Hvað gefur maður mikinn pening í fermingargjöf í dag?

Ég gef 10.000 ef við erum náskyld, 5000 ef það er einhver sem ég sé ekki nema á jólum og í afmælum.

*************************************************************************************************
Skoðanir mínar koma frá persónulegri reynslu, þær eru síbreitilegar, oft eigingjarnar og alls ekki heilagur sannleikur. Þær endurspegla ekki viðhorf neins nema mín sjálfs.

En ef þetta er frændi sem þú hittir ekki einu sinni einu sinni á ári ?

3-5000

*************************************************************************************************
Skoðanir mínar koma frá persónulegri reynslu, þær eru síbreitilegar, oft eigingjarnar og alls ekki heilagur sannleikur. Þær endurspegla ekki viðhorf neins nema mín sjálfs.

það er ekkert að 5000 kallinum. Mín fékk allnokkra 5þúsund kalla, hún fékk líka 3500 frá einhverjum. Mér finnst bara að fólk eigi að gefa eins og það vill og hefur efni á ;)

Ég gef bróðursyni mínum 5000. Það er engin upphæð of lítil, þessir krakkar eru oftast að fá pening frá mörgum og safnast þegar saman kemur.

Fermdi í fyrra og hittifyrra, ein frænka gaf 3000, einn frændi gaf 5000 einn gaf 6000 og kringum 12 manns gáfu 10000 og 3 eða 4 gafu 15000 og svo gafu ömmur og afar meira. Þetta er svona gisk en samt nokkurnvegin rett munað held ég. Það var 100 manns í veislunum svo 10000 kallinn kom frá flestum, nokkrir þeirra voru aðilar sem sjá fermungarbarnið kannski tvisvar á ári . 3000kr og 5000 kronurnar voru frá nákomnum sem sjá fermingarbarnið oft á ari, þetta er sem sagt mjög misjafnt.

Ég var með 100 manna veislu. Vorum reyndar 2 með veislu saman. Systkinum afa boðið og börnum systkina foreldra. Núna er systir mín að fermast og það er 60 manns boðið, þar á meðal eru born systkina hennar mömmu. Þetta eru okkar nánustu ættingjar, td ólumst við upp samam ég og born bróður hennar mömmu, gætum ekki hugsað okkur að sleppa því að bjóða þeim. Inní þessari 60 manna tolu er bara fjölskylda mömmu og nánustu vinir, enginn úr foður fjölskyldunni enda ekkert samband. Ef foður fjölskyldu hefði verið boðið hefði þetta verið um 90 manns.

Nei það er ekkert klikkað. Ég hef haldið 100 manna veislu og boðið bara fólki sem fermingabarnið þekkti, ég hef líka farið í veislu þar sem voru ekki 40 manns og líka bara nánustu. Sumir eiga stóra fjölskyldu, bara systkini mín og börn okkar (og við hittumst öll reglulega) eru 40 manns, Síðan eiga börn í dag oft fleiri en tvo foreldra og þ.a.l kannski fjögur sett af ömmum og öfum o.s.frv. Það er bara ekkert rétt í þessu og fjölskyldur geta verið svo mismunandi. T.d er ein vinkona mín mjög náin systkinum ömmu sinnar og afa og ein sem ég þekki átti hvorki ömmur, afa eða systkini foreldra á lífi þegar hún fermdist. Það er allt til í þessu og 100 manna veisla getur verið með alveg jafn mörgum nánum eins og 50 manna.

Hingað koma 35 manns í afmæli, bara það allra nánasta, sumir eiga stórar fjölskyldur , við systkinin erum 4 og allir eiga nokkur börn, svo eigum við hjónin tvenn vinahjón sem að koma alltaf í afmæli og auðvitað í fermingarnar með sín börn og þannig hefur það alltaf verið frá því að elsta barnið fæddist fyrir 27 árum. Maður er ríkur ef maður á góða og stóra fjölskyldu og vini, við höfum gaman af að haldaveislur og sjáum oft um veislur og fermingar út í bæ, kallinn kokkur sko, ég vinn alltaf með honum í veislum sem við tökum fyrir aðra. Höfum séð um nokkrar 100 manna fermingarveislur ggegnum árin.

