Íbúð í útleigu - bed and brekfast

Nei í rauninni ekki, þetta flokkast undir atvinnurekstur og þarfnast opinberra leyfa. það hefur fallið dómur í svona máli.

Nei ekki lengur

Ef hann er með heimagistingarleyfi þá er ekki víst að hann þurfi samþykki hinna í húsinu skv. lögum. En þessi dómur sem féll um daginn er ekki endilega fordæmisgildandi skv. þeim sem hafa tjáð sig um málið og ættu að hafa eitthvað vit á því. Margir sem vilja meina að lögin séu óskýr með þetta. Í raun, fer það eftir því hvort starfsemin skapi meira ónæði en bara venjuleg búseta fólks gæti gert.

Aðili í heilbrigðisnefnd sagði mér að nefndin hefði ákveðið að taka ekki mið af þessum dómi, þannig að ekkert hefði breyst hvað leyfisveitingar í fjölbýli varðar.

Þannig að já ég átta mig ekki alveg á því hvað, ef eitthvað, breyttist við þennan héraðsdóm.

Það er allavega enn bullandi útleiga í gangi.

Haha what, þetta svar kom tvisvar, en það er ekki hægt að opna/loka neðra eintakið?  Blandið er í ruglinu.

Ég held að þessi dómur sé bara út frá þessu tiltekna máli. Í þessu máli var ónæðið metið sem íþyngjandi og meira en ef venjuleg búseta væri í íbúðunum. En það er ekki hægt að heimfæra það yfir á alla aðra. Í þessu tiltekna máli voru íbúðirnar auglýstar sem upplagðar fyrir partý. Það er eitthvað sem flestir arir sem leigja út forðast eins og heitan eldinn, er mér sagt. Þess vegna vilja margir ekki leigja íslendingum því þeir halda frekar partý. Og margir banna að teknir séu auka gestir inn í íbúðirnar og ítreka reglur um hávaða og hljóðláta umgengni. Svo það væri dáldið ósanngjarnt ef þessir tilteknu aðilar í útleigubísness ættu að verða prótótýpa fyrir alla hina.

Svo mér skilst að hvert mál þyrfti að vera metið fyrir dómi út af fyrir sig.

Það fyndna er samt, gæjinn sem fékk dóminn á sig er enn að taka við bókunum eins og ekkert hafi í skorist.

Merkilegt. Maður hefði haldið að ef dómur hefur fallið þá væru einhver viðurlög við að halda áfram starfseminni. En getur verið að hann hafi áfrýjað og þá sé hann ekki bundinn af úrskurði héraðsdóms á meðan?

Takk fyrir svörin :)

Ég efast um að húsfélag hafi slík völd því annars hefði þetta tiltekna húsfélag, sem fór með mál fyrir dóm, einfaldlega bannað sölu á gistingu á húsfundi. Gæti húsfélag til dæmis tekið sig til og bannað að það búi börn í húsinu? Og þá þyrftu barnafjöldskyldur að flytja burt . . .? Eignarrétturinn hefur líka eitthvað að segja gagnvart valdi húsfélaga mundi ég halda og völd eigenda fasteigna til að ráðstafa henni innan þess sem lög gera ráð fyrir.

Það er reyndar hægt að setja aldurtakmörk á íbúa

Ég held að það sé þá gert í upphafi, eins og íbúðir fyrir aldraða, og þá er það tiltekið í deiliskipulagi fyrir ákveðin hús, íbúðir. Annað að eitthvað sé bara ákveðið upp úr þurru á húsfundi, held ég.

Ekki alveg viss samt hvort það þurfi að vera tiltekið í deiliskipulagi, en allavega þar sem takmörk eru á aldri, þá kaupa allir fasteignirnar með þeirri vitneskju.

27. gr.

   Breytingar á hagnýtingu séreignar frá því sem verið hefur eða ráð var fyrir gert í upphafi, sem hafa í för með sér verulega meira ónæði, röskun eða óþægindi fyrir aðra eigendur eða afnotahafa en áður var og gengur og gerist í sambærilegum húsum, eru háðar samþykki allra eigenda hússins.
   Þrátt fyrir ákvæði 1. mgr. getur eigandi ekki sett sig á móti slíkri breytingu ef sýnt er að hún hefur ekki í för með sér neina röskun á lögmætum hagsmunum hans.
   Sé um að ræða breytta hagnýtingu sem ekki er veruleg er nægilegt að samþykki einfalds meiri hluta miðað við fjölda og eignarhluta liggi fyrir.
   Ef breytt hagnýting eignarhluta hefur sérstök og veruleg óþægindi eða truflun í för með sér fyrir suma eigendur, einn eða fleiri, en aðra ekki þá eiga þeir sem sýnt geta fram á það sjálfstæðan rétt til að krefjast þess að af breytingunni verði ekki.

þetta gildir þá fyrir verkalýðsfélög sem eiga íbúðir í fjölbýlishúsum líka?

Það hlýtur að gera það

Já athyglisvert. Var þá húsfélagið þarna í Skuggahverfi ósátt við að það þyrfti bara meirihluta samþykki fyrir útleigunni og vildi fá það fram með dómi að ALLIR þyrftu að samþykkja? Veistu það?

