Fæðingarþunglyndi?

Konurnar í ungbarnaverndinni eiga að geta hjálpað þér.

Nú veit ég ekki hvar þú ert á landinu en á Akureyri er starfandi fjölskylduráðgjöf fyrir verðandi og nýja foreldra. Þar eru sálfræðingar sem taka þér opnum örmum og gera sitt besta að hjálpa þér að ráða fram úr því sem er að trufla/angra þig svo þú getir notið þess að vera til og sjá litla gullið þitt dafna.
Er það allt endurgjaldlaust.

Sjálfsagt er eitthvað sambærilegt þar sem þú ert og þá á hjúkrunarfræðingurinn í ungbarnaverndinni að geta hjálpað þér og leiðbeint hvert næsta skref er fyrir þig.

Ef þig langar að spjalla er þér velkomið að senda mér póst.
Gangi þér ofboðslega vel!

Takk fyrir það.

Ég talaði við hjúkkuna í ungbarnaeftirlitinu og hún hafði samband við lækni fyrir mig. Ég fór á lyf sem bjargaði mér alveg!

Má ég spyrja hvaða lyf þú varst sett á ? :)

Efexor depot minnir mig að það heiti

Hvar ertu á landinu ? Og afhverju helduru að þú sért með fæðingarþunglyndi, s.s. hvernig lýsir þetta sér ?

Ég er södd á höfuðborgarsvæðinu. Ég græt í tíma og ótíma, finnst ég ekki eiga skilið að eiga fullkomið og heilbrigt barn, líður eins og hún sé betur sett án mín. Þetta eru nokkur dæmi um hvernig mér líður og hvernig ég hugsa. Ég hefði haldið að þetta væri fæðingarþunglyndi :-/

Já pottþétt, talaða við ljósuna þína

Talaðu við ungbarnaverndina. Það er ýmislegt í boði, læknir, sálfræðingur og lyf. Heilsugæslan grípur strax inn í og hjálpar þér. Hringdu strax á mánudaginn og fáðu að taka við þá sem þú ert hjá í ungbarnavernd. Gangi þér vel, fæðingarþunglyndi er mjög algengt og ekkert til að skammast sín fyrir.

Takk fyrir það. Innst inni veit ég að þetta er frekar algengt en mér líður ömurlega ufir því að líða svona ef þú skilur mig :-/

Já ég skil, við "eigum" að vera sjúklega happý og þetta "á" að vera besti tími lífsins en það er bara ekki svoleiðis. En þú munt njóta barnsins og fæðingarorlofsins þegar þú hefur fengið hjálp við þunglyndinu. Því fyrr sem þú leitar hjálpar því betra. 

Eg ætla að hringja niðureftir strax i fyrramalið

Oft bjóða heilsugæslur upp á nokkra tíma hjá sálfræðing líka, þ.e. á stöðinni starfar sálfræðingur sem sinnir konum með fæðingarþunglyndi. Spurðu um það í leiðinni. Gangi þér vel baun2015 :)

Ég hringdi einmitt í gærmorgun og fékk samband við hjúkrunarfræðinginn minn í ungbarnaeftirlitinu og hún ætlaði að biðja sálfræðing um að hringja í mig en ég hef ekki fengið neitt símtal. Gætu liðið einhverjir dagar þangað til að eg gæti heyrt í sálfræðingi?

Já, sálfræðingarnir á heilsugæslunni vinna oft bara 1-2 daga í viku á stöðinni.

Ok þá ætla ég ekkert að stressa mig á biðinni eftir símtalinu :-)

Hringdu aftur á föstudagnin/mánudag ef þú ert ekki búin að heyra neitt :)

Smá uppfærsla : Ég fékk símtal síðasta miðvikudag frá sálfræðingnum sem spurði hvort ég gæti komist til hennar samdægurs því það hafði óvænt losnað tími hjá henni. Þar kom í ljós að ég er bara með allan pakkann : þunglyndi, kvíði, lágt sjálfsmat og athyglisbrestur þannig að hún vill halda áfram að hitta mig. Vonandi fer bara að birta til hjá mér fljótlega þannig að ég geti sinnt barninu mínu eins og það á skilið :-)

Gott að heyra að þú ert búin að hitta sálfræðinginn. Nú fer allt upp á við! Þú varsr dugleg að leita þér hjálpar. Gangi þér vel :)

Þú ert komin yfir það erfiðasta: Að viðurkenna vandann og leita þér hjálpar. Gangi þér vel í framhaldinu :)

Frábært hjá þér að leita aðstoðar. Þú og barnið þitt eigið allt gott skilið, ég veit að þessar tilfinningar geta verið erfiðar en umfram allt ekki gefast upp. Gangi þér rosalega vel.

Mig langaði svo að heyra hjá þér hvort þetta hafi virkað og hvort þér sé farið að líða betur. Ég er með fæðingarþunglyndi, að ég held, miðað við einkennin sem gefin eru upp en þori bara ekki að takast á við það. En er orðin svo þreytt á að líða svona illa. Fórstu á lyf eða bara í meðferð hjá sálfræðingi?