Þegar sonur minn fermdist fór fjölskyldan út að borða. Þá á ég við; foreldrarnir, afar og amma (hin dáin og maki afans kom ekki), systur mínar með mökum og börnum. Bara það var 12 manns. Ef að bræður pabbans hefðu verið með ásamt mökum og börnum hefði talan örugglega náð 25. Þá eru ekki talið með systkyni afanna og ömmunar, eða börn og barnabörn þeirra, eða vinir fermingabarnsins. Allt fólk sem eðlilegt er fyrir okkur að bjóða ef það hefði verið blásið til veislu.
Hundrað manns væri bara mjög hóflega sloppið og ekki er fjölskylda sonar míns neitt óvenjulega stór.

Reyndu þá að ímynda þér hversu mörgum væri boðið í brúðkaupið ;) En svona að öllu gamni slepptu, 100 manna fermingaveisla er til dæmis bara norm í minni fjölskyldu, foreldrar mínir eiga bæði mörg systkini sem eru öll í góðu sambandi, börnin þekkjast öll og hittast reglulega og það verður bara vandræðalegt þegar fólk ætlar að halda matarboð því það er ekki pláss fyrir alla. Ekki myndi ég skipta 100 manna fermingaveislunni minni út fyrir 20 manna veislu af því að ég þekkti bara ekki fleiri til að bjóða..

fjölskyldur eru misjafnar. það hefði t.d aldrei komið til greina að bjóða ekki systkinabörnum foreldra þar sem að það eru ágæt samskipti þar á milli. og t.d börnin mín og 2. systra minna eru nánast eins og systkin,og þau skiptust á að hjálpa við undirbúning veislunar hjá hvort öðru.

XXXXXXXXXXXXXXXXXXXXXXXXXXXXXXXXXXXXXXXXXXXXXXXXXXXX
„Þetta er mögnuð tilfinning og gerist ekki betra,þetta er svo sætt"

Mamma mín á 20 systkini, 100 manna veisla er ekki mikið hjá okkur...

-------------
Ég fíla ekki kaldhæðni.

Ég notaði einmitt fermingarveislu míns barns til að hóa saman ættingjum sem voru alltaf að kvarta yfir að sjást aldrei nema við jarðarfarir.  Þetta voru reyndar allt náskyldir ættingjar og fermingarbarnið þekkti alla gestina. Börn voru meira en velkomin í veisluna og þau voru hátt í helmingur gestanna sem voru eitthvað hátt í hundrað.  Mér finnst alveg sjálfsagt að halda stóra veislu ef það er pláss og foreldarnir hafa efni á því en mér finnst samt pínu weird að bjóða fólki sem er mjög fjarskylt og fermingarbarnið þekki ekki.  Ég afþakkaði boð í tvær fermingar í fyrra frá mjög fjarskyldum ættingjum sem ég hef ekki haft samband við í áratugi og vissi ekki einu sinni að annað barnið væri yfir höfuð til fyrr en ég fékk boð í veisluna.  

______________________________________________________________________________________________

En til að svara spurningunni þá gefur þú bara það sem þú hefur efni á og vilt gefa.  Það er líka enginn sem segir að það verði að gefa peninga.  Sum börn fá enga pakka á fermingardaginn og hefðu kannski bara gaman af að fá eitthvað annað en umslög.  Ef þú ert flink að skreyta pakka væri t.d. hægt að kaupa gjöf sem hentar þínu veski og pakka fallega inn og skreyta.  

______________________________________________________________________________________________

við erum að bjoða um 140 með börnum. Það eru bara systkini foreldra og systkinabörn. Ekki einu sinni öllum boðið.

hvað áttu eiginlega mörg systkini ?

æj ég er að meina systkini foreldra minna og börn þeirra, ekki fermingabarnsins.  :)

Já hjá mér og líka besta vini mínu voru systkinabörn foreldra okkar ekki boðið. Þegar það er gert fer þetta út í svona klikkaða tölu.

það er bara þín skoðun að þetta sé klikkuð tala.

já ég átti von á því að blandklíkan hérna yrði ósammála. Enda viðgangast ansi brenglaðar hugmyndir hérna á vefnum.

já... er ég sumsé í þessari blandkliku? 
eru hugmyndirnar hérna brenglaðar af því að þú ert ekki sammála þeim?
Hver segir að þínar hugmyndir eða skoðanir séu betri eða réttari?

jæja elskurnar nú megið þið froðufella yfir þessu en ég er farinn að gera eitthvað af viti

Það er samt svo misjafnt hver tengslin eru. Foreldrar mínir voru ung þegar þau áttu mig og í miklu sambandi við systkini sín og ég við frændsyskini mín. Var t.d. heilu og hálfu vikurnar á heimilum þeirra á sumrin oft. Þetta fólk kom í öll barnaafmæli í fjölskyldunni minni. Hefði fundist mjög spes að bjóða þeim ekki í fermingu.

