Hveragerði

ef ætlunin er að keyra á milli þá myndi ég segja ófærð og leiðindaveður á Hellisheiðinni, myndi aldrei nenna því.

já gerðum ráð fyrir því annað okkar myndi vinna á staðnum og hitt keyra í bæinn í eithvern tíma 

ég fór síðast þarna á þriðjudaginn í snjóstormi ... þetta eru meiri leiðindin.

já reyndar en ég hef líka lent í því rétt við heimilið mitt að komast ekki í vinnu vegna ófærðar við tökum veðrið og frussum á það að mestu leiti erum aðalega að pæla hvort ekki sé gott að ala upp börn þarna 

Þetta er samt eini veturinn í manna minnum sem hefur verið svona. Ég bjó þar í mörg ár og keyrði til Reykjavíkur alla virka daga í þrjú ár. Það var kannski 1-2 á vetri sem maður komst ekki yfir heiðina á heilum vetri, og kannski 2-3 sem ég gisti í bænum útaf veðri. Þekki fullt af fólki sem hefur keyrt á milli í fjöldamörg ár, og man ekki eftir svona stanslausum stormum.
Veturinn í vetur hefur náttúrulega verið fáránlegur með öllum þessum lægðum, svona er þetta ekki á venjulegum vetri... En svo er náttúrulega spurning hvort þetta sé komið til að vera (gróðurhúsaáhrifin og allt það)...

----------------------------------------------------------------------
Don't grow up. It's a trick!!

Það voru oft slæmir vetrar hérna áður og ófært yfir. Núna er líka farið að loka oftar og fyrr - og skv. einhverjum fræðimönnum þá mun veðurofsinn í heiminum bara aukast. Svo er orðin svo svakalega mikil umferð þarna sem gerir þetta allt mun erfiðara.

Þeir sem þekkja til (þeir sem eru þarna uppi að moka, og björgunarsveitarmennirnir sem eru að sækja fólk upp á heiði) vilja meina að þetta sé mikið handriðunum á tvöfölduninni að kenna. Snjórinn safnast þar á milli, bílarnir festast og vegna handriðanna er ekki hægt að moka framhjá þeim, svo að allt situr fast....

----------------------------------------------------------------------
Don't grow up. It's a trick!!

Já það er ekki vegna þess - auðvitað skefur að vegriðum, en þau eru ekki uppi á háheiðinni. Fólk er yfirleitt að keyra alltof hratt miðað við aðstæður, fer út af og festist. Í mikilli umferð verður svo svakaleg keðjuverkun og um leið og þú stoppar í skafrenning skefur að bílnum og þú festist.

Ok. Ég er samt bara að hafa þetta eftir fólkinu sem er þarna uppi í þessum aðstæðum (beint frá því, ekki frá frænda mágs eins sem þekkir moksturskall)...

----------------------------------------------------------------------
Don't grow up. It's a trick!!

Það er þá væntanlega í Svínahrauninu og á Sandskeiðunum - það veldur auðvitað vandræðum. Vandræðin snúa samt oftast að því að fólk er að keyra alltof hratt miðað við aðstæður - það sé ég eiginlega alltaf þegar ég fer þarna yfir. Þess vegna er fólk að festast - svo verða vandræðin á eftir.

Á snjóþyngstu  stöðunum á heiðinni og í kringum hana eru vegrið á milli akreina. 


kv. alboa

Það eru vegrið í Kömbunum, í Hveradalsbrekkunni til hliðar og svo í Svínahrauni og á Sandskeiðunum. Ég man ekki eftir neinu vegriði á háheiðinni, enda engin þörf fyrir þau þar.

Vandræðin í vetur hafa aðallega snúið að því að það hefur verið svo hvasst og lélegt skyggni. Fólk síðan keyrir bara á sama hraða og venjulega þrátt fyrir að sjá ekki neitt og endar í næsta skafli sem veldur svo keðjuverkun.

Háheiðin er ekki endilega snjóþyngsti kaflinn.


kv. alboa

Nei það er ofast meiri snjór í brekkum - en er fólk að festast mest þar? Ég hef séð bíla útaf á undarlegustu stöðum og vinnufélagi minn varð margoft vitni að því þegar menn voru að þeysast þarna um í blindri færð og keyrðu svo bara beinaleið út af veginum. Hef sjálf lent í sköflum á fjallvegum en þar sem ég var að keyra eftir aðstæðum þá hélt ég mér inn á veginum.

Svo koma auðvitað vandræðin með að snúa við í Svínahrauninu og á Sandskeiðunum, það er bara ekki hægt út af vegriðinu og þá skefur fólk bara fast.

Það eru vissir kaflar þar sem fólk festist bæði því þar eru rosalegir strengir og mjög snjóþungt. Heiðin er fáránlega gerð eins og er og erfitt fyrir marga að finna út hvar vegurinn er almennilega.


kv. alboa

Ég var næstum flutt þangað. Mjög gott að búa og ala upp börn þarna, eina hindrunin hjá mér var að finna öruggt húsnæði.

