Hvenær hættuð þið/ætlið að hætta að vinna?

Ég þurfti að minnka vinnu við 20v vegna grindarverkja, átti erfitt með að bæði standa og sitja. Var þannig á báðum meðgöngum. Fór niður í 50% vinnu og gat þá unnið lengur. Vann til 33v á fyrri meðgöngu og 34v á seinni meðgöngu en í báðum tilvikum var hótandi fyrirburarfæðing þannig ég var kyrrsett. 

Já ég skil, ömurlegt að lenda í grindarverkjum :( Ef að ég verð áfram góð þá hugsa ég að ég nái nú alveg að vinna fram að svona 35-36v

Síðast var ég að vinna á yngstu deild á leikskóla, var sett 17. jan og hætti að vinna í byrjun des.

ég hætti síðast að vinna vegna klemmdrar taugar og grindargliðnunar 6 vikum fyrir settan dag.. minnkaði niður í 50% 3-4 vikum áður og fékk þá læknisvottorð

Sjúkdómur sem ég er með tók sig upp og ofaná það fékk ég slæma grindagliðnun og hafði bara nóg með að þrauka daginn labbandi um heima og gat engan vegin unnið. Hætti sem sé að vinna í byrjun júlí og átti í byrjun nóvember. Var því ansi lengi frá vinnu fyrir settan dag en vinn á yngstu deild í leikskóla með miklu álagi þannig að ég ákvað að vera ekki að reyna að pína mig í gegnum vinnu og enda lappalaus í lok meðgöngunnar heldur reyna að hvíla mig og halda einhverri hreyfigetu :). Ef ég hefði ekki verið með þetta grindavesen og sjúkdóminn hefði ég bara verið ansi hress alla meðgönguna enda stálhress annars :P.

Á fyrstu meðgöngu vann ég 8-9tíma á dag í verslun fram að 36v og minkaði þá í 50% og hætti svo alveg komin 38v. en þá var mér eginlega bara skipað að hætta af ljósmóður afþví ég var orðin svo lág í blóði og járnlítil. Að öðru leyti var heilsan bara fín.

vann ekkert með seinna barn, þar sem ég var atvinnulaus, en svo núna með þriðja var ég í 87% hlutfalli (vann sirka 7tíma á dag) sem stuðningafulltrúi í grunnskóla. fór í 50% stöðu komin 33vikur og var það aðallega vegna þess að starfið var farið að taka á andlega og ég svaf lítið og illa. Hætti svo alveg komin 37 og hálfa viku þar sem að grindin fór að gefa sig þá og bara orðin þreytt, enda með tvö önnur börn heimavið líka.

Held að þetta sé bara rosalega persónubundið hvað hver og ein vinnur lengi. Meðgöngur taka misjafnlega á hjá konum, bæði líkamlega og andlega og því erfitt að segja til um hvenær er best að hætta að vinna.

-------------------------------------------------------------------------------
Skvísan kom i heimin 3 sept 2007
Lítill prins kom í heiminn 3 nóv 2010

Ég var í 80% starfi við umönnun á elliheimili og ég hætti 10 dögum áður en ég átti 

Ég er komin 37 vikur og hef verið í svona 70% vinnu síðustu þrjár vikurnar. Er í skrifstofuvinnu 8 tíma á dag. Fékk vottorð upp á 60% en hef verið að taka einn frídag á miðvikudögum og svo hætta snemma/mæta seint eftir aðstæðum hina dagana. Þetta hefur mest hjálpað mér andlega, vegna þess að ég get aldrei gert neitt seinni partinn og á kvöldin, sama hvernig dagurinn var... svo ég hef nýtt miðvikudagana í að þvo krílaþvott og slíkt. Finnst ekki lengur eins og allt sé eftir :) En ég finn að ég er samt alveg að bugast á þessu og reikna með að þetta sé síðasta vikan mín. Verð komin 38 vikur næsta sunnudag. Það er ekkert hættulegt að hjá mér þannig að ég hef átt pínu erfitt með þessa ákvörðun, en ég er með margs konar óþægindi sem bara hreinlega draga mig rosalega niður. Veit að heimilislæknirinn minn bara bíður eftir símtalinu frá mér.

À viku 34 minnkaði ég við mig niður í 50% samkvæmt ràðleggingum frà ljósu. Munaði helling, vann svo til viku 39 og àtti dvo viku seinna eftir 3ja daga fæðingarferli. Var einmitt ï skrifstofu starfi