi breytilega vexti þá myndi ég ekki endurfjármagna. Síðan verður þú líka að skoða hvort það sé búið að myndast meira veðrými í eigninni, þá gætirðu hugsanlega borgað upp óhagstæðari lán með hagstæðari. Ég myndi samt mæla með því að borga alltaf inn á höfuðstólinn eins og þú getur. Það lækkar framtíðar greiðslubyrði.
Soldið opin spurning hjá þér. Svarið við henni væri já, þú átt að athuga það og vegna þess að þáð getur sparað þér pening.
Það sem þú þarft að skoða eru: hverjir eru núverandi vextir, hvaða vextir eru í boði og hver er lántökukostnaðurinn. Ef þú ert með verðtryggt lán, eða hefur í huga að taka verðtryggt mál þarftu líka að velta fyrir þér verðbólgunni á hverjum tíma fyrir sig.
Eins og staðan er í dag eru vextir almennt hagstæðir fyrir lántakendur. Þú getur farið inn á Aurbjorg.is til að sjá samanburð allra lána sem í boði eru og flokkað það eftir því lánaformi sem hentar þér (verðtryggt / óverðtryggt / fastir eða breytilegri vextir).Ef þú ert t.d. með verðtryggt lán og fasta vexti út lánstímann gæti borgað sig að endurfjármagna ef vextirnir sem þér standa til boða eru hagstæðir. LV býður t.d. upp á 3.2% fasta vexti á verðtryggðum lánum. Til þess að meta hvort þetta er hagstætt þyrftir þú að reikna út vaxtamuninn (verðtryggt vs. verðtryggt) og reikna svo út kostnaðinn við þennan vaxtamun (% vaxtamunur x lánsupphæð fyrir kostnað per ár). Hafðu svo í huga lántökugjald, þinglýsingargjöld og greiðslumat ef slíkt þarf. Algengt er að það sé ca. 70-80þ allt í allt.
Ef þú ert með gamalt og hátt lán getur þetta hæglega borgað sig upp á 1-2 árum.
Ef þú vilt skipta úr verðtryggðu láni í óverðtryggt myndi ég mæla með að fara í fasta vexti til 3-5 ára. Þá þarftu líka að leiða hugan að verðbólgu því áfallnar verðbætur miðast að henni. Þá gætir þú t.d. notað ÁHK til þess að meta kostnað við lánið per ár (vextir + verðbólga + innheimtugjöld vs. vextir + innheimtugjöld). Síðan myndir þú reikna % mun á því og bera saman hvort er hagkvæmara.
Almennt myndi ég segja að það borgaði sig að endurfjármagna ef þú ert með hátt lán þar sem % sparnaður þar telur hratt og kostnaður við endurfjármögnun er fljótur að koma þá. Eins og er er verðbólgan þægileg og um margt hagkvæmt að vera með verðtryggt lán á breyilegum vöxtum. Sumir vilja þó ekki taka áhættuna sem fylgir því og greiða ögn hærri vexti til þess að festa vexti út lánstímann. Aðrir kjósa að sleppa verðtrygigngunni og losna því við áhættuna sem fylgir verðbólgu í þann tíma sem vextir lánsins eru fastir. Mundu samt að þegar vextir eru endurskoðaðir á 3-5 ára fresti geta þeir hækkað (eða lækkað) eftir því hvernig staðan í efnahagslífinu er.
Þetta er ein leiðin til að horfa á þetta. Sparnaður í stóru myndinni og eignarmyndun í húsnæði. Þ.e. þú getur t.d. farið úr verðtryggðu láni í óverðtryggt sem myndi sennilega auka greiðslubyrgði lánsins per mánuð en myndi skila sér í heildar sparnaði því verðbæturnar hætta að bætast við og eignarmyndun verður hraðari sem og heildar endurgreiðsla lægri.
Önnur leið er að horfa á kostnað per mánaðarmót. Ef þú ert í slíkum hugleiðingum getur borgað sig að taka verðtryggt lán til lengri tíma, þá fer mánaðargreiðslan niður en eignarmyndun verður alla jafna hægari og heildar endurgreiðsla á lánstíma hærri (t.d. vegna áfallinna verðbóta og vaxta af þeim).
Mæli með að kíkja á Aurbjorg.is og skoða hvað er í boði, reikna svo út hvernig þitt lán er í samanburði. Þar er líka reiknivél til þess að bera saman endurfjármögnunar möguleika. Síðan eru lánastofnanir oft með ágætar reiknivélar á sínum síðum sem sýna samanburð á mismunandi lánamöguleikum (t.d. LV, LSR, LÍ og Arion).