Við eigum nú bara í vandræðum með að halda veislunum í 100 manns, mjög auðvelt að hafa þær stærri. Mín nánasta fjölskylda er rosalega stór og fólk á oft ekki orð yfir venjulegum afmælum hér en okkur þykir þetta bara ofsalega eðlilegt. Þú mátt ekki gleyma því að fjölskyldur eru ekki allar eins og fjölskyldutengsl eru ekki alltaf eins. 

Júbb
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
“It is said that your life flashes before your eyes just before you die. That is true, it's called Life.” Terry Pratchett - The Last Continent
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

Ég hef gefið frændsystkinum mínum 5000kr.  Ég er einn í heimili. Ef ég væri í sambandi þá myndi ég líklega gefa meira. Finnst 5000kr fyrir eina manneskju á ekki mjög háum launum vera bara fínt. 


En ég hef tekið eftir því síðan ég fermdist 1998 hafa gjafir til fermingabarna hækkað töluvert umfram almenna verðlagshækkun í landinu. Ég fékk t.d. miklu meira en systkini mín sem fermdust 10 og 15 árum á undan mér og frændsystkinin mín sem fermdust fyrir 2 og 4 árum fengu miklu meira en ég í fermingargjafir. 


Það er síðan spurning hvort þetta sé ekki komið út í tóma vitleysu þegar afar og ömmur sitthvoru megin eru farin að gefa fermingarbarninu 50 þúsund hvor um sig. Ég meina ég fékk svefnpoka frá mínum afa og hann átti miklu meiri pening heldur en foreldrar mínir og tengdaforeldrar systur minnar til samans. 

Þannig að þú ferð s.s. sjálfur í fermingar til frændsyskina þinna en finnst fáránlegt að aðrir bjóði þeim? Eða áttu við eitthvað annað en frændsyskini þegar þú segir "systkinabörn foreldra"?

7000 þús . til fjarskyldra

7000 þús eru sjö milljónir.

En ég gef 5000 til barna sem ég þekki ekki mikið. Fimmþúsund kallinn heldur alveg gildi sínu, enda næstum engin verðbólga núna og engin ástæða til að gefa þrettán ára krökkum einhverjar risa upphæðir eins og þau séu að gifta sig eða útskrifast úr háskóla.

18.000.000 er fín upphæð.

10.000 - 15.000

finnst 5000 kall alveg nóg, þessvegna 3000 ef þú ert ekkert náin honum

Ég færi aldrei að mæta í þetta trúarrugl nema hjá náskyldum ættingjum.

Verandi fátækur námsmaður á leiðinni í 2 fermingarveislur á þessu ári þá gef ég bara það sem veskið leyfir. Mér finnst allt í lagi að gefa 5000 kr eða undir.

Fimm þúsund kallinn er enn í gildi finnst mér. Hér er gefið aðeins meira ef það er mjög náið samband, en 5000 handa frænda eða frænku er bara fín upphæð

Er alveg off að sleppa peningaumslagi og gefa nett hálsmen sem er ca 5000kr virði? S.s. stelpugjöf.

______________________________________________________________________

Ég man ekki eftir því að hafa gefið pening yfirleitt - hins vegar er yfirleitt slegið saman í gjöf, hver svo sem hún endar á að vera.

Bróðir minn er að fermast í vor og ég reikna með 10-15.000. Annað hvort í pening eða þá gjöf fyrir álíka pening. Getur líka verið að við eldri systkinin sameinumst og kaupum þá saman gjöf fyrir ca 50.000...

En mér finnst semsagt ekkert að því að gefa bara eftir því sem hentar hverju sinni

gefðu það sem þér hentar  og ekki spá í hvað aðrir gefa fyrir háa upphæð.  enda fer það eftir því hvað þú hefur efni og löngun í að gefa mikið.


þetta er nefnilega ekki "aðgöngumiði" í veislu þótt það virðist sem mörgum finnist það.


ef þú vilt gefa 3þús þa´gerirðu bara það. ef þú vilt gefa 15þús þá gerirðu það.. nú eða bara einhverja allt aðra upphæð.      þú getur lika gefið bara eitthvað allt annað en peninga,  sonur minn fékk til dæmis heimasaumaðan púða í fyrra frá einni frænku,  þetta er mest notaða fermingargjöfin hans (fyrir utan tölvuna frá okkur) og hann er hæstánægður með hann.   

..................................................................................


https://www.facebook.com/icelandcottage