kaffii desert ... vantar uppskrift

Eeeeeelska þessa - getur bætt við kaffi til að fá sterkara kaffi bragð ;-)

140 gr smjör
200 gr brætt súkkulaði
1 bolli sykur
2 tsk vanilludropar
¼ tsk salt
1 msk kakó
2 stór egg við stofuhita
2 msk af heitu vatni
1 msk instant kaffi
2/3 bolli hveiti

1) Hita ofninn í 175° og leggja smjörpappír í bökunarform (ég nota 20cmx20cm form)

2) blanda saman kaffinu og vatninu í lítilli skál

3) Hræra saman sykri og smjöri þar til það verður flöffí - bæta við eggjunum, vanilludropunum og kaffiblöndunni - blanda vel saman

4) Bæta við brædda súkkulaðinu og blanda vel saman - bæta við öllum þurrefnunum en alls ekki ofblanda það, bara blanda saman þangað til þetta er allt komið saman

5) Hella deiginu í formið og bakað í 40 til 45 mín eða þar til að tannstöngull sem stungið er í kemur með bökuðu deigi en ekki blautu deigi.

6) Kæla í um 5 mín áður en kakan er tekin úr forminu

Þessi hér er alveg æðisleg :

Svo önnur hefðbundin :

Súkkulaðikaka sælkerans

Kökubotnarnir

• 1 ¾ bolli hveiti
• 2 bollar sykur
• ¾ bolli kakó
• 2 tsk matarsódi
• 1 tsk lyftiduft
• 1 tsk salt
• 1 bolli súrmjólk
• ½ bolli matarolía
• 2 egg
• 1 tsk vanilludropar
• 1 bolli kaffi

Krem

• 170 g súkkulaði, 56% Nóa Síríus
• 200 g smjör
• 1 eggjarauða
• 1 tsk vanilludropar
• 1 ¼ bolli sigtaður flórsykur
• 1 msk kaffi

Einn bolli er 2,4 desilítrar.

Hitið ofnin í 180 gráður.  Smyrjið tvö 22 cm form.

Sigtið hveiti, sykur, kakó, matarsóda, lyftiduft og salt í skál fyrir hrærivél. Þeytið saman. Í öðru íláti er súrmjólk, olíu, eggjum og vanillu blandað saman.

Látið vélina ganga á hægum hraða og blandið blautefnunum saman við. Bætið næst kaffinu saman við.  Skiptið deiginu jafnt á milli formanna og bakið í 35-40 mín. Leyfið að kólna.

Þá er komið að kreminu. Grófsaxið súkkuðaðið og bræðið í vatnsbaði.

Setjið hrærara á hrærivélina. Hrærið smjörið í nokkrar mínútur, bætið þá við eggjagulum, vanilludropum og þeytið áfram í 2-3 mínútur. Bætið næst við flórsykri og hrærið áfram. Þegar kremið er orðið mjúkt og fínt er kaffinu bætt saman við.

Setjið annan kökubotninn á kökustand og smyrjið kremi á hann. Setjið hinn botninn ofan á og smyrjið kremi yfir.