Nú hefur komið í ljós hérlendis og víða í nágrannalöndum okkar að Delta afbrigði Kórónu veiru
nær að smegja sér að hluta framhjá vörnum bóluefna okkar vegna Covid.
Þó er ljóst að bóluefnin draga mjög úr smitum af völdum Delta full bólusettra og er mjög góð vörn (90-95%) gegn öðrum afbrigðum Covid. Bólusettir veikjast minna en óbólusettir og eru síður lagðir inn á sjúkrahús vegna alvarlegra sýkinga.
Vegna þessa er talið áríðandi að bólusetja alla þá sem ekki hafa verið bólusettir hérlendis (þar með taldir unglingar frá 16 ára) og að gefa þeim sem komnir eru yfir 65 ára aldur þriðju sprautu til að efla varnirnar. Einnig hefur komið fram að Jansen bóluefnið með einni sprautu er ekki talið nógu virkt og áætlað að bjóða viðbótar bólusetningu með Pfizer eða Moderna bóluefni.
Þetta eru sennilega mjög þarfar ráðstafanir og viturlegt að koma þeim í framkæmd sem fyrst.