Fermingarfræðsla,öryggi barna, barnagirnd.

Held að þú sért alveg eins örugg með prestinn og aðra starfsmenn t.d. í skóla og í kringum frístundastarf.  Fínt að tala við barnið, en alls ekki reyna að yfirfæra hræðsluna yfir á það.....  Held að þú þurfir að spjalla við fagmenn í sambandi við þessa hræðslu..... þetta hljomar ekki eðlilega.  

-----------------------------------------------------------------------------------------------------------------------

Mér finnst þetta ekki óeðlilegur ótti. Hvernig getur þú sagt að ég geti verið örugg með prestinn? Fréttir bæði hér og erlendis frá sýna að það er engin sérstök ástæða til að treysta prestum fyrir börnum. Ég passa mig á að yfirfæra ekki ótta minn á barnið og hef rætt við það um að setja persónuleg mörk í samskiptum. Mörg börn hafa lent í misnotkun af hálfu presta, það þýðir ekkert að neita því.

Jú, jú, þa hafa mörg börn lent í því... en líka mörg (líklegast mun fleiri) sem hafa lent í því að gerandinn er ættingi eða vinur ættingjanna......eða bara "vinur" þess eða jafnvel starfsmaður einhverstaðar í kringum barnrastarfið.  það sem ég er að segja er að hættan er allstaðar. Það eina sem hægt er að gera er að fræða barnið (og sjálfan sig) um hlutina og vona svo það besta.  Það að taka prestana eina og sér út fyrir er steypa.  

-----------------------------------------------------------------------------------------------------------------------

Ég er að tala um presta núna af því að barnið þarf að vera í fermingarfræðslu, þetta er ekki steypa. Kanntu ekki mannasiði?

Barnið þarf ekkert að vera í fermingarfræðslu, það er val, það er ekki skylda að láta ferma sig.  Ef barnið (og/eða þú) eru trúuð og þú treystir ekki þeim presti sem er á staðnum sem þið búið á geturðu mögulega fengið að láta barnið fermast hjá öðrum presti eða hreinlega borgaralega.  En jú, það er samt steypa eða allavega órökréttur ótti að óttast presta hér á Íslandi umfram aðra sem umgangast börnin manns, þeir umgangast þau frekar takmarkað alveg eins og TheMadone segir hér að neðan..... 

-----------------------------------------------------------------------------------------------------------------------

Barnið vill fermast með sínum skólasystkinum og ég ætla ekki að taka það af því. Fréttir sýna að prestar hér á landi hafa misnotað börn ekki bara kaþólikkar. Meira að segja misnotaði fyrrum biskup Íslands sína eigin dóttur. Það er sennilega rétt hjá ykkur að líkurnar á svona atburðum eru ekki meiri í kirkjum en annarsstaðar. Ég er samt búin að segja barninu mínu það að í prestastéttinni geta verið slæmir einstaklingar eins og í öðrum stéttum. Mér finnst þetta hvorki steypa né að ég þurfi að leita sálfræðiaðstoðar vegna þess að ég treysti þeim ekki. Mér finnst þeir bara svo perralegir allir í þessum kjólum sínum að boða það sem þeir fara ekki eftir sjálfir.

Prestar á Íslandi eru ekkert sérstaklega líklegir til að misnota börn frekar en aðrir sem vinna með börnum. Kerfið hjá kaþólikkunum er allt öðruvísi, skírlífsheit og ofurvirðing við presta sem á ekki við hér. Engir altarisdrengir, engin munaðarleysingjahæli eða vinnuhús þar sem stúlkum var komið fyrir á. Barnaníðingar leita sér að störfum þar sem þeir komast nálægt börnum en það er frekar langsótt að þeir eyði mörgum árum í háskóla til að hafa mjög takmarkaðan aðgang að krökkum.

Og til að svara þessu, já ég upplifi allskonar ótta í sambandi við alla þessa óvissu við framtíð barnanna en ég ýti þeim öllum frá mér...... jafnvel óttanum við að 2 af strákunum mínum verði mögulega blindir í framtíðinni út af augnsjúkdóm sem þeir hafa.  Eina sem við getum gert í sambandi við þeirra líf er að reyna að ala þau upp þannig að þau þekki hættuna (án þess samt að gera þau hrædd við hlutina) og vona svo bara það besta!

-----------------------------------------------------------------------------------------------------------------------

Mæli með sálfræðingi til að læra að eiga við svona ótta.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Er barnið eitthvað sérstaklega trúað? Gætir íhugað að það fermdist borgaralega, þá fer það í tíma hjá siðmennt í staðinn fyrir að þurfa að vera með eitthverjum presti. Myndi ekki hlusta á þá sem eru að verja íslensku prestana, hafa verið mörg tilfelli með þeim sem tengjast kynferðislegu ofbeldi.

ég tilheyri ekki íslensku þjóðkirkjunni en mig langar að vita hvaða mörg tilfelli þú ert að tala um, sérstaklega þau sem hafa verið áreitt í fermingarfræðslunni.

