er þetta raunveruleikinn?

Úff ég er ekki viss, en ég veit að eftir að ég flutti hingað til DK þá get ég verslað almennilega í matinn án þess að borga morðfjár fyrir og leigi fína íbuð sem er nógu stór fyrir mig og fjölskylduna - sem ég átti ekki séns á á íslandi

Segi það með þér! Ég hef reyndar aldrei rekið fjölskyldu á íslandi (bara okkur tvö, barnlaus), en hérna í DK þá höfum við það fínt (og síðasta árið bara á atvinnuleysisbótum og SU, fyrsta útborgunin hjá manninum í næstuviku :D). Við getum alveg leyft okkur mjög fínan mat, við kaupum mikið af fersku grænmeti og ávöxtum, út að borða annað slagið, ferð í tivoli og dýragarð 1-2 í mánuði (erum með árskort en það kostar + maður eyðir alltaf einhverju) án þess að fá samviskubit.. Við sjáum alveg fram á að geta keypt okkur hús þegar ég er búin með skólann og farin að vinna..

Þetta er svo fáránlegur léttir! Að kvíða ekki öllum mánaðarmótum og fara ekki með samviskubit dauðans úr búðinni því maður splæsti í hindber OG kex...

Úff nákvæmlega.. þetta var alveg tæpt síðasta árið, en samt ekki þannig að við þyrftum eitthvað að skera alvarlega niður.. EN ég sé fram á svo góða tíma núna fyrst kallinn er kominn með vinnu og ég alveg að klára skólann :) enda er flutningur til íslands ekkert á stefnuskránni næstu árin..

Ég myndi nú ekki flytja búferlum til annars lands BARA til að geta fengið húsnæði á betri kjörum, til þess þyrfti meira til að koma, svosem t.d. það að mig actually langaði að flytja frá vinum og fjölskyldu, að mig langaði til að lifa og hrærast í öðrum kúltúr og tala annað móðurmál en mitt eigið það sem eftir er (eða í verulega langan tíma), eða að ég hefði það verulega slæmt vinnulega á Íslandi og fengi léleg laun þar og sæi fram á að geta lifað betur annars staðar. 

hvorki ég né kærasti minn erum í einhverjum vinnum sem skila miklu. Erum reyndar ekkert í búferlapælingum en þetta lætur mann alveg fara hugsa samt. Ég á 3 annir eftir í mínu háskólánami og hann er að skoða nám í köben sem hann vill fara í. En planið var samt að hann færi bara út í lotum. 

Ég mæli 100% með því að vera í námi í Danmörku. Þú tapar sko ekki á því, sérstaklega fyrir börnin. 

mér finnst þetta svo spes mynd..í alvöru, er fólk að borga bara einhverjar milljónir á mánuði eftir x mörg ár?? eru þetta réttir útreikningar?

núna eru vextir á verðtryggðum húsnæðislánum lægri en 4,6% - það er btw. hægt að fá verðtryggð lán á Íslandi en þá er búið að gera ráð fyrir verðbólgu í vöxtunum og þá eru ekki fastir vextir nema að hámarki í 5 ár. 


Meðaltalsverðbólga undanfarin 10 ár var (skv. þessu) 8,1% - það má velta því fyrir sér hversu raunhæft viðmið það er þar sem að verðbólgan varð ansi kreisí á þessum tíma. Mögulega er þetta réttmætt. Mögulega ekki. 


Hvort restin er rétt veit ég ekki - það er hægt að bera saman allskonar verðtryggð lán og óverðtryggð lán á Íslandi td. á heimasíðu Arionbanka. Ég held að lán í Noregi séu með mun lægri vöxtum en sambærileg lán á Íslandi, íslenskir bankar okra svakalega á viðskiptavinum sínum - enda alltaf með gígantískan hagnað. 


En mér hefur samt sýnst að þeir sem koma sér í fjárhagsleg vandræði á Íslandi þeir eru líka ansi duglegir að koma sér í vandræði í Noregi. 

___________________
“Why do people say 'grow some balls'? Balls are weak and sensitive. If you wanna be tough, grow a vagina. Those things can take a pounding.”
― Betty White

Ok. ég hef náttúrulega bara 0 skilning á svona lánamálum.. en ég get alveg trúað þessu með fólkið sem er duglegt að koma sér í vandræði, hugarfarið breytist ekkert endilega við svona flutninga..

Veit ekki, ég þekki slatta af íslendingum sem hafa búið úti í DK og Noregi í mörg ár en eru núna að flytja til baka.