♥
musamamma

Ja okkur finnst einmitt risky að kaupa þarna og hvað ef okkur likar ekki

Hveragerði...Verahvergi....

Rignir ansi oft þarna miðað við aðra staði. Það var neikvæð umfjöllun um skólann fyrir einhverjum árum, kannski lagast.

Það er ódýrara að taka strætó frá hveragerði/selfoss í bæinn... Kærasti systir dóttir minnar gerir það og kemur alltaf í plús ut í hverjum mánuði. ef hann myndi keyra í bæinn í skólann þá ætti hann ekki fyrir náminu sínu.


Bónus er þarna og finnst mér (í þau skipti sem ég fer þar í bónus) vera betra og feskara úrval af hlutum en á Selfossi... Auðvelt að komast til læknis í Hveragerði en marga vikna bið á Selfossi (hef nýtt mér að hringja í hveragerði og fá tíma ef ég get ekki beðið eftir tíma hjá mínum heimilislæknir á selfossi). 


Vinafólk mitt segir að það sé frábært að ala upp krakka þarna. 

Ég er bangsi besta skinn.
Börnum veiti ylinn minn.
Kann ég kærleika að sá
Kærleiksbjörn ég kallast þá.

Höf: Mjallhvít og dvergarnir 5

♥ Orðin 2 barna móðir ♥


♥ Það er auðveldara að sjá flísina í augum annara en bjálkann í sínum eigin ♥

http://www.barnaland.is/album/img/8354/20061027154143_7.jpg

Ég ólst upp þar og líkaði vel. Þá var reyndar mikið einelti í skólanum, en það hefur stórlagast.
Það sem mér finnst kostur við Hveragerði er að þetta er lítill bær, samfélagið er mjög jákvætt og skemmtilegt, margt félagsstarf í boði. Þarna eru nokkrir stórir vinnustaðir, svo það ætti ekki að vera erfitt að fá vinnu. Veðurfarslega er staðurinn (að mínu mati!) góður, oft heitt á sumrin og oft mikill snjór á veturna :)
Nálægðin við Reykjavík er kostur, auðvelt að skreppa í bæinn þegar mann vantar eitthvað, en annars er mikil þjónusta í boði í bænum, Bónus er þarna, heilsugæsla, hárgreiðslustofur ofl, og svo tekur minna en kortér að keyra á Selfoss.
Mér finnst líka æðislegt hvað er hægt að vera frjáls þarna, náttúran í og í kringum bæinn er endalaust skemmtileg og endalaust hægt að finna upp á einhverju að gera. Sundlaugin er æðisleg og ég held að það sé frítt fyrir krakka í sund (var það allavega).


Gallarnir eru eins og einhver nefni jarðskjálftar. Mér finnst voðalega þægilegt að þurfa ekki að bolta allt við veggina, passa hvar ég set upp myndir og annað, og ég hrekk ennþá við ef ég heyri í vörubíl keyra framhjá (sem er alveg eins og drunurnar í fjöllunum á undan jarðskjálftum). 
Skólinn er svona lala, það er smá happ og glapp hvaða kennara maður lendir á. Einelti hefur verið vandamál í skólanum, og stundum ekki unnið vel í því. Klíkuskapur er líka svolítið ríkjandi þarna, sem er náttúrulega leiðinlegt.
Mér finnst líka galli hvað samfélagið er ferlega íþróttamiðað. Það snýst nánast allt um íþróttafélagið, íþróttafólkið og það sem því viðkemur. Þó ég hafi stundað nánast allar íþróttir sem voru í boði þegar ég var krakki og fundist frábært hvað var vel stutt við bakið á íþróttunum, þá fannst mér líka sárt að horfa á íþróttakrakka fá allskonar styrki til að sækja æfingar í Reykjavík af því að aðstaðan var ekki nógu góð í íþróttahúsinu, en við sem td. stunduðum tónlistarnám og vorum komin fram úr kennurum okkar í Hveragerði fengum ekkert til þess að geta stundað framhaldstónlistarnám.

----------------------------------------------------------------------
Don't grow up. It's a trick!!

ég bý í hveragerði og er með þrjú börn í grunnskólanum og tvö af þeim voru líka í leikskóla hérna og það er mjög gott að vera með börn hérna,
ágætis úrval af tómstundum, tónlistaskóli, íþróttafélagið og svo er listasafn árnesinga stundum með teikninámskið og eins er leikfélagið með leiklistanámskeið. fullt um að vera fyrir krakkana á sumrin.
Grunnskólinn er mjög góður, ég er með tvo stráka með greiningar og þeir fá fullt af aðstoð (tók mjög stuttan tíma að klára allt greiningarferlið hjá þeim báðum) ef eitthvað hefur komið uppá þá hefur alltaf verið tekið straks á því og hlutirnir leystir. það kom nýr skólastjóri fyrir 2 árum og hún er alveg frábær og skólinn er mjög góður.
það eru tveir leikskólar og þótt börnin mín séu ekki þar lengur þá þekki ég bæði fólk sem vinnur í þeim og/eða er með börn í þeim og allir mjög ánægðir með þá.
það er allt sem maður þarf í hveragerði í raunini þyrfti maður ekkert að vera að leita neitt annað (nema til að fá tilbreytingu)
það er hægt að fá ódýrt húsnæði hérna ef maður ætlar að kaupa (mjög erfitt að fá leigt) sérstaklega ef maður kaupir eldra hús sem þarf að gera smá í