Það var nú bara í fyrra sem séra Ólafur Jóhansson sóknarprestur Grensárskirkju var í fréttunum eftir að fimm konur ásökuðu hann um kynferðislegt áreiti, og ef við erum að tala um fermingarfræðslu þá má nefna séra Gunnar Björnsson sem var prestur á Selfossi. Svo eru mörg mál þar sem nöfn koma aldrei á yfirborðið eins og í þessari grein. http://www.visir.is/paper/fbl/101028.pdf og svo tölfræðilega séð eru margir sem komast upp með að vera níðingar án þess að nokkur viti nema brotaþoli.

Ég er ekki að segja að sama gildi ekki um aðrar starfsgreinar en þetta er starfsgrein sem er þekkt fyrir að laða að sér svona fólk, enda starf sem veitir þeim ákveðin völd og aðgang sem þeir myndu annars ekki búa yfir til að sinna sínum ógeðslegu blætum.

Ég get bara vel skilið snússu með að vera með áhyggjur, maður vill ekki taka neina sjénsa með börnin sín.

það eru bilaðir einstaklingar í öllum stéttum, það hefur hvergi verið farið í saumana á því hvaða vinnu barnaníðingar vinna, ég veit um vörubílstjóra og háskólakennara. Að vera ofurstressaður út af einni stétt er að reyna að loka augunum fyrir raunveruleikanum. Hvort heldur þú að hafi betri aðgang að börnum, prestar eða sturtuverðir í sundlaugum?

bara svo að ég skýri þetta aðeins betur. Ef þú ætlar að koma í veg fyrir að barnið þitt verið fyrir kynferðislegri misnotkun þá skaltu byrja á að koma í veg fyrir að það sé nokkurn tímann eitt með... öllum vinum þínum, skyldmennum, ömmum og öfum og reyndar bæði þín og maka þíns. Þarna eru langsamlega flestir gerendur. Síðan kemur næsta stig, leikskólakennarar, kennarar, skólastarfsmenn, starfsmenn frístundaheimila, starfsmenn æskulýðsstarfa, skátar, íþróttafélög, eigum við að ræða íþróttafélögin?? enginn smá viðbjóður komið þar í ljós út um allan heim. Þetta er allt fólk sem hefur aðgang að barninu þínu. Að hitta prest í stórum hóp af krökkum er ekki áhættuhegðun.



Það sem þú þarft að gera fyrir barnið þitt er að kenna því að hafa trú á sjálfu sér, kenna því að taka mark á tilfinningum sínum, gefa því grundvöll til að tala um allt við þig, kenna því að það eru engin skrímsli, það er til fólk sem gerir hluti sem eru vondir en það er samt bara venjulegt fólk. Fylgjast vel með því hvernig því líður og gera eitthvað í því ef því líður illa eða breytist í hegðun. Ekki segja "það er ekkert að", "þetta er bara eitthvað tímabil", "þetta eru bara ýkjur". Þú ert ekki búinn að bjarga barninu þínu með því að vera með taugaveiklun út af prestum, þeir hafa sáralítil völd í okkar samfélagi. Níðingar finna sér leið að börnum í gegnum allt mögulegt, flestir í gegnum skyldleika og vinskap, ekki gleyma því.

Vinapar okkar tók fyrir það 2016 að stelpan þeirra gengi í gegnum þetta ferli því þau óttuðust einmitt þetta. Hræðilegt að svona sé þetta orðið :/ allavega hjá sumum.

Mér finnst alveg eðlilegt að hafa þessar áhyggjur því þessi níðingsskapur virðist rosalega algengur. Þú ert að gera alveg rétt í því að tala við barnið þitt um hvað er eðlilegt í samskiptum. Ég man alveg eftir þegar minn strákur var lítill að ég var varkár ef einhver karlmaður sýndi honum sérstakan áhuga þó ég vona að strákurinn hafi ekki orðið var við ótta minn enda virðist hann ekki hafa skaðast af honum.
Ég held að hlutfall níðinga í stétt presta sé svipað og annarsstaðar. Einhvers staðar heyrði ég að fjórðungur barna verði fyrir áreitni eða níð, misalvarlegri svo mér finnst ömurlegt hvernig fólk lætur hérna við þig fyrir að hafa áhyggjur.

Takk fyrir vinsamlegt svar askjaingva. Óttinn er ekki ástæðulaus eins og dæmin sanna og aldrei of varlega farið þegar börnin eru annars vegar.

Fékk drengurinn þinn að vera einn með karlmanni t.d. íþróttakennara, presti, sálfræðingi, kennara, sturtuverði, afa sínum, pabba sínum?

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.

Nei hann fékk ekki að vera einn með ókunnugum karlmanni og ef íþróttakennari hefði tekið hann afsíðis og lokað sig inni með honum einhversstaðar þá hefði ég verið öll ofan í því og það hefði ekki gerst oftar. Eina vörnin á milli barns og níðings er foreldrið og þeir foreldrar sem stinga höfði í sandinn og gera ekkert eru að mínu áliti að hluta til ábyrgir alveg á sama hátt og foreldri sem ekki lætur belti á barnið sitt og svo framvegis. Þú getur hengt þig af vild á öll smáatriðin og þrætt þig í hel yfir þeim en þannig er það bara.

En nú er það oftast þannig að börn eru misnotuð af þeim sem þau þekkja. Þannig að þér fannst í lagi að hann væri einn með einhverjum sem hann þekkti.

--------------------------
Sel og leigi heykvíslir og kyndla, veiti einnig ráðgjöf um brennur og grýtingar.