Ég er nokkuð örugg á því að ég sé með fæðingarþunglyndi og á ofsalega erfitt með að ræða það og hef lítinn sem engan stuðning frá maka þar sem honum finnst ég bara alltaf vera í fýlu. Hjúkkan í ungbarnaverndinni lagði fyrir mig krossaprófið þegar dóttir mín var 9 vikna og ég laug á prófinu því ég skammaðist mín svo fyrir að líða svona illa. Ég var að koma frá heimilislækni þar sem ég ætlaði meðal annars að ræða þetta en lenti á svo ömurlegum lækni að ég gat ekki minnst á þetta og er búin að sitja hérna grenjandi síðan.
Hvað get ég gert. Get ég hringt beint í sálfræðing og pantað mér tíma eða er það dýrara fyrir mig. Finnst ég ekki geta rætt við hjúkkuna í ungbarnaverndinni um þetta. Getið þið mælt með einhverjum góðum og yndislegum sálfræðing, einhverra hluta vegna held ég að ég ætti auðveldara með að ræða þetta við konu.
Degustelpa | er á sama stað. Það sem er einkenni mín í 9v skoðuninni er hægt að setja á v...
Elsku þú, talaðu við ungbarnaverndina. Hjúkrunarfræðingurinn mun hjálpa þér og vísa þér áfram. Það er dýrt að fara til sálfræðings á stofu, byrjaðu á heilsugæslunni. Það er erfitt að opna sig með þetta en svo mikilvægt.
draumados | elsku babybear. Ég skil mjög vel það sem þú ert að ganga í gegnum. Það er ro...
elsku babybear. Ég skil mjög vel það sem þú ert að ganga í gegnum. Það er rosalega erfitt að taka skrefið að biðja um hjálp en trúðu mér þú vilt gera það sem fyrst. Ég treinaði í mörg ár að leita mér hjálpar vegna þunglyndis. Varð svo ólétt og fékk alvarlegt meðgönguþunglyndi sem greindist einmitt á svona prófi. Þáði ekki lyf þá en gafst svo upp á líðan minni núna ári seinna og er komin á þunglyndislyf. Finn strax mikinn mun á mér.
Ég þekki vel skilningsleysi maka. Maðurinn minn dró alltaf úr því þegar ég talaði um við hann að ég héldi að ég væri þunglynd. Hann sagði mér alltaf bara að vera jákvæð og reyna laga þetta sjálf en staðreyndin er sú að maður getur ekki alltaf læknað sig sjálfur. Þetta er líffræðilegt ástand í heilanum.
Skil vel að þú hafir hætt við að tala um þetta við leiðinlegan lækni þannig það er lang best fyrir þig að tala við hjúkkuna í ungbarnaverndinni. En ég veit að manni langar ekkert mikið að opna sig við þær af því maður þekkir þær ekkert það vel. Kannski finnst þér betra að hringja í hana og tala í síma en ekki beint við hana? Biddu um að fá að taka prófið aftur.
Það er alltaf ódýrast að fara í gegnum heilsugæsluna. Tími hjá sálfræðingi kostar yfir 9000 kr og þeir geta ekki gefið þér lyf ef þú þarft þau. Tími hjá geðlækni er líka svona dýr og biðin eftir þeim tíma getur verið 2 mánuðir allav í mínu tifelli.
Því fyrr sem þú leitar þér aðstoðar því meiri líkur eru á fullum bata.