Allar mínar vinkonur eru fluttar af landi brott nema ein. Allar (nema ein sem er nýflutt) búnar að kaupa eign (í Noregi og Danmörku) en ég sit hér í skuldafeni BARA af því ég er á leigumarkaði. Ég er að horfa til Noregs, ég viðurkenni það alveg.

Þessi mynd er villandi, og gefur kolranga mynd ef maður áttar sig ekki alveg á verðbólgun og launaþróun.




Ef við gefum okkur þessar forsendur, 8.1% verðbólgu í 40 ár (hæpið, en okay) og hvað eigum við að segja, 1% launahækkum á ári umfram verðbólgu... þá er aðili sem í dag hefur 300 þúsund krónur í laun á mánuði, kominn með 9.8 milljónir  í laun á mánuði.


S.s. nei, þú ert ekki að borga tífalt meira en þeir í Noregi.

Og ég helti óvart tómatssósu yfir svarið mitt. Sorry.


Ef Bland hefði nú bara nægilega klárt starfsfólk til að geta boðið upp á edit fídus.

Þetta er miklu flottara svona rautt :) 

---------
Er með lítið notaðan fetal doppler til sölu

♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩ ♫♬♪ ♩

Hehe... ég er bara búin að vera að skoða blandið í mobile viðmótinu og skildi ekkert í þessu tómatsósutali.. nuna skil ég.  :oP

-----------------------------------------------------------------------------------------------------------------------

R a u t t!!!!

FOKKJÚ BLAND.

P.s. Ég var kannski ekki alveg nægilega skýr.


S.s. eftir 40 ár, ef þessar kreisí forsendur ganga eftir, þá verður láglaunafólk, sem er í 300 þúsund króna störfum, komið með 10 milljónir króna í mánaðarlaun. Það þýðir ekki að allir verði orðnir svona ríkir, heldur kostar allt meira, þar með talið afborganir af húsnæðislánunum.

þetta er furðuleg framsetning að því leitinu til að verðbólga undanfarin ár hefur ekki verið 8,1% - með því að taka 10 ára tímabil ná þeir inn verðbólguskotinu sem varð í hruninu, en hrunið er varla "hefðbundið" ástand.

þetta er verðbólguþrón hér á landi: http://www.sedlabanki.is/Peningastefna/verdlagsthroun/

hins vegar getur vel verið að kjarasamningar eða losun gengishafta muni auka á verðbólguna, en eins og er, er hún ekki mikil.  Hún hefur verið undir 4% frá því í mars 2013 og undir 2,5% (sem er viðmið seðlabankans) síðan í febrúar 2014.

meðaltals verðbólga á landinu síðan 1940 er 15%!  og lága verðbólgan sem er búin að vera undanfarið er samt talsvert hærri en gerist og gengur í löndunum í kringum okkur.

undanfarin 20 ár er búið að vera óvenju lág verðbólga miðað við árin þar á undan, samt er hún tæp 5% að meðaltali og um 8% ef við tökum síðustu 10 ár.

líka á launum, það er frekar mikilvægt atriði sem vantar alveg í myndina

það er rétt, en á móti kemur að það er ekki á vísan að róa þar, það er ekkert garantí að launin haldi í við verðbólgu.  það kostar blóð, tár og svita.

Fólk verður að átta sig á því að þarna þarf líka að fara á leigumarkað og byrja að safna fyrir íbúð eins og á Íslandi.


En jú það er vissulega kostur að þarna sé ekki verðtrygging og fólk á auðveldra með að stækka við sig og eignast eitthvað. En leigumarkaðurinn er orðinn mjög dýr svo það eru kostir og gallar alveg eins og á Íslandi.

ekki hægt að bera saman verðtryggt og óverðtryggt lán

Ég er á leiðinni út, enn og aftur.
Það eina sem er í veginum er hún amma mín.  Mér finnst svo ljótt af mér að taka hana burt frá Íslandi, hún er 70+ ára. Ég get heldur ekki skilið hana eftir, hún er veik eftir slys. Hún talar tungumálið, hefur búið þar áður og hún  mun fá betri þjónustu með sín veikindi. Ég mun gera það sem mig dreymir um að gera en hef lítil tækifæri hér.

Svo er betra veður þar og ég þoli ekki móralinn á Íslandi
Hvað á maður að gera í stöðunni?

Svo ég tali nú um það sem er í þræðinum þá er líka mun auðveldara að kaupa íbúð þar.

Hvers vegna þarf þetta að vera svona erfitt á Íslandi?

Ég er á norðurlöndunum og hef það rosa fínt. Íslenski vinahópurinn minn er að mestu leiti fluttur úr landi fyrir löngu síðan. Ég held að ekkert okkar komi aftur til íslands.