Hundurinn minn er 6 mánaða og ég held hann sé ofvirkur. Hann nær aldrei að vera rólegur í kringum okkur er það eðlilegt og hann er sí geltandi. Til að róa hann þurfum við að setja hann inn í búr okkur finnst það hrikalega leiðinlegt að hafa hann oft inn í búri. Við gefum honum helling af hreyfingu og athygli en maður getur ekki endalaust. unsure emoticon Hvað get ég gert? Þetta er orðið frekar þreytt. Er þetta eðlileg hegðun?
Hedwig | Hann er bara hvolpur og með hvolpalæti. Spurning að finna aðferðir til að ta...
Hann er bara hvolpur og með hvolpalæti. Spurning að finna aðferðir til að taka fyrir geltið en annars eru þetta örugglega bara hvolpalæti sem hann vex að einhverju leyti uppúr en margir hundar eru alltaf æstir. Gamla tíkin okkar var enn með svona hvolpalæti 12 ára og var alltaf voðalega glöð og spræk þrátt fyrir mikil veikindi.
Zagara | Hann er hvolpur. Það er eðlilegt að hann sé æstur. Hins vegar skiptir líka m...
Hann er hvolpur. Það er eðlilegt að hann sé æstur. Hins vegar skiptir líka máli að þið kunnið á hann og þá skiptir máli að fara á námskeið þar sem þið getið lært á hvolpinn og hvernig þið eigið að bregðast við þessari hegðun.
Silaqui | Þetta er hvolpur svo það er eðlilegt að hann sé með mikla orku. En þetta gel...
Þetta er hvolpur svo það er eðlilegt að hann sé með mikla orku. En þetta gelt bendir til þess að hann sé eitthvað stressaður og of mikil hreyfing getur sett hunda á yfirsnúning. Hvolpar þurfa líka hvíld. Endilega fara með hann á námskeið og leita á youtube af myndböndum sem útskýra hvernig þú umbunar honum fyrir að vera rólegur.
tóin | Skellið ykkur á námsskeið hið fyrsta. Þið talið um helling af hreyfingu - ...
Þið talið um helling af hreyfingu - í hverju felst hún? hálftíma göngutúr í senn fyrir þennan aldur er hæfilegur og ágætt að setja reglu um hann, til dæmis hálftími á morgnana, hálftími í hádeginu og hálftími seinni partinn (eða styttri rúntar). Göngutúrarnir ættu að vera nokkuð reglulegir svo hann fái tilfinningu fyrir því hvenær þið farið að "vinna" saman, annars getur verið að hann telji sig alltaf þurfa að vera að "minna" á sig. Matartíminn þarf líka að vera reglulegur og ágætt að hann komi í kjölfar göngunnar - fyrst að "vinna" svo að éta og slaka á.
Það þarf líka að læra að slaka á - hrósa honum fyrir slökun. Og passa líka hrósið - ekki hafa það yfirskrúfað "ji minn hvað þú ert sætur" á hástemmdri röddu (það er ekki slökun í eyrum hunds . . . . og já, Cavalierinn er svo sætur að fólki hættir oft til þess að hækka tóntegundina í röddinni í svona "gælt við barn" tón :) ). Hafa röddina slaka og jafntóna - duuuglegur.
Hlýðnæfingar eru líka eitthvað sem þið "vinnið" saman - þær þurfa ekki og ættu ekki að vera langar í senn, bara nokkrar mínútur þar sem þið eruð að sitja, leggjast etc. með fullt af hrósi og jafnvel nammi. Ekkert hrós eða nammi fyrir gelt.
Ekki nota búrið sem eitthvað geymslupláss fyrir hundinn.
Og engin "læti" - skammir í sífellu geta virkað sem "hópgelt" - ég (hundurinn) gelti smá og þá fara allir (eigandi, fjölskylda) að gelta og ég fæ athygli og/eða það er greinilega ástæða til að gelta (óöryggi) og um að gera að gelta meira.