Er 3 ára eitthvað leiðinlegur aldur?

Það er oft talað um terrible twos, en ekki held ég sérstaklega þriggja ára aldurinn. En börn eru bara misjöfn, misþrjósk, mispirruð, mislynd og allt það.

Blah!

hjá mínu barni var ekkert terrible two's bara terrible three's!! *hrollur*

Sama hér, við eigum threenager! 

Mín er svona líka. Tveggja ára aldurinn var bara hátíð hjá henni miðað við þriggja ára. Vonandi minnkar þetta við fjögurra ára aldurinn.

_________________________
"It takes two to lie, one to lie and one to listen"
- Homer Simpson

Á ég að þora að segja þér sannleikan?

Það má samt alltaf vona ;)

_________________________
"It takes two to lie, one to lie and one to listen"
- Homer Simpson

hehe

Nei, engin aldur er öðrum til ama. Eins og hjá fullorðnum, geta börn líka verið leiðinleg eða ýmislegt að í uppeldi eða á heimili.

hahaha. Nei það er auðvitað ekkert í þroskaferlinu sem er erfiðara eða auðveldara en annað. Allt uppeldinu eða heimilisaðstæðum að kenna. 

ég held hún hafi ekki verið að meina það, eða hvað?


Eru ekki flestir foreldrar búnir að kynna sér nokkurn veginn þroskaferlið hjá börnum. En svo eru börn auðvitað misjöfn, með mismunandi skap, mis þrjósk og mis meðfærileg. Svo er bara ekkert að því að leita sér aðstoðar ef maður finnur að maður er ekki alveg að höndla ástandið

Eru þið ekki bara komin í einhvern geðvonsku vítahring? Þarf ekki bara að skoða almenn samskipti i fjölskyldunni og bæta þau?
Þriggja ára börn eiga sína erfiðu daga eins og aðrir og eru ekki alltaf sérstaklega góð í að hafa stjórn á sér, enda ekki með mikla lífsreynslu. En ef það er alltaf stríð og alltaf fíla er kominn tími til að setjast aðeins niður og velta fyrir sér hvað megi bæta. Endalaus barningur er ekki eðlilegt ástand.

já getur verið það svo fer þetta bara stigversnandi enn lagst svo aftur þegar maður verður gamall

Því meira sem þið öskrið og eruð pirruð við hvort annað því verri verður hún. Því get ég lofað þér.

Dagurinn byrjar ekki á því að við öskrum a hvort annað. Dagurinn byrjar þannig að hún fer í fílu af því hún þarf að fara á fætur, svo eru fötin sem við veljum ekki nógu góð. Okei hún fær að velja ný föt nema hún vil það ekki og fer bara í fílu og öskrar. Svo á að fara út og þá er tekið annað kast af því skórnir voru í vitlausri hillu osfrv. Þetta erum ekki við foreldrarnir sem byrjum þetta, ég á alveg slæma daga líka og er pirruð útaf öllu sem ætti ekki að pirra mig. Ég þekki muninn.

við notum 1 2 3 hér teljum rólega og aðvörum í 2 með því að segja þú veist hvað gerist þegar ég er kominn í 3. Þá er ss hlé 1 mín fyrir hvert ár barnsins. Þetta svínvirkar hér og hefur sárasjaldan þurft að setja í hlé en stundum verið talið upp í 2 og þá er málið dautt.
Hlé er bara út í horn ekki loka inn í herbergi eða annars staðar. 'utskýrðu vel af hverju barnið fór í hlé.

Fær barnið nægan svefn? Borðar hollan mat? Einhverjar breytingar í gangi? 
Annars er þetta svo misjafnt, þið verðið bara reyna að finna leiðir sem henta ykkur. T.d. ekki velja fyrirfram föt á hana, takið fram t.d. tvær peysur og leyfið henni strax að velja hvora hún vill fara í, sama með buxur.. o.s.frv. Gerið leik úr því hvar skórnir eru, t.d. giskuleik (hvort heldurðu að skórnir séu í efri eða neðri hillunni??)


Um að gera að reyna að búa til jákvætt og skemmtilegt umhverfi og ekki pirrast þó hún sé brjáluð, þið eruð fullorðin og ættuð að hafa miklu betri stjórn á tilfinningum ykkar heldur en hún, 3 ára barnið. 

