Hrós dagsins hjá mér fær Akureyrarapótek fyrir einstaka lipurð.
Í síðustu viku var skipt um lyf hjá stráknum mínu. Þá þurfti jafnframt að sækja um nýtt lyfjaskírteini fyrir þeim. Það tekur nokkra daga og þar sem ég þurfti að hefja gjöf á nýja lyfinu strax næsta dag fór ég í apótekið með hálfum huga og bjóst við að þurfa punga út hátt í 20.000kr fyrir 1 skammt.
Þetta yndislega fólk lánaði mér, án greiðslu, 1 spjald.
Í dag hringdi ég svo í téð apótek til að kanna hvort skírteinið væri ekki örugglega komið. Ekki var það komið í kerfið en afgreiðslukonan hringdi í TR á meðan ég beið. Þar fengust þær upplýsingar að skírteinið yrði orðið virkt á morgunn. Þar sem mig vantaði lyf fyrir morgundaginn þá sagði þessi góða kona að ég skyldi bara koma á eftir og sækja lyfin og þau yrðu seld á verði með skírteini.
Nú sit ég hér með stórt bros á vör og deili þessari jákvæðu reynslu með ykkur.
Maðurinn minn fær hrós fyrir að segja mér oft á dag að hann elski mig og líka að ég sé sæt og sexý. Það er nefnilega ekki það sem ég sjálf sé í speglinum en ég heyri og sé á honum að hann meinar það og það fær mig til að minnka sjálfsgagnrýnina örlítið:)