þið sem hafið farið í heimreisu, hvaða lönd er áhugavert að skoða og hvaða staðir? þá sérstaklega í asíu...(annað kemur til greina líka) Hvað mikinn pening var allt að kosta? Hversu mikinn gjaldeyrir? hversu langan tíma tók ykkur að safna?
saedis88 | er einher facebook hópur sem er einmitt með svona svör, helda ð heitir heims...
Þetta er svo rosalega einstaklingsbundið að það er erfitt að svara svona almennri spurningu.
Ég hafði brennandi áhuga á Asíu og ferðaðist þar um í nokkra mánuði í staðin fyrir að vera á flakki út um allt (fór þó líka til N-Ameríku). Ég gæti persónulega ferðast um Asíu það sem eftir er af ævinni en samt fundist eins og ég hefði ekki séð og gert allt sem mig langar til að sjá og gera þar. Aðrir vilja aftur á móti flakka meira en þá er það líka talsvert dýrara uppá flug að gera.
Varðandi lönd í Asíu þá fer það líka mjög mikið eftir hvað þér finnst spennandi. Af þeim löndum sem ég hef heimsótt þá myndi segja að t.d. Tæland, Singapúr, Laos, Kambódía og Japan væru mjög "byrjendavæn" (samkvæmt minni upplifun). Ef þig langar að fara á ótroðnari slóðir þá fannst mér til dæmis æðislegt að ferðast um Búrma (en soldið "erfiðara") og næst á mínum lista eru Sri Lanka og S-Kórea.
Hvað þetta kostar fer allt eftir því hvernig þú ert sem ferðalangur. Það er hægt að gista á hræódýrum hostelum og borða ódýrasta matinn, gista á flottum hótelum og borða fancy mat og svo allt þar á milli. Eins skiptir máli hvort þú ert að ferðast ein eða með öðrum því það er oftast talsvert dýrara að ferðast einn. Löndin eru líka svo misjafnlega dýr - 2 vikur í Japan kostuðu mig á við það sem ég myndi eyða á einum og hálfum mánuði í Tælandi.
Í sambandi við gjaldeyri þá er það seinni tíma pæling. Hve mikið og hvort þú átt yfir höfuð að vera að spá í því áður en þú ferð fer eftir því hvert þú ert að fara. Í sumum Asíulöndum er gott að vera með bandaríska dollara en flest nota sinn eigin gjaldmiðil sem þú færð ekki hér heima (og er oftast einfaldast að taka bara út úr hraðbanka úti). Veit ekki hvernig þetta er í S-Ameríku og Afríku.
Ef ég væri þú þá myndi ég bara spá hvað þig langar að gera og hvað heillar þig mest, vera svo dugleg að googla, skoða ferðablogg o.s.fv.. Þú getur fundið síður sem sýna þér hvað hitt og þetta kostar fyrir ferðamenn í flestum löndum og sumir bloggarar birta líka svoleiðis lista. Eins geturu notað síður á borð við travelfish.org og travellerspoint.com sem er með mjög góð og virk spjallborð þar sem fólk sem ferðast mikið er duglegt að svara.
Gangi þér vel :)
EvaMist | Mig langar að Skoða Víetnam, Taíland, Laos, Myanmar, Laos, Philipseyjar og b...
