Ég var að uppgötva að mér finnst mjög gaman að ganga í náttúrunni, hvort sem er á fjöll eða eitthvað annað. Ég er algjör byrjandi í töluverðri yfirþyngd og vantar hugmyndir af skemmtilegum gönguleiðum. Ég er í RVK en er alveg til í að keyra í klukkutíma til tvo til að ganga skemmtilega og fallega leið. Það væri ekki verra ef hundar væru leyfðir en ekkert möst. Eins hvaða búnað finnst ykkur gott að hafa við höndina og hvernig skóm mæliði með? :)
Gaman að því. Það eru nokkrar leiðir við Hveragerði sem er skemmtilegt að rölta. Td. að labba upp í Reykjadal og fá sér bað í læknum í leiðinni. Svo er gaman að fara frá Heilsuhælinu meðfram Reykjafjalli og upp í dal, og tilbaka meðfram ánni. Svo er hægt að labba upp á Reykjafjallið (það er sprunga þar sem opnaðist í skjálftanum 2008) og það var gerður göngustígur upp á Hamarinn fyrir nokkrum árum (æðislegt útsýni yfir Ölfusið þaðan). Öll fjöllin í kringum Reykjavík eru með merktar (að ég held) gönguleiðir, og eins er gaman að fara inn í Elliðaárdal og Heiðmörk.
Varðandi búnað, þá er gott að vera í léttum gönguskóm með góðum botni, og passaðu þig að máta þá og prófa vel. Ég keypti mér skó í GG sport (rétt hjá Smáralind) í vetur og fékk æðislega þjónustu þar, og þeir eru með góðar vörur og góð verð. Leðurskór eru ekkert möst, en betra að hafa þá vatnshelda. Passaðu þig bara að falla ekki í þá gryfju að kaupa eitthvað merki af því að einhver mælir með því, gönguskór eru svo persónulegir, það sem passar vel á einn, er ekkert endilega eins gott fyrir annan. Svo er gott að vera í góðum fatnaði og reyna að nota bómullarfatnað sem minnst (bómull kólnar mikið og hratt þegar hún blotnar, og einangrar illa). Vatnsheldur jakki og buxur er líka gott að eiga, ef þú ætlar þér að labba þó það sé ekki sól og blíða. Bakpoki með mittisól og brjóstspennu er fínn, ef þú ætlar í lengri göngur.
Mundu svo að hafa alltaf með vatn og eitthvað að narta í, þó þú sért ekkert að fara langt. Svo er alltaf gott að hafa smávegis af súkklaði með upp á aukaorku.
----------------------------------------------------------------------
Don't grow up. It's a trick!!
Það eru fullt af skemmtilegum gönguleiðum, jafnvel innan Reykjavíkur. Fínt að ganga uppað Steini á Esjunni, svo eru margar skemmtilegar gönguleiðir í Heiðmörk:
Ég fór yfir Þorbjörn síðasta haust. Mér fannst það erfitt en ég var í engu formi. Fór á strigaskóm en hef almennt verið að ganga í gönguskóm.
Ég keypti hægt og rólega göngubakpoka, ullarföt og utanyfirflíkur.
Ég keypti bakpokann í Cintamani og hann er æðislegur, í sömu stærð og skólataska, með mittis- og brjóstkassasmellum. Hrindir ágætlega frá sér vatni og tekur það helsta sem þarf í dagsgönguferð. Fór með hann yfir Fimmvörðuháls og hann dugði fínt fyrir daginn.
Ég notaði líka göngustafi, fannst það létta á álaginu á hnén. Keypti bara einhverja millidýra týpu í Intersport.