Félagsráðgjöf vs. sálfræði í HÍ

Það er náttúrulega ekki sía í félagsráðgjöfinni en námið er ekki auðvelt. Það er mikið um hópavinnu sem þýðir mikið púsl oft á tíðum. Aðferðafræðin er sumum erfið sem og nokkrir áfangar (fólk fellur alveg í þessu námi líka).

Þetta eru ólík nám og það snýst meira um hvar áhuginn þinn liggur hvort námið mun vera þér auðveldara.

kv. alboa

Já...


Mér finnst ég ekki vita nógu mikið hvað felst í sitthvoru náminu. Ég er reyndar búin að skoða kennsluskránna í sálfræðinni og líst vel á margt þar en finn ekki kennsluskránna fyrir félagsráðgjöfina, veit ekki hvort ég sé svona léleg í gúgglinu eða hvað.

Annars heillar hópavinnan einmitt ekki, ég sé ekki fyrir mér að ég geti mætt á hinum og þessum tímum þegar hentar kannski hópnum best. En maður kemst svosem aldrei hjá hópavinnu, bara verra að það sé mikið af því.

Okkur reiknaðist til þegar ég útskrifaðist að ca 35-40% af lokaeinkunnum okkar var byggð á hópavinnu. Það var ekki ein önn sem leið án hópavinnu og eina önnina voru 5-6 mismunandi hópaverkefni sem voru yfir lengri tíma.

Námið er mjög mikið miðað að vinna í hóp sem undirbúningur fyrir starfið.

kv. alboa

Ok takk, gott að vita af þessu!

Hún er nú til. Félagsráðgjöf er mjög breitt nám. Þú þarft að lesa fullt af lögum, læra stjórnmálafræði, félagsfræði, sálfræði og afbrotafræði sem dæmi. Mér fannst þetta mjög gaman og mjög áhugavert en ég hafði engan áhuga á sálfræði. Ég var með einni sem hafði byrjað í sálfræðinni og skipt yfir en sá alltaf eftir því. Þetta eru gjörólík nám og hún hafði ekki sama áhuga á félagsráðgjöf.

kv. alboa

Mér finnst bæði nefnilega mjög áhugavert. Er búin að finna kennslukránna í félagsráðgjöfinni og renna yfir hana og finnst hún hljóma mjög vel. Minn vandi felst helst í því að hafa áhuga á svo mörgu :/ þetta væri kannski auðveldara ef ég væri ákveðin í að vinna við annað hvort en þar sem það er ekki málið þái vandast valið. 


Mér sýnist reyndar að það sé ekkert komið inná beina ráðgjöf/viðtalsráðgjöf fyrr en í masternum en það er það sem ég hélt að væri included í grunnnáminu og gæti nýst mér vel í kynfræðinni (því þar er ráðgjöf líka). Fyrst svo er ekki þá er kannski spurning hvort þetta sé nógu sniðugt...

það er ekkert nánast tekið upp í félagsráðgjöfinni þannig að ef þú átt erfitt með að mæta í ´tima er það mikill mínus.  Veit ekki hvernig það er í sálfræðinni

Ok takk, gott að vita það.

Það er ekkert farið í beina ráðgjöf í grunnnáminu. Grunnnámið er bara kynning á fræðigreininni og mismunandi starfssviðum félagsráðgjafa. Það er fyrst farið í ráðgjöf í starfsnáminu sem er mastersnám.

Þú ættir kannski að skoða hvað það er sem gæti raunverulega nýst þér í kynfræðinni. Það er líka munur á áhuga og að nenna sitja í tímum, gera verkefni og læra fræðin á bakvið hlutina.

kv. alboa

Já mér heyrist ég hafa kannski haft einhverjar ranghugmyndir um þetta nám. Takk kærlega fyrir öll svörin, þau hafa hjálpað mér mikið!

Ég myndi velja félagsráðgjöfina. Hún er mjög góður grunnur, sérstaklega ef þú ætlar að vinna við ráðgjöf (tengt kynfræðinni). Það er jú "sía" í sálfræðinni, ég myndi ekki fara í hana nema ætla áfram í sálfræði.

Hvað er það við felagaraðgjöfina sem heillar þig?
Nú þekki eg ekki kynfræði nógu vel en datt í hug að spyrja hvort felagsfræðin gæti frekar verið grunnur?

Ég hef hreinlega áhuga á fólki yfir höfuð, bæði það sem hefur með ytri þætti að gera eins og samfélagsgerð og menningu t.d. en líka bara hvað gerir fólk að fólki og hvernig við erum öll mismunandi og af hverju. Ég gæti þessvegna hugsað mér að fara í mannfræði líka. 


En til þess að fá sem mest út úr náminu og njörva möguleikana eitthvað niður er að finna það sem nýtist mér best í kynfræðinni. Ég held að félagsfræðin falli ekki þar inn í þar sem hún er svo mikið um samfélagið og alla þessa ytri þætt en ekki þessa innri. Það má kannski segja það sama með félagsráðgjöf, en ég hélt að ráðgjöf væri hluti af náminu.

Á móti kemur held eg að það se hellings val í grunnnáminu í félagsfræði og þu gætir þá valið þá kúrsa ur felagsraðgjof, kynjafræði, sálfræði, whatever sem þú hefur áhuga á og þú telur að nýtist þér.

Já, þú segir nokkuð...


stundum vildi ég að ég væri ein af þeim sem bara vissi nákvæmlega hvað þeir vilja gera í lífinu... dæs

Eg skil þig mjög vel. Stundum þarf maður lika að prófa til að vita betur hvað maður vill.

Eiginleg ráðgjöf, viðtalstækni og fleira er held ég einungis kennd í mastersnám hvort sem það er sálfræði eða félagsráðgjöf. Ég myndi halda að sálfræðinámið væri betri undirbúningur en félagsráðgjöfin.