en Hellisheiðin er leiðinleg, en ekkert sem ætti að stoppa mann, þessi vetur er búin að vera sérstaklega slæmur ég þekki marga sem hafa keyrt á milli í mörg ár og það er ekkert mál, á venjulegum vetrum þá eru þrengslin opin ef heiðin er lokuð og maður er ótrúlega fljótur að venjast þessu. það eru líka allir mjög skilningsríkir ef fólk er veðurtept í bænum og kemst t.d. ekki á réttum tíma að ná í krakkana í skólaselið.

það er ekki tómstundastyrkur fyrir krakkana, kemur samt vonandi fljótlega það er búið að vera að berjast fyrir honum

vonandi gat ég hjálpað þér smá :)

frábært takk fyrir þetta :) er einmitt með eina á grunnskóla aldri með greiningu svolítið stórt stökk að kaupa og flytja gerir mann svolítið fastan en við ætlum að skoða etta 

Örugglega fullt af kostum - en fyrir mér er Hellisheiðin galli.  VIð erum væntanlega að fara inn í smá kuldaskeið þar sem veturnir verða harðari en undanfarið. Myndi bara ekki nenna því.

Ég bý í Hveragerði, ekki uppalin hérna, flutti hingað 2006 og vil hvergi annarsstaðar vera. Leikskólarnir frábærir, grunnskólinn æðislegur og íþróttirnar frábærar. Rosalega gott að ala upp börn hérna. Náttúran er stórkostleg hér í kring, alltaf gaman að taka göngutúra. Allt til alls hérna, annars stutt á selfoss og í Reykjavík. Maðurinn minn hefur alltaf keyrt á milli og finnst það ekkert vandamál. Veturinn hefur ekki verið svona slæmur í mörg ár eins og núna. Maðurinn minn var samt bara veðurtepptur 2x þennan veturinn.
Samfélagið er rosalega opið og tekið vel á móti fólki. Hér er líka sýnd mikil samstaða ef eitthvað leiðinlegt gerist, dauðsföll, veikindi og þess háttar. Þá eru allir tilbúnir að hjálpa náunganum. Svo er mikið um líkamsrækt hérna, Crossfit Hengill er næstum eins og félagsmiðstöð fullorðinna, svo er Fitness Bilið sem er mjög vinsælt líka og líkamsræktarstöð í sundlauginni.

Ef ég ætti að telja upp galla þá væri það bara leiguhúsnæði, mjög erfitt að fá það en fullt af húsum til sölu og ekki á einhvern brjálæðislegan pening. Misjafnt hvernig er að fá vinnu, en yfirleitt hægt að finna eitthvað, ef ekki þá er stutt á selfoss.

Það er enginn svikinn af því að búa í Hveragerði!

Held að það sé ekkert neikvætt við að búa í hveragerði 

Ég hef búið í Hveragerði í 10 ár og þetta er besti staðurinn sem ég hef búið á hingað til. Langar ekki að búa á höfuðborgarsvæðinu og er búin að prófa nokkra staði út á landi. Er búin að keyra á milli öll þessi ár og finnst það ekki vera neitt vandamál. Hef svo möguleika á að fá vinnu á Selfossi ef ég verð leið á að keyra alla leið í bæin eftir nokkur ár í viðbót. Hef reyndar tekið strætó mjög mikið í vetur vegna veðurs og það hefur gengið mjög vel. Mundi taka strætó oftar ef það væri aðeins ódýrara. Húsnæðiskostnaðurinn okkar hér er það lág að það borgar sig að keyra á milli. Er með börn í skóla og leikskóla og mjög ánægð. Elsta barnið er ekki með greiningu en samt með ákveðin vandamál og hann hefur fengið allan hjálp sem hann þarf. Eins og einhverjir hafa bent á snýst mjög mikið um iþróttir í Hveragerði og það er eitthvað sem ég og börnin mín hafa engan áhuga á. En þar sem áhugamálið okkar útivist, fjallagöngur og hestar er mjög gott að vera hér. Það þarf bara að ganga út götuna svo er maður komin út í náttúrunna og marga km af skemmtilegum gönguleiðum.

Eg er búinn að skoða þar nokkur hús, og þau eru flest með gólf flísum, en ekki parketi, hvers vegna er fólkið með svona gólfefni?? hafið þið svör við því?

Þar sem ég þekki til er það vegna þess að það er hiti í gólfinu og þá var flísalagt þegar gengið var frá hitanum.


kv. alboa

Var farin að halda að fólk hefði tekið sig saman og pantað flísa gáma frá Kína, eða Spáni, Djók,,