Ef hún er morgunfúl mæli ég með að vekja hana með skemmtilegri tónlist, hefur alltaf virkað á börnin mín. 

Ég veit að þetta hljómar örugglega furðulega en hefur hún farið í ofnæmispróf?


yngri dóttir mín var eins og djöflabarn þangað til við fengum að vita að hún er með ofnæmi fyrir eggjum... Fólk kom með allskonar ráðleggingar og skynsamlegar aðferðir sem virka á 'venjuleg' börn. Svona 1-2-3 og allskonar þannig en það var gjörsamlega ekkert hægt að gera. Hún skallaði, sparkaði, hrækti, gargaði, beit og  kastaði hlutum út af öllu, stóru sem smáu og öll fjölskyldan var farin að tipla á tánum í kringum hana. Svo voru öll egg tekin úr fæðunni hjá henni (4,5 ára) og ég fékk nýtt barn. Án gríns. Núna er þetta ljúfasta 7 ára stelpa sem fyrir finnst, hjálpsöm, þolinmóð, góð og vingjarnleg. 

- - -
Það er enginn svo stór að hann þurfi aldrei að teygja sig og enginn svo lítill að hann þurfi aldrei að beygja sig.

Fórstu í próf með hana?

-----------------------------------------------------------------------------------------------------------------------

já, hjá Sigurði Kristinssyni í domus medica

- - -
Það er enginn svo stór að hann þurfi aldrei að teygja sig og enginn svo lítill að hann þurfi aldrei að beygja sig.

Prófaðu að leyfa henni að velja sjálf fötin kvöldið aður og hafðu þau tilbúin þar sem hun sér þau þegar hun vaknar.

♥
musamamma

Nei 3 ára börn eru oft alger dásemd - reyndar 2 ára börn líka. En þau þroskast hratt og maður þarf oft að endurskoða hvernig maður gerir hlutina.

Mín reynsla er sú að ef barn á þessum aldri er sérstaklega erfitt þá þurfti ég helst að endurskoða sjálfa mig.

___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White

Sýnist á öllu að hún fái að ráða aðeins of miklu.
Börn hafa ekki gott af of miklu svigrúmi. 
Undirbúðu daginn eftir um kvöldið. Leyfðu henni að velja fatnað fyrir morgunn daginn,
 en hún þarf að læra að þó að skórnir séu ekki á hárréttum stað þá er það bara allt í lagi. Smá aga í málið.
1-2-3 kerfið er snilld fyrir svona litla krakka og öskur eiga ekki að líðast sama á hvaða aldri þau eru.
Ákveðin ung kona sem þú átt, sem er frábært en þarf kanski að fá smá hjálp við að ballansera sig.
Og ekki detta í gryfjuna að öskra líka, þar gefur þú henni leyfi til að gera slíkt hið sama. 

minn er að verða 3 ára og það er svokallaður vælu aldur hjá honum, alltaf með vælutón og getur það verið alveg hrikalega þreitandi :/ Ég man eftir þessu líka með eldri systur hans á svipuðum aldri og hún komst yfir þetta með þolinmæði og meiri þolinmæði (virkjaði hana að hætta með því að tala við hana um að biðja frekar um hlutina, en ekki fara alltaf í vælutóninn) og þetta kom :) ég vona að þetta komi líka bráðlega hjá snáðanum mínum, hann hefur skánað en gerir þetta samt og því held ég bara áfram að reyna að tjá sig með elilegri röddu en ekki væluröddinni :)
Hef alveg séð að pirringur og að verða reið skilar akkúrat engu og gerir hlutina eiginlega bara verri.

Það er oft boðið upp á fjölskyldunámskeið/ uppeldis hjá heilsugæslunni eða þau geta bent ykkur á rétta braut með hvert skal. 
Það er nefninlega ekkert að því að leita sér aðstoðar, sum börn eru erfiðari en önnur og um að gera að fá ráðleggingar


Ég veit ekki til þess að 3 ára aldurinn sé eitthvað verri aldur en hver annar. En þau eru auðvitað alltaf að færa mörkin lengra og lengr og reyna að komast upp með ýmisslegt.  Það er um að gera að reyna að halda ró sinni fyrst af öllu.

Minn 3 ára er búinn að vera hrikalega erfiður í sumar, á köflum algjört monster. Þess á milli er hann blíður engill;) En já hann er búinn að vera að gera okkur alveg svakalega pirruð upp á síðkastið.