Hér er uppskrift frá Nönnu Rögnvaldardóttur, hún klikkar ekki Þýsk jólagæs 1 aligæs , stór pipar , nýmalaður salt 250 g sveskjur , steinlausar 800 g epli 2 sneiðar rúgbrauð , óseytt 4 msk sykur 1 msk brandí kanell á hnífsoddi vatn 100 ml rjómi 1 msk maísmjöl 3 msk eplamauk Gæsin þvegin og þerruð vel og síðan krydduð að utan og innan með pipar og salti. Sveskjurnar lagðar í bleyti ef með þarf. Eplin afhýdd, kjarnhreinsuð og skorin í þunnar sneiðar. Rúgbrauðið rifið fremur fínt. Ofninn hitaður í 200 gráður. Sveskjum, eplum, rúgbrauði, sykri, brandí og kanel blandað saman í skál. Fyllingin sett í gæsina og lokað fyrir með kjötprjónum eða tannstönglum. Sett á rist yfir ofnskúffu, vatni hellt í skúffuna og gæsin steikt í 3-4 tíma eftir stærð, eða þar til tær safi rennur út þegar stungið er í lærið þar sem það er þykkast. Þegar um hálftími er liðinn af steikingartímanum er hamurinn á bringunni pikkaður með prjóni á nokkrum stöðum svo að feiti geti runnið út. Vatni bætt í ofnskúffuna öðru hverju ef þarf en ekki ausið yfir fuglinn. Í lok steikingartímans er gæsin pensluð með saltvatni og hitinn hækkaður í 250 gráður. Eftir 10-15 mínútur er gæsin tekin út og haldið heitri. Soðið úr ofnskúffunni síað og mælt. Ef það nær ekki hálfum lítra er vatni bætt við. Sett í pott og fita fleytt ofan af. Hitað að suðu, rjóma bætt út í og sósan þykkt með maísmjöli. Eplamauki hrært saman við og sósan smökkuð til. Borið fram með kartöflum og rauðkáli.
seifur09 | Mæli með að þú heilsteikir ekki Gæsina nema þú hefur mikla reynslu í því, úr...
Mæli með að þú heilsteikir ekki Gæsina nema þú hefur mikla reynslu í því, úrbeinaðu fuglin bringurnar skalt þú brúna vel á pönnu krydda með salti og pipar muldum einiberjum. Eldað í ofni við 90 c hita notaðu kjötmæli ekki fara hærra en 55c kjarnhiti skerið í þunnar sneiðar þetta mun koma þér á óvart. Bæsa bringur er ekki gott að elda of mikið þá kerur járn og seinefnabragð af kjötinu. Lærin er gott að brúna og elda í vel krydduðu soði í langan tíma við hægan hita 5 til 8 kl við 110 c hita
