Ég missti nýlega nokkur kíló og fór úr 81 niður í 73 og núna fæ ég endalaust að heyra af áhyggjum fólks um að ég sé "að verða of grannur" og spurt hvort ég sé ekki örugglega að borða nóg og blahblah. Nú er ég 178 cm á hæð svo ég er ennþá nær efri en neðri mörkum kjörþyngdar en nei samt fær maður að heyra þetta.
Merkilegt samt að þegar ég var þyngstur eða 96 kg að þá fékk ég aldrei að heyra það að ég væri mögulega of þungur eða að borða of mikið. Það er nú örugglega algengara heilsufarsvandamál hér á landi að fólk borði of mikið en of lítið en neibb samt virðist fólk bara meira pæla í hinu, eða kannski bara meira félagslega samþykkt að tjá sig um slíkt.
Það sem ég er að spá samt getur verið að normið sé líka bara að færast vegna þess að þjóðin hefur almennt fitnað síðastliðna áratugi? Ef þú ert ekki að minnsta kosti pínu bústinn þá ertu bara "of grannur" í hugum fólks. Svo kannski líka fólk sem á sjálft erfitt með að losna við aukakíló svo það fer í þann gír á skjóta niður þá sem geta það til að líða betur?
Svarthetta | Sennilega svar náttúrunnar við hörmungum og hungri.
Er þetta ekki frekar spurning um breytingu á þér? Fólk var vant þér eins og þú varst og fannst þú bara vera fínn þannig og hrekkur við þegar þú hefur skyndilega lést (fólk sem sér mann sjaldan upplifir breytingu sem skyndilega þó hún hafi ekki verið það). Að léttast skyndilega getur verið einkenni á veikindum. Getur þú ímyndað þér ef þú værir með krabbamein og fólk væri alltaf að hrósa þèr fyrir þyngdartapið?
Geiri85 | Tjah já en ég hef náð að fitna á svipuðum hraða án þess að neinn segi neitt....
Tjah já en ég hef náð að fitna á svipuðum hraða án þess að neinn segi neitt. Það getur líka verið merki um veikindi. Kannski annarskonar veikindi en þau sem láta mann grennast en geta engu að síður einnig verið alvarleg. Offita er víst að valda meira álagi á heilbrigðiskerfi vesturlanda í dag en reykingar.
En annars vil ég ekkert hrós heldur sko.
T.M.O | Það segir enginn "ertu orðinn svona hrikalega feitur?" Venjulegt fólk er mik...
Það segir enginn "ertu orðinn svona hrikalega feitur?" Venjulegt fólk er mikið til hætt að tala upp úr þurru um vaxtarlag fólks þegar það er of þungt en fólk er ekki farið að skilja eins vel hvað það er dónalegt og óþægilegt að vera að tala um hvað fólk sé grannt. Það er alveg jafn dónalegt að segja "þú ert bara að detta í sundur" og "borðar þú ekkert?" eins og "þú ert bara að springa" og "ertu alltaf drekkandi kók og borða nammi?"
leonóra | Horfðu bara í kring um þig á almannafæri þá sérðu að við erum í þyngri kanti...
Horfðu bara í kring um þig á almannafæri þá sérðu að við erum í þyngri kantinum. Afturámóti finnst mér ekki mark takandi á BMI því fólk er svo misjafnlega byggt. Svo þarf að spyrja sig hvort maður sé betur settur með einhver aukakíló og þokkalega ánægður eða í blóðugum slagsmálum við útlit sitt alla daga vegna áhrifa af útlitsdýrkun og heilaþvotti markaðsafla megrunariðnaðarins. Þetta er einstigi sem þarf sjálfstraust og þekkingu til að ganga. Ekki að leggja líf og sál í hendur annarra gagnrýnislaust. Persónulega kommenta ég aldrei á útlit annarra í nokkurri mynd. Mér finnst mér ekki koma það við frekar en hjá hvaða kyni fólk sefur eða hvaða flokk fólk kýs. Ég á nóg með sjálfa mig og vesenið á mér.
Geiri85 | Aðalskekkjan á BMI er hjá fólki sem er frekar massað. Fyrir flest meðalfólk ...
Aðalskekkjan á BMI er hjá fólki sem er frekar massað. Fyrir flest meðalfólk er það ágætis mælikvarði en auðvitað ekki gallalaus. En óháð því þá er punkturinn sá að ég er langt frá því að vera of grannur. Ég held að margir hafi frekar skakka mynd af því hvað það er nákvæmlega að vera of grannur. Við erum ekki að tala um að vera frekar grannur maður þarf að vera alveg rosalega grannur svo það byrji að vera heilsuspillandi. Auðvitað til átröskunarsjúkdómar í þá áttina en aftur þá held ég að það sé miklu algengara hér á landi að fólk sé komið út í óheilbrigði með of feitu vaxtarlagi frekar en í hina áttina.
Útlitsdýrkunin eins og þú kallar það (ég myndi frekar tala um útlitspressu) er samt ekki alslæm held ég þó sumir fari með hana út í öfga. Við værum örugglega sem þjóð ennþá feitari en við erum þegar ef það þætti sérstaklega fallegt að vera feitur.
Wilshere19 | Átröskun er óheilbrigði. Það er hinsvegar ekki endilega óheilbrigt að vera f...
Átröskun er óheilbrigði. Það er hinsvegar ekki endilega óheilbrigt að vera feitur. Það er hrikalegt að horfa upp á það þegar fólk er að lenda í vítahringjum átröskunar bara til að reyna að troða sér í þetta útlitsdýrkandi samfélag. Þessi útlitspressa er gjörsamlega að leggja heilsu margra feitra í rúst því að það er miklu heilbrigðara að vera 130kg alla ævi heldur en að vera stöðugt að léttast og þyngjast út ævina. Og staðreyndin er sú að yfirburða flestir sem létta sig, bæta öllu á sig aftur og jafnvel meira til. Það þarf meira en viljastyrk til að sigra lífeðlisfræði líkamans. Slæm líkamsímynd er líka mjög skaðleg okkar heilsu og feitir eru almennt með verri líkamsmynd en aðrir. Þannig að þetta eru meðal skýringa á því að feitir eru almennt séð skv. rannsóknum við verri heilsu, þetta er fylgnisamband, ekki orsök, skulum ekki gleyma því. Það eru skýringarnar að 1) Meiri líkur á óheilbrigði ef þú ert að fara í endalausar megrunartilraunir; 2) Eru með verri líkamsmynd en aðrir því samfélagið hefur sagt þeim að líkaminn þeirra sé óásættanlegur; 3) Feitir sem hreyfa sig reglulega og halda sér þannig í standi og borða nóg eru bara alveg jafn heilbrigðir og aðrir holdarfarshópar skv rannsóknum; 4) Þeir sem að eru í kjörþyngd og of grannir geta svo sannarlega líka fengið þessa sjúkdóma sem gjarnan eru kenndir við offitu!
Og að BMI sé ágætis mælikvarði fyrir einstakling er algjört kjaftæði. Þetta tekur ekki tillit til neins nema þyngdar og hæðar. Sumir eru grannir að eðlisfari og aðrir eru þungir að eðlisfari. Þetta er svo rammskakkur mælikvarði fyrir alla muni að ég legg til að allir gleymi því sem fyrst að nota þetta sem mælikvarða á eitthvað. Getur gagnast í rannsóknum á risastórum hópum til að sjá heildarmynd yfir mörg þúsund manns, en fyrir einn einstakling segir þetta ekki rassgat.