Ég er gengin 27 vikur af mínu fyrsta barni. Undanfarnar vikur hef ég fundið fyrir grindargliðnun. Ég talaði við lækni í dag sem sagði að lítið væri hægt að gera í þessu, en mælti með sjúkraþjálfara, nuddi og nálastungum.
Þið sem hafið fengið grindargliðnun, hvað hjálpaði ykkur og hvað ekki? Hvaða hreyfing hentaði og hvað ekki?
Meðgöngusund hjálpaði mér mikið síðast, fór í nokkra tíma til sjúkraþjálfara, fannst það ekki gera mikið. Kírópraktor bjargaði t.d. vinkonu minni alveg, svo veit ég að sumar stelpur hafa farið í bowen, er komin 19 vikur núna og er farin að finna fyrir þessu veit ekki alveg hvað ég á að prófa núna :)
En það er gott að sofa með púða milli fótanna, það er t.d. alveg bannað að krossleggja fætur og passa að standa alltaf jafnt í báðar fætur. Ég hélt að sund (að fara að synda) myndi hjálpa síðast en man ég fór eitt skipti og gat varla labbað daginn eftir, þó ég syndi bara skriðsund þannig að það hjálpaði ekki, allt öðruvísi hreyfing í meðgöngusundi :)
Svo getur hjálpað að taka inn auka B vítamín, henti glasinu mínu í gær og man ekki nákvæmlega hvaða b vítamín það er en ljósan mælti með því, mundi þó ekki nákvæmlega hvaða b vítamín hún sagði svo ég spurði bara í apótekinu og þær vissu það þar, einnig að taka kalk og magnesíum gæti hjálpað.
Vonandi er eitthvað gagn í svarinu mínu, gangi þér vel :)
sellofan | Fyrst og fremst snúningslak og að sofa með stóran gjafapúða á milli leggjann...
Fyrst og fremst snúningslak og að sofa með stóran gjafapúða á milli leggjanna. Meðgöngujóga hjálpaði mér mikið á síðustu meðgöngu en fannst meðgöngusundið hjálpa mér meira núna. Fór til sjúkraþjálfara á fyrri meðgöngu en fannst það lítið hjálpa fyrir utan leiðbeiningar um hvernig ég ætti að bera mig öðruvísi, minni skref og sérstök aðferð við að fara í og rúminu og í og úr bílnum.
kotroskin | Ég fékk grindarbelti í gegnum sjúkraþjálfara, það hjálpaði mér mikið á fyrri...
Ég fékk grindarbelti í gegnum sjúkraþjálfara, það hjálpaði mér mikið á fyrri meðgöngu, og núna (komin 16 vikur) fer ég ekki úr húsi án þess. En ég tek undir það sem aðrar hafa sagt, sjúkraþjálfun per se (nokkrir tímar) gerði ekki mikið, bara tips um rétta líkamsbeitingu og hreyfingar. Forðast stiga, að krossleggja lappir, lítil skref, forðast að vinda uppá líkamann, halda fótunum saman eins og hægt er. Nota snúningslak og púða milli fóta. Meðgöngusund var mjög fín hreyfing fyrir mig þar sem ég gat (og get) sama og ekkert gengið vegna lífbeinsverkja. Svo fann ég líka mun þegar ég minnkaði við mig vinnu og gat hvílt mig meira.
Sjofnth | Takk fyrir góð svör! Ég er að kanna með meðgöngusund og ætla að fá mér snúni...
Takk fyrir góð svör! Ég er að kanna með meðgöngusund og ætla að fá mér snúningslak sem fyrst, annars er ég mis-slæm og er farin að átta mig á því hvað ég get gert með góðu og hvað alls ekki. Takk aftur fyrir ábendingarnar.
MommyToBe | Margar góðar hugmyndir eru þegar komnar. Það sem ég hef nýtt mér er meðgöngu...
Margar góðar hugmyndir eru þegar komnar. Það sem ég hef nýtt mér er meðgöngusund, snúningslak (keypt í eirberg), meðgöngu/stuðnings belti (keypt í eirberg - þau veita ráðgjöf hvað gæti hentað einnig eru upplýsingar á síðunni þeirra), hitapoki (nota hitapoka sem stungið er í samband, með þremur hitastillingum). Mér fannst hjálpa að fara í stutta göngutúra. Mæli með því að eiga hækjur til þess að nota þegar þú ert þreytt í líkamanum, amk. beyti ég líkamanum rangt við gang þegar ég er þreytt, haltra einhvernvegin. Fara í heita potta og líka bara vera í sundlaug, svo gott að vera í vatninu þar sem allar hreyfingar eru auðveldari.
