Er að fara að ferma í vor og er bara frekar mjög blönk og alveg lost í þessu :/ Getur einhver bent mér á góðan en ódýran ljósmyndara? Er eitthvað búin að vera að leita en sumir eru ekki með verð á heimasíðunni sinni og mér finnst þeir sem eru með það hrikalega dýrir :/ Hvernig veitingum mælið þið með fyrir boð í heimahúsi um miðjan dag þar sem verður smá vesen með borð og sæti og súpa því ekki valmöguleiki? T.d. snittur, kökur eða bæði? Og vitið þið um einhvern sem selur þannig veitingar á góðu verði, eða allavega kransaköku sem ég treysti mér ekki til að gera? Og hvar er best að panta boðskort og kaupa skreytingar? Er kannski einhver hér til í að selja skreytingar úr fermingu fyrir strák? Og jafnvel jakkaföt líka á dreng sem er um 175 cm og skó í ca 43? Og síðasta, er eitthvað sem þið sem hafið fermt klikkuðuð á eða hefðuð viljað vita fyrir ferminguna?
Mjoggottnotendanafn | Afsakið, var með greinarskil þegar ég henti þessu inn en svo kom bara allt í...
Afsakið, var með greinarskil sem hurfu þegar ég henti þessu inn. Vona að einhver nenni að lesa þetta svona allt í belg og biðu.. Allar ráðleggingar eru mjög vel þegnar, líka með það sem ég er að ekki að fatta að spyrja um.
Mjoggottnotendanafn | Fyrst kom ekkert og svo tvisvar :D
Krakkarnir mínir vildu ekki ljósmyndara svo skyldmenni sem var áhugaljósmyndari fór út með þeim og tók bara góðar venjulegar myndir. Veitingar... fá fjölskylduna ti að hjálpa, einn græjar flatkökur með hangikjöti, annar býr til frönsku súkkulaðikökuna sem hann gerir svo vel... þriðji brauðtertu... hafa þetta bara nógu einfalt. Bakaríin eru mörg með heimasíður með verðum á ef þú vilt kransaköku eða fermingartertu. Boðskort prentuð heima, það má alveg skoða hvort fermingarbarnið getur búið það til, endilega spyrja fermingarbarnið hvað það vill, þetta er veislan þeirra. Þú getur skoðað skreytingar í nytjamörkuðum, eins kaffibrúsa og bakka fyrir tertur og fleira ef það vantar, ég hef farið í ABC nytjamarkaðina í Hafnarfirði og Kópavogi, þeir eru ekki eins "in" og Góði Hirðirinn svo að góða dótið er ekki rifið út jafn hratt....
bergma | 'Eg hef pantað fermingartertu frá Stúdióbrauð með karamellu og krókant fylli...
'Eg hef pantað fermingartertu frá Stúdióbrauð með karamellu og krókant fyllingu og hún er rosalega góð. Er búin að vera með 4 fermingarveislur og alltaf pantað eins tertu og aldrei klikkað.
Splæs | Er enginn úrræðagóður vinur eða ættingi sem getur stutt við bakið á þér í þe...
Er enginn úrræðagóður vinur eða ættingi sem getur stutt við bakið á þér í þessu við að skipuleggja þetta með báða fætur á jörðinni? Þú þarft ekki ljósmyndara, þið getið tekið myndir sjálf eða fengið kunningja sem tekur góðar myndir til þess. Myndataka á stofu er alltaf dýr, nokkrir tugir þúsunda. Þú gætir líka prófað að tala við nokkra gestanna fyrirfram og athuga hvort þau væru til í að gefa saman fyrir myndatöku á stofu. Það þarf alls ekki boðskort. Gerið bara huggulegan tölvupóst og Facebookskilaboð og sendið rafrænt. Það kostar ekki neitt. Kannski vill fermingardegurinn búa það til sjálfur. Svo getið þið einfaldlega hringt í fólk og boðið þannig. Veisla heima um miðjan dag myndi flokkast sem kaffiboð svo súpa og brauð er út úr myndinni. Þar sem skortur er á sætum myndi ég ráðleggja ýmis konar smábita sem hægt er að hafa í annarri hendinni. Það gæti verið ýmis konar brauðmatur, svo sem samlokur skornar í fernt, upprúllaðar lefsur og tortillur með fyllingu sem skornar eru í bita, ávextir í stórum bitum og súkkulaðirjómaídýfu með, grænmeti í bitum og ídýfa með, brownies í bitum, ljósar muffins með bragðgóður kremi. Ég mynd ekki hafa heilar kökur í svona húsnæði. Kransaköku held ég að þú fáir frosna og samsetta í Hagkaupum. Hún er í tveimur hlutum svo það er bara í staður þar sem þarf að líma saman. Það er ekki flókið. Svo er bara að skreyta hana. Kannski getur einhver gert það fyrir ykkur. Annars geturðu panta kransaköku í bakaríi. Skreytingar myndi ég hafa einfaldar. Hvítan dúk á borði, renning eða fánaborða eftir endilöngu, blóm í vasa og kerti í stjökum á öðrum endanum. Kransakakan á hinum endanum til mótvægis. Svo er bara um að gera að bjóða ekki of mörgum, vera raunsær.