Getur þú sagt mér hverjir eru kostirnir við að nota Dropbox umfram aðrar veitur fyrir myndir og videó? Og getur þú sagt mér hvernig ég flyt gögnin frá Dropbox t.d. á harðan disk - já ég er sko algjör auli í þessum efnum :-(
Og ef gögnin eru komin á Dropbox þarf ég þá nokkuð að hafa áhuggjur með að eyða þeim af símanum eða IPadinum?
Vonandi gefur einhver sér tíma í að hjálpa mér með þessar spruningar - sem eru kannski bara rétt að byrja!
Huldsi | Er ekki eitthvert "tæknitröll" til í að deila reynslu?
Ég nota Dropbox og er mjög ánægð með það. Ég er með það þannig að allar myndir sem ég tek í símanum færast yfir í Dropboxið þegar ég "synca". Ég er með þetta stillt þannig að myndirnar færast ekki nema ég sé nettengd og þegar ég ákveð það (manuelt sem sagt) . Nenni ekki að láta símann alltaf vera að tengjast - það kostar sitt - amk þegar maður er í útlöndum. Fer eftir því hve ég er dugleg að taka myndir hve oft ég færi þær yfir í dropboxið. Á ferðalögum geri ég það stundum annan hvern dag - bara til að hafa myndirnar ef síminn skyldi týnast. Ég bý til möppur og skipulegg myndirnar í Dropboxinu og að auki tek ég afrit af þeim og set á flakkara. Þá á ég mörg eintök af myndunum. Svo eyði ég öllum myndum úr símanum. Ég og maðurinn minn erum með aðgang að Dropboxum hvors annars og getum þá búið til sameiginlega möppu t.d með myndum af atburðum í fjölskyldunni eða úr ferðalögum. Ég geymi líka allskonar skjöl í dropboxinu eins og jólakortalistann og uppskriftir.