Ég var að lesa greinina hérna að ofan sem fjallar um hluti sem stundum fljúga um inni í mínu litla höfði í Kaupmannahöfn.
Í stuttu máli fjallar greinin um framtíð Íslands og ferðamannastrauminn. Hvernig ferðamennirnir dæla peningum í hagkerfið sem er gott en á sama tíma verði að stærstum hluta til láglaunastörf sem útlendingar vinna að stórum hluta. Á sama tíma fer sífellt stærri hluti húsnæðist í Airbnb og íbúðum fyrir íbúa eyjarinnar fækkar stöðugt.
Það er ótrúlega áhugavert og á sama tíma ógnvekjandi/sorglegt að standa fyrir utan og horfa á landið sitt breytast svona hratt. Breytingin síðan ég flutti burt fyrir ca 10 árum er mikil. Ég hef aldrei séð eins hraðar breytingar og síðustu 3-4 árin; bæði þegar ég er heima á Íslandi og þegar ég hitti aðra Íslendinga í DK eða öðrum skandínavískum löndum.
Heima finnst mér Reykjavík minna meira og meira á túristastað í anda Benidorm og Kanarí. Endalausar minjagripabúðir, útivistarbúðir, veitingastaðir, útlendingar út um allt og ekki minnst í þjónustustörfum. Ég fékk sjokk þegar ég fór á Geysi í fyrra og sá þennan fjölda af rútum og ferðamönnum og ég upplifi kaosið í Leifsstöð þessi nokkur skipti á ári sem ég flýg heim og út aftur.
Umræðan milli Íslendinga erlendis hefur líka breyst mikið. Þegar ég flutti var hending ef maður hitti Íslendinga sem voru ekki á leið heim aftur í bráð; allir voru að bíða eftir að komast heim aftur. Nú hitti ég fleiri og fleiri sem eru sestir að; margir búnir að eignast maka, börn...og sumir vina minna eru komnir í þá stöðu að börnin eru orðin það stálpuð að þau vilja ekki heyra á það minnst að flytja til Íslands; ef foreldrarnir nefna það sem möguleika. Ég er í fyrsta skipti að hitta mér miklu yngra fólk (um tvítugt) sem er bara komið út og er að vinna að því að starta lífinu með það að markmiði að vera hérna. Búið að gefast upp á Íslandi fyrirfram.
Hvernig verður staðan eftir 10 ár? En 20 ár?....verður Ísland túristabúlla þar sem þessir þegnar sem eftir eru þræla fyrir verri kjör en restin af Norður Evrópu meðan elítan selur auðlindirnar og fyrirtækin okkar og makar krókinn enn frekar.
Ef horft er til þess að það er ennþá verið að byggja hótel sem verða ekki tilbúin nærri strax þá er ég hrædd um að við endum eins og Benidorm. Ég bjó tímabundið í miðbæ Reykjavíkur og það er búið að loka ÖLLUM bankaútibúum í miðborginni. Þú þarft að fara útá Granda, Borgartún eða Kirkjusand til að komast í banka. Mér finnst það eitt og sér segja mér svo margt. Að vera niðri í miðbæ Reykjavíkur er eins og að vera í útlöndum, 80% af fólkinu sem þú mætir eru útlendingar.
LaRose | Já og vinafólk mitt, sem er búið að vera miðbæjarrottur alla tíð var að selj...
Já og vinafólk mitt, sem er búið að vera miðbæjarrottur alla tíð var að selja húsið sitt í miðbænum og flytja í úthverfi. Ástæða: Túrismi og nýi Landspítalinn í bakgarðinum.
Toothwipes | Ég almennt elska túrismann. En það verður einhversstaðar að segja stopp og é...
Ég almennt elska túrismann. En það verður einhversstaðar að segja stopp og ég held að það sé nú þegar kominn tími. Hver er sanngirnin t.d. í því að heimamenn þurfi að búa í úthverfum af því að túristarnir leigja allar íbúðirnar í miðbænum á margföldu verði?
Útibú? Ég hélt það væri bara starfsmannabygging. Ég man það svo þegar ég skrifaði þetta að svo eru 2 útibú við Háskólabíó, en ég er í Íslandsbanka og valið því á milli Granda eða Kirkjusands.
Helgenberg | jájá, risaútibú, aðalbankaútú Landsbankans og hefur verið lengi lengi lengi....
Það segir sig soldið sjálft að þegar ferðamenn eru margfalt fleiri heldur en íbúar að þá finni íbúar fyrir því og að margt litist af þessu. Það er voða lítið við því að gera nema að þá loka landinu.
Hins vegar mun þessi ríkisstjórn bera mikla ábyrgð á aðgerðarleysinu sem hún hefur stundað í þessum málaflokki. Ráðherra algjörlega getulaus og meira en 3 árum hefur verið sóað í ekki neitt. Ég spyr mig í hvað tekjurnar hafa farið? Því ekki hafa þær farið í málefni eins og að styrkja innviði landsins til að taka á móti þessu fólki og vernda viðkvæm svæði. Ekki heldur hefur heilbrigðiskerfið eða löggæslan fengið að njóta góðs á sama tíma og álag hefur aukist beinlínis út af ferðamönnum. Mér finnst þetta vera algjörlega til skammar.
Á sama tíma er Isavia að nota sínaar tekjur af aukningu ferðamanna til þess að leggjast í mjög miklar framkvæmdir á Keflavíkurflugvelli sem mun ekki þurfa niðurgreiðslu frá ríkinu að því að ég best veit. Af hverju tekst þeim það á meðan ríkið er með allt niður um sig og sveitafélögin eru af veikum mætti að reyna að sporna gegn gámavæðingu eigin byggða á sama tíma og þau ættu að geta byggt upp ef eitthvað væri eðlilegt í þessu ástandi?
Nagorno | Eftir 10 eða 20 ár ? Ísland verður karekterlaust láglauna fjölmenningarsamfé...
Eftir 10 eða 20 ár ? Ísland verður karekterlaust láglauna fjölmenningarsamfélag og einskonar rafhlaða fyrir stóriðju, hver spræna virkjuð af láglaunafólki og leiguþrælum. Umskipunarhöfn fyrir Íslenskan fisk í eigu enn færri einstaklina en í dag sem einnig verða aðaleigendur virkjana og annara auðlinda. Hér verður töluð nýtt afbrigði af ensku með íslenskuslettum. Rukkað verður fyrir akstur utan þjóðvegs 1 og hinir aðfluttu láglaunamenn hafa ekki áhuga eða tungumálaþekkingu til mótmæla. Ríkjandi stjórnmálaflokkar verða eigendur landsins og aðrir flokkar komast ekki að og verða kæfðir. Þetta ástand erum við vitundardofin að skapa, ekki bara hagsmunaaðilar heldur, við.