Er einhver hér klár í draumaráðningum?
Dreymdi nefnilega skýran draum.
Ég var á samkomu og allir voru svo jákvæðir og brosandi. Hitti eina konu sem sagðist heita Steinunn (aldrei séð hana fyrr). Allt í einu byrjar hún að missa andann og biður mig um að finna lækni. Ég rýk í næsta sal og kalla hvort það sé einhver læknir, hjúkrunarkona á svæðinu. Einn segist ætla að hringja í 112 en um leið réttir einn maður upp höndina og segist vera læknir.
Ég rýk til hans og um leið stendur hann upp, mjög hávaxinn og ég tek eftir því að augun hans er skrítin og fatta að hann sé blindur. Hann segist heita Auðunn og ég tek í hendina á honum og leiði hann áfram.
Við komumst ekki nógu hratt svo við byrjum að dansa í gegnum hópinn (gömlu dansana), brostum og hlógum og komumst þannig hratt í gegn til Steinunnar og hann byrjaði að aðstoða hana.
Það síðasta sem ég man að ég var vör við að einhver væri að horfa á mig svo ég leit upp og sá mann horfa á mig sem mér finnst vera gamall kærasti en ég er ekki viss hver þetta var.
Vaknaði glöð en forvitin....veit einhver hvort þessi draumur þýði eitthvað?
Girl next door
*If you think you can, you can. If you think you can´t, you´re right!*