Ég er að læra tektílhönnun og kennslu og er að vinna að stóru verkefni um umhverfisvæna hönnun/klæðnað. Mín útfærsla verður saumanámskeið þar sem konur (og menn ef þeir vilja) eru kvattar til að nota það efni sem þær eiga heima (og það er yfirleitt mikið) til að skapa fallegan kjól sem etv er hægt að breyta með hlutum sem settir eru á og teknir af eða þannig að hægt sé að snúa flíkinni og þannig fær maður fleiri kjóla út úr einum.
Ég mun þá vera með prufur og sýnishorn af allskonar punti og saumatækni sem hentar og hver og einn getur þá valið úr. Síðan fengju allir smá hefti með leiðbeiningum til að eiga.
Umhverfisvæni hlutinn er ss að maður notar það efni sem maður á til í stað þess að kaupa nýtt og fær fleiri flíkur úr einni.
Ég hef verið beðin um að kenna þetta námskeið hérna í Danmörku og er að kanna möguleikana á íslandi. En mig vantar að vita hverjar/ir hefðu áhuga, ss hvaða aldur þetta hentar fyrir ef einhver sérstakur, hvort þeir sem lítið kunna að sauma hefðu áhuga eða hvort það væri fólk sem kynni aðeins meira. Eins hversu mikið þið væruð til í að borga, ég reikna með að þetta yrðu ca 6-8 kvöld.
Þið megið endilega koma með athugasemdir ef ykkur finnst eitthvað ekki gott eða ef eitthvað er sniðugt, Bráðvantar hjálp svo ég geti rannsakað möguleikana betur.
Með fyrirfram þökk
Tek að mér breytingar á fötum, viðgerðir og sérsaum.
hanastél | Hef svosum ekki mikla skoðun á saumanámskeiðum per se en ég veit að í Storki...
Hef svosum ekki mikla skoðun á saumanámskeiðum per se en ég veit að í Storkinum hafa verið 6 skipta námskeið í prjónhönnun (reyndar 7 skipti þar sem síðasta skiptið var hittingur með lokaafurðirnar) og rukkað fyrir það 35.000.- Innifalið var kennslan og alltaf smá hressing í tímunum.
Ég mundi passa að hafa ekki of marga á námskeiðinu, það er svo leiðinlegt ef kennarinn getur ekki sinnt öllum vel.