Ég hélt nefnilega að þeir sem seldu gistinguna í umræddu máli hefði ekki fengið leyfi frá einum né neinum. Og skrítið að það hafi þurft dómsmál ef lög um húseignarfélög kveðja skýrt á um þetta, þ.e. að það þurfi allavega meirihlutasamþykki og jafnvel samþykki allra ef um verulegt ónæði er að ræða.

Þú verður bara að kynna þér dóminn ef þig langar að vita meira um þetta

Ég las reyndar þennan dóm og man ekki eftir að það hafi verið stuðst alfarið við þessa 27. grein. Heldur var mikð púður eytt í að kalla fram vitni til að sýna fram á að ónæðið hefði verið verulegt.

"miklu púðri eytt"

Það er auðvitað í anda þessara laga þar sem talað er um ónæði annarra íbúa, skiljanlega hefur þurft að sýna fram á það.

Já, allavega ef þau vildu ótvírætt samþykki allra. 

Að mínu persónulega mati ætti einfaldlega að banna heimagistingu og skammtímaleigu (minna en 1 mánuð) í fjöleignarhúsum nema um sérinngang sé að ræða. Þetta er mjög samfélagslega óhagkvæmt og veldur fólki óþægindum, þetta er einfaldlega hluti af græðgisvæðingunni sem gengur yfir í ferðaþjónustunni og er fyrir löngu komin út fyrir öll eðlileg mörk.

Ég er alveg sammála að það þurfi að vera skýrar reglur og að samþykki þurfi frá öðrum eigendum ef um fjöleignarhús er að ræða. Mér finnst samt ekkert endilega að hér sé um græðgisvæðingu að ræða. Það má líka líta á þennan bísness sem smárekstur. Getur gefið fólki færi á að fá inn tekjur af íbúðarhúsnæði sem það kannski er ekki að nota, og þannig auðgað líf þeirra. Einnig getur útleiga hjálpað ungu sem eldra fólki að koma sér þaki yfir höfðuðið, með því t.d. að leigja út frá sér herbergi. Þekki þannig dæmi. Eða er betra að einungis stórir hóteleigendur fái inn tekjur af gistingu til ferðamanna? Alls ekki Jón og Gunna í næsta húsi, því þá eru þau bara gráðug . . .  

Já ég er viss um að náunginn sem plataði leigendurna sína út á þeim forsendum að fárveikur ættingi sinn þyrfti húsnæðið og skelltii svo íbúðinni á Airbnb var bara að auðga líf sitt greyið. 

Það eru nú ekki allir sem leigja á airbnb drullusokkar þótt fólk geti fundið slæm dæmi. Ef einhver á fasteign sem hann notar ekki vill viðkomandi líklegast ávaxta þá fjárfestingu eins vel og hann getur (en auðvitað á hann ekki að plata núverandi leigjendur út með lygum).  Mér finnst að Ríki og sveitarfélög eigi að byggja húsnæði sem þarf ekki að skila hagnaði og leigja út til borgaranna á sanngjörnu verði. Slíkt á ekki að vera siðferðileg skylda þeirra sem ákveða að fjárfesta í fasteignum frekar en í einhverju öðru hagkvæmu. En auðvitað þurfa þeir sem leigja út í skammtímaleigu að hafa tilskilin leyfi og gefa upp til skatts eins og aðrir sem reka fyrirtæki.

Nei ég veit það reyndar ekki, hef ekki kynnt mér þetta neitt af ráði. Bara lesið fréttirnar og svo þessi lög um fjöleignarhús. Ég held samt að sá sem vill leiga út íbúð í fjöleignarhúsi gegn vilja annarra íbúa stigagangsins hljóti að tapa máli fyrir hérðasdómi í hvert sinn sem slíkt væri reynt enda er óumdeilanlega ónæði og óþægindi af svona skammtímaútleigu. Bara sú staðreynd að það er sífellt verið að láta lykla af húsinu út til ókunnugra á nokkurra daga fresti hlýtur að teljast óþægindi og óöryggi fyrir hina íbúana að ég tali ekki um önnur óþægindi.

Í stuttu máli já, en það þarf að uppfylla ýmis skilyrði einsog t.d. að fá tilskilin leyfi og svo auðvitað greiða opinber gjöld, getur prófað að fletta upp hjá sýslumanni.
http://www.syslumenn.is/thjonusta/utgefin-leyfi/veitinga-og-gististadir/

Svo geturu bent tollstjóra á að athuga hvort að þessi aðili sé að greiða opinber gjöld ef að hann er að auglýsa gistingu og það er gestagangur þarna.

En þessi aðili er að hagnýta sína séreign og lögin eru þannig í dag að þetta er löglegt, eina sem getur stöðvað þetta er að ef þetta veldur meiriháttar ónæði t.d. stöðugar innritanir eftir miðnætti með tilheyrandi látum eða partýstandi.

En það er meiriháttar mál að fara með svona mál í gegnum dómkerfið og viðurlögin eru nánast engin.

Við ákveðnar götur í Reykjavík (Aðalgötur sem eru innan íbúasvæðis), er reyndar krafist þess, smk. Aðalskipulagi, að til að fá rekstrarleyfi II, (útleiga íbúða) þá þurfi samþykki allra íbúa fjölbýlis.